تحيه واعزاز الي عشابتنا ام عيالي

اختي الكريمه كتبت بموضوع منفصل لج هذا الردواتمنى يكون كافي حتى ترتاح نفسج لانج واضح اخذتي الموضوع اكبر من حقه وقدام الكل اقولج ماقصدتج بشي وانتي اخت لنا بالمنتدي ولج زباينج ورزقج على الله والله مايقصر فاعتذر منج اذا بدر مني شي زعلج او تشوفين انه يقطع برزقج ترى ماقصد وربج ولاهذا اسلوبي ولج حق تتحسسين لان هذا باب رزقج بس ابي الاخوات يشوفون اذا انا زعلتج بكلامي الي كتبته وصدقيني ماعندي اي نيه خبيثه ولا لي علاقه باي عضوة 00
وانشاء الله شايفه كل خير وعسى يوسع لج في رزقج ويهديج لخير الدنيا والاخره ترى الدنيا ماتسوى عشان نفكر ونحلل اخذي كل شي ببساطه وربج مقسم الارزاق لو اجتمعت الامه على ان تضرج ماتضرج الا باذن ربج والحمدلله ترى انا بنت حموله وخير ولاني قطاعه ارزاق ولاعرض بنصيبج والله شاهد وهذا انا اثبت حسن نيتي لج بالمنتدي بمووضع منفصل بس رايي ماغيره لان كل حر برايه وواضح انج حساسه وتزعلين على اشياء ماتسوى

اختي زمن شاكره لج كتابتج لهالموضوع وبالنسبه لي ما اقدر اجذب واقول اني مستانسه ومرتاحه سامحيني آنه صريحه وصراحتي هاذي زعلت مني ناس وايد لانج جرحتيني بتشكيكج فيني واعتقد اي وحده غيري هم بعد بتنجرح لما اي احد يقلل من قيمتها آنه مو عديمة الثقه بنفسي مثل ما انقال بس المشكله اني حساسه زياده عن اللزوم صدقيني مازعلت ولا قكرت ان رزقي بينقطع ولا شي من هالحجي اكون جذابه اذا قلت لج جذي لاني مو داشه هالمجال علشان اتربح وسبق وشرحت هالشي بس الي زعلني اني انصدمت من الاسلوب الي رديتي على فيه انتي والعضوه مريوم ومن امس وآنه افكر بكلام زوجي عن هالشغله وتأكدت ان معاه الحق يوم قالي كملي بطريجج الي بديتيه عندج تخصص درستيه وكملي فيه واهو الحقوق ليش ماخذه الشهاده وخاشتها وحافظي على مكانتج الاجتماعيه وقتها ما كنت اتصور ان في وحده بتقلل من قيمتي جذيه بس الحين اشكرج كلامج رجعني لوعي الوحده لازم تحافض على بريستيجها وتخلي هواياتها ودوراتها على صوب عموما انتي ماقصرتي وحصل خير وانه لا اعرفج ولا انتي اتعرفيني ولا بشيل عليج ولا شي بس صدقيني حسيت بغصه بقلبي ما حسيتها طول عمري يمكن الموضوع عندج وعند غيرج صغير بس الوحده اذا كانت حساسه الموضوع بيكون له اثر في نفسها عموما هاذي السالفه صفحه وبطويها وانتي بنت من بنات الكويت يعني اخت من خواتي والله يوفجج ان شاء الله ورايي بعد ما اقدر اغيره وكل له رايه ومبارك عليج الشهر وكل عام وانتي بخير وحسن نيتج تأكدت لي بكتابتج لهالموضوع وشكرا لج

العفو اختي ام عيالي وعسى الله يغفر لي ولج والموضوع اخذ اكبر من حجمه صدقيني اكرر اعتذراي ومااقصد اي تقليل من شانج ولابعمري سويتها وكانت بس راي وقلته وماظنيت ياثر فيج لهالدرجه عموما حصل خير وبالتوفيق

بارك الله فيج اختي ومبارك عليج الشهر