تكفون ساعدوني انا متزوجه عن حب صارلي 3سنوات والمشاكل كل يوم تزيد وصار بينا برود من جميع النواحي وانا قاعده عند اهلي ويقول ماترجعين الا اذا رديت احبج نفس اول او كل شي ينتهي وانا احبه ابي شي بعد الصلاة والدعاء اسويه عشان ارجع زوجي ويحبني نفس اول
أولا انا أسف لمشاركتي ولكن لي وجهه نظر كون الموضوع مطروح في القضايا الاجتماعيه وبحكم خبرتي في مجال الاحوال الشخصيه ولكن البيت لاينهار بلا اسباب فأما ان تكون الاسباب من جانب الزوجه و أما ان تكون من جانب الزوج الزوجه احيانا تهمل في نفسها او تهمل زوجها وخاصه عندما يرزقهم الله بالاولاد فيكون الاولاد الشغل الشاغل للزوجه وتنسي الزوج والزوج احيانا لا يشعر بالزوجه لعدم وجود تفاهم او حوار بين الطرفين لذا يجب للحفاظ علي البيت معرفه اسباب ذلك الانهيار لاصلاحها والسبب الحقيقي لبعد الزوج وازاله اي اثار أدت الي جمود الحب بين الزوجين وعليكي التوجه اليه واعلامه مدي حبك له وان تعتذري ان كان الخطأ من قبلك وتطالبيه بطي صفحه الماضي والبدء في صفحه جديده وأن تجعلي الاجواء بينكم كأنكم في فتره الخطوبه أو فتره بدء الزواج وتتلاشي ما يغضبه وتذكري انه لا يوجد كرامه بين الزوج وزوجته بمعني ان اخطئتي اعتذري فهذا ليس تقليل من الشأن فخير الخطائين التوابين واجعلي الحياه بينكم دائما موده ورحمه والله ولي التوفيق
المستشار ماقصر تعوذي من ابليس ورجعي لبيتج وتمكيجي وتكشخي لريلج واعتذريله بطريقتج .. لازم تعطين من قلبج اذا حابه ترجعون مثل قبل قوليله انج تحبينه ولاتقصرين معاه بشي وكثري من الاستغفار والصدقه بنية ان ترجع المحبه اللي بينكم وان ربي يسخركم لبعض والله يسخره لج وترجعون مثل قبل واحسن ياااااااارب
هذي اهم نقطه لأنها المفتاح اللي بيخلي زوجج يلين واذا شفتي ان زوجج تغير عليج اما يكون الشي منج او حتى مرات الانسان اذا فتر شوي عن دينه تلقين الدنيا تصير ضده سبحان الله وهذا مجرب استغفري حبيبتي والله يرجعلج زوجج اللهم امين
ونسيت شغله اتمنى انج ما تقولين حق اهلج عن الموضوع حاولي انج تقولين لهم اي شي ممكن يغطي عن السالفه ياما بنات يتشكون عند اهلهم وتصير السالفه ضدهم وان شاء الله بعد ماترجعون لبعض بتكبرين بعين ريلج لو درى انج ما قلتي لاهلج عن اللي صار بينكم .. الله يوفقج يارب
الله يوفقك ويدليك طريق الصلاح باذن الله تسلمين المستشاره احسن حل اعطتك وصح ما فيه شي بدون سبب قعدى مع نفسي وراجعي شو اللي صار وشنو الاخطاء طبعا اي وحده فينا بتعطيك حل ماراح تعطيك كثر اللي راح تعطينه حق نفسك لانا مو عارفين الموضوع بالكامل وهذي مجرد اقتراحات اعزميه على سفره انتي وياه بروحكم وجددى حياتك انتي وياها بدون العيال وغيري لوكك قصت شعرك لونه اخذى معاك شغلات ما لبستيها من قبل لانجري واذا ماعندك ميزانيه سفر شاليه او ليله في فندق وتفاهمو مع بعض قولي بينا عيال واذا شفتي ما فيه فايده قولي انا علشان احبك حاولت بس الظاهر انك انت بايع وانا كرامتي ما تسمح انزل نفسي واشتلري كرامتك وراح يلحقك لان الرجل عموما ما يحب المره الضعيفه.وبلغينا باخر اخبارك والله يرده لكم
