قصة اغنية تصدق حبيبي لعبدالكريم عبدالقادر

اغنية تصدق حبيبي الي نزلت في البوم راجع عام 1996 لها قصة جميلة جدا وبنفس الوقت حزينة جدا ! كاتب الكلمات هو الشاعر الكويتي ناشي الحربي والملحن الاستاذ سليمان الملا ! يقول الشاعر ناشي الحربي ان اغنية تصدق حبيبي كتبها لواحد من اعز اصدقائه كان يعيش قصة حب جنونية وكان كل يوم هذا الشخص يتصل في ناشي الحربي الساعة 11 او 12 بالليل ويقوله خل نطلع فكانوا يطلعون مع بعض بالسيارة وكان الغريب بالموضوع انه دايما يروحون نفس المنطقة ويقعد صاحبنا يفتر بالسيارة ويلف بالمنطقة يوم يروح مع ناشي الجمعية الرئيسية ويوم يروح فرع الجمعية ويوم يروح صوب مخفر الشرطة وكل يوم يختمها انه يروح عند بيت حبيبته وقلبه بس الشاعر ناشي لاحظ هالشي وقال لصاحبه شسالفتك كل يوم تجيبنا هالمنطقة وهالفريج وتفتر عند البيت هذا شسالفتك طبعا اعترف له صاحبه انه يحب وحدة ساكنة هالبيت وقال حق ناشي يا ناشي لا اسمع صوتها ولا اشوف زولها ولا بيننا موعد شنو اسوي يا ناشي هذي هي مشكلتي ومن حرة ما في قلبي كل يوم انا اجي البيت بالليل وافتر دار مداره فقام صاحبنا الشاعر ناشي الحربي وكتب الاغنية الشهيره تصدق حبيبي تاخذني الخطوة غصب على روحي صوبك تمشيني نصايف الليل يمك توديني المشكلة اني لا سامع صوتك ولا شايف زولك ولا بيننا ميعاد من حر ما فيني مريت نص الليل ولهان لك بالحيل والشوق لك وقاد ! وعرضها على سليمان الملا وقام بتلحينها وكانت المشاورات الاولية تشير الى ذهاب الاغنية الى عبدالله الرويشد لكن اصرار الشاعر ذهب الى صوت عبد الكريم عبد القادر وقال الشاعر هذا العمل لا يغنيه الا الصوت الجريح لان هذا العمل مستواه اكبر من الرويشد ولازم يتجه الى حنجرة الصوت الجريح لان كلماته كبيرة وقوية وبالفعل لما سمع بو خالد الكلمات وافق فورا واصدر اغنية تصدق حبيبي في البوم راجع ! هذي هي قصة اغنية تصدق حبيبي يا حبايبي

:smile:


http://5aleej.6arab.com/songs/5aleeji/abdulkareem/3abdelkareem..tesadeg-7abibi.ram

اللي تقرى الموضوع بلييز
ترد عالاقل شدعوه

مشكورة بس بصراحه شستفدنا احنا من هالقصة ؟؟؟؟؟؟؟؟؟


ياليت شئ مفيد حبوبة ولج جزيل الشكر

يعطيج العافيه
عاد انا حيل احب هالأغنيهـ

موشرط تستفيدين حبيبتي المهم انها قصه وصارت:teeth_smile:
هذي الاغنيه وايد ناس يحبونها وحبيت اقولهم قصتها

سديم حبيبتي العفو
اتمنى انها عجبتج وحبيتيها اكثر )

القصة حلوة

يعطيج العافية

الله يعافيج حبوبه

مشكوووره حبيبتي علي القصه

ويعطيج العاااافيه

تسلمــ الايااااااادي يااااا عسلــ

ماااا ننحرمـــ

ياحبايبي انتو العفو
شكرا على ردودكم العطره

واااااااااااااااي
شهالرمانسيه
ذكرتيني بالذي مضي
لووووووووووووووووول
يا ليت هالرمنسيه تدوم بس

هههههههههه:teeth_smile:
انشالله تدوم حبيبتي
مشكوره ع المرور الحلو يا حلوه

يعطيج الف الف الف الف الف الف الف الف الف الف الف عافيه

يعطيج العافيه على القصه والأغنيه الروعه

الحب عذااااااااااب والله​

يعطيييكم العافيه ع الردود الحلوه :smile:

ااااااه رديتيني لايامي الحلوه ياام عبودي

مشكورة حبوبة,,,,

فيها مقطع حلوو

والله ياعمري لو شفتني بهالحال ويا الحزن رحال ولون الحزن لوني...

تسلمين عالقصه الرائعه المؤثره...

جد استمتعت...

تقبلي مروووري

:smile::smile:
تسلمووون ع المرور والردود الحلوه