انا متزوجه من كم شهر بس من اسبوع عرسي وزوجي متضايق وتعبان تخيلوو شفتو بنت زوجها يقول لها روحي لبيت اهلج زياره وترفض تدرون ليش ؟؟؟؟؟ اخاف روح لبيتي اهلي وما ارجع بعد زوجي باسبوعين بس رحت لاهلي قلت له تعال اخذني قال اللي بينا انتهى بيجيت وبيجيت صرت اروح الدوام ابجي هناك اقول ليش ليش يصير فيني جذي ومرات الايام علي اسود من شعري راسي ماني عارفه وش خطاي وش ذنبي وهو كان طاير فيني اول الايام وبعدين تغير بعدها بفتره اتصل علي انا ابيج وانتي زوجتي طرت من الفرحه ورجعت لبيتي وزوجي وقال لي سامحني اه بس والله ايام ورجع مثل قبل ما يطيقني هو ينام بمكان وانا بمكان صبرت شهرين على هالحال لاني ياء اليوم اللي رحت فيه لاهلي وخلاني وانا لليوم قاعده ببيت اهلي وحابسه نفسي بغرفتي ودمعي على خدي ابجي قهر واخذ الالبوم صوري انا وياه واطالع فيها وابجي اقول كل بنت تقعد تحلم بزوج سنين ودايم تفكر متى اتزوج ويصير عندها حبيبي وزوج وعيال وبيتي كل هذا راح مني حتى مبارك عليج شهر ما سمعتها منه وباجر بيي العيد لكن وينه موموجود لا بعيد ولا صيام صامه معاي
أصبري وتأكدي من الله بيعيضك خير وادعي لله أنه يريح بالك وتأكدي من أن الدنيا مليانه مشاكل لكن المهم كيف نتعامل معها ونحلها بقوة إيمان بالله وبصبر وحكمة والله يرزقك
يا بعد قلبي انتي الله يعينج ياارب والله يصبرج ويرح بالج يا قلبي ويرجع زووجج لج امييييييييييييين رااح ادعيلج من قلبي والله
هلا حبوبه والله يعينج وان شاء الله حياتج تكون كلها عسل لانج تستاهلين بس اتحملي تحملين اجلي الحمل شوي لانج لين الحين مب واثقه ولاتبهدلين اليهال وياج وربي يحفظج ويصبر ج
ادعي بهذا الدعاءاللهم وفق بيني وبين زوجي واجمع بيننا على خير ..اللهم اجعلني قرة عين لزوجي واجعله قرة عين لي واسعدنا مع بعضنا واجمع بيننا على خير ..اللهم اجعلني لزوجي كما يحب واجعله لي كما احب واجعلنا لك كما تحب وارزقنا الذريه الصالحه كما نحب وكما تحب .. اللهم اهدني واهدي زوجي واجعلنا من اهل بيت صالحين.. اللهم اقر عيني بهداية زوجي وصلاحه وتقواه..اللهم اقر عيني بالذريه الصالحه التي تدخل السعاده الى قلوبنا وارزقنا برها..واكرر الدعاء الى الله باسمائه الحسنى التي تحمل معاني الرحمه والرأفه والود وادعي اللي انه الله يهدي زوجي والله يوفقكم
كثري الاستغفار ادعي انتي تستغفرين كل يوم استغفري وادعي بالركوع واستعيني بالله انا عندي رفيجتي نفس حالتج بالضبط بس يمكن انتي اهون منها الله يعينج ويعينها يا رب
[دعاء زوجه لزوجها اللهم وفق بيني وبين زوجي واجمع بيننا على خير ..اللهم اجعلني قرة عين لزوجي واجعله قرة عين لي واسعدنا مع بعضنا واجمع بيننا على خير ..اللهم اجعلني لزوجي كما يحب واجعله لي كما احب واجعلنا لك كما تحب وارزقنا الذريه الصالحه كما نحب وكما تحب .. اللهم اهدني واهدي زوجي واجعلنا من اهل بيت صالحين"
اللهم ردلها زوجها كما رددت يوسف لابيه اللهم قر عينها فيه ولا تشمت عدو ولا حاسد عليج بسورة البقره يمكن عين اللي فيكم وسورة الانشراح ولله اكتب وانا اصيح من قصتج لانا مااحد مرتاح بها الدنياكل على هم سرى وادعي لج وانا صايمه اللهم اااااااميييييييييييييييييييييييين
بعدياعمري يا اخواتي والله هذا العشم فيكم ما قصرتوو عسى ربي يجزيكم خير والله يابنات وقفتكم معاي فرحت قلبي والله واشكركم خواتي على الدعا اللي عطتوني اياها والله ما قصرت اسال الله العليم العظيم ان يجعل وقفتكم معي بميزان حسناتكم وكل وحده وقفت معاي الله يوفقها ويستر عليها دنيا واخر ويسخر لك وحده فيكم الزوج الصالح الحبيب والذريه الصالحه اتمنى اشوفه بالعيد والله قسم بالله اني كل يوم وكل دقيقه اشوف جوالي يمكن دق لي يمكن ارسل لي وكل يوم اقول اليوم بيدق ويروح اليوم ما دق على امل اشوفه رقمه مدري ساعات اقول يمكن معيشه نفس بحلم والواقع يقول انه ما يبني مدري والله واختي اللي بيجيتي من قصتي عسى ربي ما يفرحج بدنيتج ولا تشوفني مكروه
والله الكل ساكت اهله ساكيتن واهلي يقولون نسيه مدري هو كتاب والا ثوب ولا شي شنو عشان انساه هذا زوج الكل ساكت وقاعد يتفرج علي وانا شنو مدري ساكيتن يقولون هو بيطلق بس ماندري متى هذا الكلام بس للاسف بس انا مدري مرات احس انه جذاب ما فيه شي ومرات اقول مريض ومدري
ما اقدر اروح لانه هو اللي خذني وداني للبيت اهلي ودزلي مسج قال لي خلاص قبل شهرونص ولليوم ماني عارفه وش مصير والله تعبت كل بكي بكي ما عارفه وش مصير نفسيتي تعبت صرت معلقه ولا ادري وش مصيري
