مرحبا بنات شخباركم ؟ انا اختي متزوجة صارلها سنه وزرجها مطلق وعنده بنت المهم اختي بالصدفة باحد العروس شافتها ومن صج ماابالغ اختي فارقة عنها بالبدايه اكتشفت اختي انها دز مسجات حقة وواجهتا وعدت الامور على خير المهم بالصفه وهيرايحه السوق عاد كانت موكاشخة ولابسه عباة راس المهم تقول وانا وزجي نمشي والا هي وامها بوجها تقول زوجي مايدري اني اعرف شكلها المهم تقول استغربت لردة فعلة حيييييييييل انقلب مزاجه وقعد يضحك ويغني وهم بالسيارة من قلبه لدرجه انه اختي قالت له عسى ماشر مصخن وحدة مستتتانس اختي محتارة ليش ردة فعلة كانت جذي ؟ طبعا كل هذا وهو مايدري انها تدري؟؟؟؟؟
انا اقولج لانه يحبها صدقيني انتي لما تشوفين انسان تحبينه اكيد مزاجج بيصير حده اوكيك مفهومه السالفه وشكلها مواعدته مو بالصدفه لانها ادزله مسجات عاجلا او اجلا راح يردها لانه يحبها
ماعليج من كلام الحريم بس بصراحه حطيت نفسي مكان اختج الظاهر مرته الحقيره تعرف تلعبها صح وتعرف زييييين كيد الحريم وهالفنون خططت بالبدايه شلون تلين قلبه بالمسجات وبعدين تلحقه الايام الجايه اكبر تحدي لاختج وخليها تستعد هذي حياتها ولازم ماتعطي اي وحده فرصه انا مااتكلم من فراغ الحريم الخسس واااااااجد خليه تسوي نفسي انا حافظه فيديو لدانا انا الاصل ويوميا اطالعه اكثر من مره لين صرت نسخه منها كاني مصريه بالعوابه اهم شي الثقه بالنفس وتحياتي لاختج :wink_smile::wink_smile:
اكبر غلط ان المره ماتثق بنفسها الله سبحانه يحب المؤمن القوي والثقه هي القوه شنو هي مو انثى مثلها يعني تتفرج على اللي تخلت عن زوجها ويوم مالقت اللي ياخذها رسمت على طليقها انا وحده ادمان هيفا وروزي ودانا وتعلمت اصول الانووووثه والدلع منهم واقلدهم لين صار لي ستايل خاص فيني يذوب زوجي خليها تتعلم منهم الثقه تراهم حريم مثلنا ويتعلمون من بعض الثقه ضرووووووووووريه وصدقيني اعرف وحده نفس اختج وقلت لها شوفي هالفنانات والحين انا اقلدها واثقه من نفسها وعوووووووبه بس عوابة السنع والرجال يحب المره العووبه السنعه اللي تدافع عن بيتها انا حامل وعندي عيال ومن عوابتي زوجي يناديني يا عوبتي لاني احافظ على شكلي وبيتي ودايما بخور الله يحرسني من العين اميييييين
ماتوقع مواعدها ولا ليش بياخذ مرته وياه ! واهيا ليش بتييب امها يمكن يبي يحرها انه مستانس ويا مرته .. بس هم ليش بالسياره كملها ضحك ووناسه!!
اسسسسسسسسسستغفرالله انتى ماتعرفين تفولين كلام يريح القلب؟ يعنى انا الصراحه استغرب من الحريم الى تنقالهم المشكله ويزيدون النار حطب؟ الضاهر انتى انسانه سورى مجربه الحره هههههههههه اتغشمر انتى ياراعيه الموضوع والله ان ردت فعله عاديه ترى انت حطى نفسج مكانه احس الموقف يموت من الضحك وعلى المسجات تقدر تحلها بشاطراتها؟ مثلا اان فى الموقف مره قريت لاستشايه ان فى الموقف على الزوجه انها تفضح طليقته عند اهلها وبجذى راح تخاف من الفضيحه وتبعد الان حتى اهلها مراح يرضون
انا اقول لاختي بالطقااااااااااااق ليش تهتمين عشان عوار قلب الا اضحكي واستانسي وماعليج من احد دامج ماسويتي غلط لاتهتمين عيشي حياااااااااااتج وخلي الي محتر يحتر اكثر ومشكووورين عالردود
انجلينا حبيبتي الحمدالله انا ماجربت الحره وانشالله ماجربها بس ليش انقص على بعض انا كل هدفي تهيء نفسها للموضوع ولا تبينها تنصدم بعدين انا قست سالفتها على مواضيع تشبه هالموضوع بعايلتنا ولقيت انهم يكلمون طليقاتهم وسوالف لاوحده مطلقه اتخلي بنتها اتكلم ابوها تقوله بابا انا احبك بابا امي ماتبي غيرك تخيلي يعني همن الوحده اذا بتاخذ مطلق وعنده جاهل اتحسب الف حساب انه ممكن يردها يوم من الايام ولاشراااااااااااااااااااااااااااااااايج كلامي غلط
