هاي بنات شلونكم شخباركم بقولكم قصتي انا عندي رفيجتي حيل وياها اروح عندها بالبيت من المتوسط معاي ما شفت عليها شي واهي اصغر وحده من خواتها وكل خواتها وخوانها متزوجين بس خوانها عندهم بالبيت ساكنين واهيا يوميا تطلع تروح تستانس مو مخلين عليها قاصر كلش كل مكان تروح مو حارمه نفسها من كل شي المهم حتى تطلع ويا السايق بروحها عادي يعني من قبل اهيا والخدامه اهيا حيل وياي انا ورفيجتي رفيجتي اسمها كذا حييييييييييل وياها يمكن اكثر مني ومستحيل تطلع سوالف عليها لانها رفيجتها من قلب تسولف وياي مره جان اقولها شخبار فلانه اللي اقولكم قصتها قالت ما ادري عنها حيل يعني ما اكلمها استغربت انا من هالحجي تقولي انا اخوي يذبحني اذا درى اني اكلمها قلت شكو اخوج قالت احلفج بامج ومن هالكلام حلفت اني ما اقول لاحد جان تقولي في يوم من شهر 5 كان امتحانات وجذي عندنا دخل عليها الغرفه اخوها جان يقول شتعرفين عن فلانه اهوا يدري عندها رفيجه اسمها فلانه قالت رفيجتي قال اكيد تعرفين عنها كل شي قال هالوصخه اسمها بكل دوانيه ومو مخليه احد مو مكلمته وكل من يكلمها يقطها ع الثاني وصورتها دازتها حق واحد على بنه تحبه ما تدري يقصون عليها رفيجتي من الصدمه قامت تبجي تقول فلانه تسوي جذي مستحيل ما صدقت اخوها اخوها قال انا ادق ع رفيجي تاكدين دق جدامها قالها عنوانهم جذي شارع كذا بنت افلان" امبيه " تقول اسبوع وانا ابجي ماني مصدقه قالت يمكن وحده ثانيه بس بيتهم والشباب شلون عرفوا اسمها بعد وعنوانهم الا اكيد اهيا مسجات قامت رفيجتي اللي اخوها كلمها دزت مسج حق الوصخه قالتها علاقتنا خلاص انتهت ومن هالحجي قالتلها ليش وجذي قالتلها تسالين بعد جان الوصخه عشان تميزون عن منو اتكلم قالت اي انا غلطت وجذي وسامحيني رفيجتي قالت انا اسامحج شكو انتي غلطتي مع نفسج واهلج اللي مدليلنج وابوها مسكين كبير وامج المريضه ما فكرتي فيها وخواتج سمعتهم وخوانج خواتها متزوجين بعد ما خافت تخرب عليهم لا حول الله ونعم الوكيل درجة ان الوصخه ما رضت تكلم رفيجتي متفشله .........بنات ساعدوني شسوي وربي ماني مصدقه تسوي جذي وليش مو متربيه شرايكم لو انتو مكاني ورفيجتكم جذي شتسون تقطعون العلاقه ولا شنو عطوني حل لان انا ما ابي اجيب الكلام لي من وراها يمكن غيري يدري بالمدرسه وجذي شرايكم شسوييييييييي وربي احترت قلت اشور عليكم واللي ترد علي بكون شاكره لها
حبيبتي الله يهدي رفيجتج انشالله,,,, وليش مااتصدقين كل شي جاايز,,,, المهم كل اللي عليج انج تسترين عليهااا ومااتتكلمين عنهااا عند احد ولاا تغتابينهااا لانهااا بنت وانتي مثلهااا,,,واللي مااترضينه على نفسج اكيد مااترضينه على اي بنت الله يهديكم انشالله ,,,,,,
اختي شي غريب انج تكتبين السالفه وانتي حلفتي انج ماتقولينها لاحد وبعدين رفيجتج مالها شغل بشي بس قوليلها تقطع علاقتها برفيجتها الثانيه لأن ممكن يحوشها طشار عل قولتهم يعني الزم ما عليها نفسها خصوصا بهالموضوع الحساس ..
حبايبي انتو ما تعرفوني يعني ولا تعرفون البنت يعني انا عشان ذي كتبت السالفه لان ما عندي احد ابي احد اقوله شسوي واكيد رح استر عليها وربي لانها مهما كان رفيجتي والله يستر عليها بس لاتزعلون اللي تقول ما تقولين لاحد كتبتي السالفه اي انتو اصلن ما تعرفوني ولا تعرفون رفيجتي بغيتكم بس تساعدوني لو تعرفوني رح تعرفون منو هالبنت يعني عادي الحين محد يعرف الثانيه يعني ما قلت حق اللي يعرفونها
حياتي ستري عليها اللي سوته اكيد غلط وهالشي بينها وبين ربها يمكن تتعدل و اتوب ما تدرين الله يهديها ان شالله
حبيبتي اول شي مثل ما قالو خواتي اذا سترتي عليها الله يسترج دنيا واخره ثاني شي قطعي علاقتج فيها نهائيا لانه الناس يشوفون الظاهر واهيا سمعتها بالظاهر موزينه والديره صغيره تدرين والناس يعرفون بعض فلا تييبن الحجي حق نفسج لانج لي تميتي معاها بقولون رفيجتها اللي ويها اكيد مثلها .. والتفاحه الخربانه تخرب التفاح اللي معاها ادعيلها بالهدايه انشالله
اي والله انا انشا الله ساتره عليها لانهااااااااااا كااااااااااااااااانت رفيجتي الحين خلاص ابعد عنها نهائيا احسن لي وبعدين من سبتها يقولون انا معاها ونفسها لا يبا ابعد احسن ومشكورررررررررررين فهمتوني شسوي وما قصرتوا معا ي يارب استر عليها وعلى بنات المسلمين بس خلاص بقطع علاقتي فيها
انا بصراحه مادري مستغربه ولا مصدومه من الكلام الي قريته ..!! يعني الحين الي تسمينها الوصخه هذي كانت رفيجتج بيوم من الايام ولو انها وصخه مثل ماتقولين هالحجي ماتييين انتي تحاسبينها عليه عندها ام عندها ابو اخواان خوات اكبر منها .. وانتي كصديقة كل الي عليج انج تنصحينها واكيد تحطين بالج انج ماتنجرين بهالطريج وياها ولو انج بتهدين و تمشين و رفيجتج الثانيه نفس الشي بالعكس البنت بتشوف نفسها بروحها و بترد لهالطريج و بتتمادى و لكن اخيرا لازم تحطين بالج لانه البنت سمعة طلعي رفيجتج من الطريج هذا وحطي بالج لا اهيا الي تسحبج وياها
الله يستر عليها... بس انتي لازم تنصحينها عشان تبعد عن هالطريج وتفكر بسمعتها والبنت اهم شي عندها سمعتها وشرفها واذا خليتيها وكل اللي بالدواوين يعرفونها بطيح بجبد اهلها الله يعينها على بلوتها :mskket:
مشكورررررررررررررررررين حبايبي واللي قالت اني انا قلت عنها الوصخه والله من حرتي عليها لان ما تستاهل الثقه وما في شي قاصرها تسوي جذي بس عشان اتسى وين قاعدين وربي يستر عليها انشا الله وانا عموما رح ابعد عنها لان اهم شي سمعتي واصلن انا حتى البنات نمل يسولفون شباب ما ادري شنو انا وحده اترفز ما احب هالسوالف لان فيه غلت ادب الصراحه بس الله يهديها انشا الله ويستر عليها هذا اللي اقدر اقوله
.... الله يستر علينا و على جميع المسلمين اللهم آآآآمين .... .... أول شي حبيبتي لازم تحطين ببالج ان الصاحب ساحب .... .... و ثاني شي مولازم تنسحبين مني و الطريج من حياتها لأ هالشي غلط لازم تفهمينها انتي ليش تبين تبتعدين عنها علشان تلحق على عمرها و ما تطلع عنج كلام و حجي من حرتها على ابتعادج عنها مثل ما انتي من حرتج عليها قلتي عنها الوصخه ما تدرين بصراحه اللي تتجرأ و تسوي اللي تسويه مو بعيد عليها تطلع كلام و حجي عن الناس .... الله يستر علينا و على جميع المسلمين و المسلمات ....
اطلبي من رفيقتش الي لها سوالف انها توب من هالخرابيط وترد لربها ولاهلها وقولي لها اذا ما راح تبطلين هالسوالف راح نقطع علاقتنا معش الله يهديها...
مشكورين حبايبي ع نصيحتكم روح كويتيه ثانكيو صح كلامج يعني مو لازم ع طول انقطع عقب اطلع من حياتها عشان مصلحتي الله يهديها مثل ما عرفتها رح اعرف غيرها انشا لله
نصيحه ابتعدي عنها واقطعي علاقتج فيها من غير تجريح وثمني العشره اللي كانت بينكم واستري عليها..........الله يستر علينا وعلي بناتنا وعليها وعليج وعلي بنات المسلمين ان شالله بالدنيا وبالآخره ......
