انا مااعتبرها مشكله بس شي غريب انا عمرى 32 واكمل دراستى حاليا بالجامعه والشى الغريب ان قلبى رف وحب واحد معاى بالجامعه وحكم نشاطات الجامعهصار احتكاكى معاه وايد ومتواصل المهم اهو اصغر منى بوايد فصار منى ومنهاكثر من مر نظرات واعجاب وغيرها فى البدايه كان مسجات بعدين مسنجر واخير الحين ع طول تلفونات...............بس انا اعترف عمر ماقالى احبج بس يقلى حياتى وعمرى وانتى اغلى ابشر وايد اشياء المهم الى انا الى غلطة فيه انى اغرقه باهدايه وكل ماطلب سلف فلوس عطيته..... صارلى معاه الحين سنه وكل مالى احبه اكثرواقول انى احبك بس اهو مايقول ..شنوتنصحونى استمر ولا اخليه مع لم مااقدر اخليه
هلاحبيبتي حبيبتي اكبر غلط يسوونه البنات هالايام انهم لمن يحبون واحد يعطونه كل ماعندهم من غير ما تعرف البنت الصبي شنو نواياه اتجاهها اواذا يحبها صج اويلعب عليها بعدين شغله ثانيه بالعقل يعني انتي ماشالله عليج كبيره وفاهمه يبيلج واحد من عمرج فاهمج ناضج يكون في نسبه وتناسب بينكم مو صغير 22 بعده ماشاف من الدنيا شي ويبي يقزرها عليج ياخذ منج اللي يبي بالكلام الطيب والحلووو ... انصحج انج تتركينه بتلاقين اللي احسن منه علاقتج فيه اتوقع انها عابره ومصيرها راح تكون كل منكم بطريج واذا كنتي مصره انج تحبينه ومتعلقه فيه وبتعرفين اذا يحبج لنفسج او لمصلحه لا تعطينه شي لفتره ولا تقوليله احبك خليج عادي مجرد زميله راح تعرفين بعدين شنو نواياه معاج (( واي نتيجه تطلع معاج لاتتسرعين بالعقل فكري وحاولي تختبرينه في اكثر من موقف عشان يبين لج نيته معاج )) ولو انه نيته واضحه انه الولد لعوب بس عشان لاتقولين البنات ما ينصحون ولا يساعدون الله يرزقج بولد الحلال الطيب .. ربي يساعدج
هلا أختي . . . حبيبتي هذا ما يحبج هذا يستغلج وفارق العمر كبيررررررر بينكم حبيبتي تركيه انتي هدفج تتزوجين واهو هدفه يستانس وتصرفين عليه انتي عارفه ومعترفة انج قاعدة تعطينه هدايا وفلوس انتي تعطين علشان تبين زواج وحب لكن اهو ياخذ لانه محتاج ووصولي ومصلحته عندج أختي دائما اقول يحيني = يتزوجني يحبج قوليله تعال اخطبني بيقول انا لما الحين طالب قوليله عااادي بس ملجة وشوفي كلامه واعذاره اللي بيقولها وتكفين لاتصدقين منها شي والله الرجل لما يبي ويشتهي يتزوج ان شاء الله لو عمره 18 تلاقينه يتزوج اختي في قسم للزواج والخطابات في المنتدى شوفي نفسج وتركي هالوصولي
كلامج فى من الصحه ولىراسي واشكر مرورج وردج على بس اهو المشكله يعاملنى بطريقه يخلينى احبه تخيلى يعنى يزعل لو اتأخر عن البيت ويعصب بعد ويغار وكل شي بس مشكلته يقولى انتى كل حياتى بس مايقو ل احبج
انا قلت لج اختي هذا وصولي وانسان مصلحجي وانتي تهادينه وتصرفين عليه شلون ما يبي يقص عليج اكيد بيقص عليج ويوهمج بأنه يحبج حتى كلمة احبك ما يقولها لج !! حبيبتي قوليله تعال اخطبني ان قال لج انا طالب فكري بنفسج ان تخرج وعلى مايتوظف جم بيكون عمرج ؟!! 35سنة حبيبتي والله اني انصحج لمصلحتج هالشاب يشوف فيج بنك وناسة متحركة تركيه انتي مو صغيرة واللي اصغر منج تزوجوا وانتي هدفج زواج وبس شوفي حالج حبيبتي وتركي هالوصولي تركيه هذا حجي العقل والمنطق وإذا بتقصين على نفسج وتضحكين على عمرج سوالف الجذب وفرض العضلات واني رجل والامر الناهي والمسيطر عليج اسطوانة مشروخة وسوالف نصابين يعني لاتصدقينه اهو عمره 22 وانتي اكبر منه بــ10 سنوات يعني افهم منه بـ 10 سنوات مو شوية هالعمر انا مستغربة شلون سمحتي لنفسج انج تسوين علاقة ويا شخص يصغرج بـ10 سنوات انا ما اشجع على علاقتج لكن احاول اوصل لعقلج انا عمري مقارب لج ولما كنت اروح لديوان الخدمة المدنية كنت اشوف هالشباب بهالعمر والله احسهم يهالوه ( جهال ) صغار بالنسبة لعمري لكن حاجتج للحب والزواج وانج تكونين انسانة محبوبة من رجل بهدف تتزوجينه اعمت عقلج عن شيء مهم انه مايناسبج ابدااااااااااااااااااااا استمري وياه لكن تذكري كلامي واسمي بعد جم سنة بتعرفين ان كلامي صحيح لكن ذيج الساعة بتكونين خسرتي مشاعرج وعمرج وفلوسج
اي والله عدل كلام الاخت حبيبتي الله يكون بعونج الدنيا ما وقفت عليه انتي طيبه والله بيرزقج انسان طيب على نياته مثلج واحسن منه بعد .. الحب مو غيره وبس الحب اكبر من جذي وانشالله تلاقين الانسان المناسب ياللي يعيشج الحب
أتنمنى من الله أن يرزقج بالزوج الصالحه هذا نصاب لقاله وحدة تصرف عليه هو لو فيه ذرة رجوله ماسمح لنفسه أن حرمه تصرف عليه انا اللي أصغر مني بخمس سنوات أشوفه بيبي صدقيني أبتعدي عنه وكرري الاستغفار وبأذن الله بتزوجين وتعزمينا ع عرسج رددي دايم لا إله ألا أنت سبحانك أني كنت ن الظالمين وأستغفر الله وأتوب إليه اللهم أرزقها بالزوج الصالح الذي يكون سند لها في دنياها أختج دلع
اختبريه وجربي لا تعطينه شي واذا طلب منج شي تعذريله بأي شي المهم لا تعطينه واذا عصب وتغير عليج معناه انه يبيج حق مصلحته وبس وعكسي الآيه عليه انتي طلبي منه خل يعطيج واذا ما عطاج يعني اهوا اناني ما يحب الا نفسه وعلى قولة نبيل شعيل " شوفي غيره ومن دنيتك شيلو "
تدرين انى من امس وانا مغيره اسلوبى معاهابس احس او عادى ماتغير بس قاى شفيج اليوم مو على طبعج:mskket::mskket:
شوفي انتي كبيره بالعمر يعني انتي المفروض اتربينه يعني امه من غير زعل اتبع امبجيك ولا تتبع امضحكك غلط انج تعطينه كل شي انتي ناقص تعطينه نفسج انتي بنت كبيره وعقلج اكبر افهميها واضح انه يستغلج واسئليه انتي بنفسج شنو تالي هالمكالمات وهالسوالف زواج لو غرضه شريف بقولج اتزووج ويسويه ويكون عند كلمته اما اذا قالج ابي اكمل دراستي يالله اتزووجج فهذا جذاااااااااااااااااااااااااااااااااااااااااااااااااااااااااااااااااااااااااااااااااااااااب والله يهديج وتعرفين طريج الصواب واعرفي ان احلى حب اهو حب الزووووووووووووووج
من صجج ابيج تشوفين العمه الى فى مسلسل ام البنات ...شنو سار فيها اخر شئ حبت واحد صغير قص عليها وخذا كل فلوسها ديرى بالج حبيبتى سيرى قوى لا تخلين العواطف تلعب بمخج واعتبريه كبر اخوج الصغير او ولدج والأيام تنسى والله يرزقج الرجل الصالح شوفى الخطابات
انا اوافق اكثر خواتي الي ردوا عالموضوع بالراي ..مبين من كلامج انه مستمر معاج لمجرد انه مستفيد منج جربي فترة لا تعطينه هدايا و لا فلوس و شوفي شبيسوي
اختي بقولج شي بس لاتزعلين انتي تدرين انه مايبي منج الا فلوسج وانتي اعترفتي بهالشي وانتي عارفه انه مايناسبج بس لقبج يدل على نيتج من هالعلاقه انج تبين تتزوجين وبسسسسسسسسسس وماتبين تخلينه لانج خايفه مايجي غيره اختي هذا جاهل تلقينه من وراج ميت عليج ضحك وربعه كلهم يعرفونج وحاسدينه على البنك المتنقل اللي يعطيه فلوس وهدايا عشان مايخليه وااااااااااااااسفه على قسوتي
والله انا اضيف لكلام حواتي ام عبدالله وام علي اللي كفو ووفوو حبيبتي اتركيه لان والله اللي تسوينه اكبر غلط لاتخسرين نفسج والاهم منه ربج عشان واحد مايسوى واستغلالي ووصولي تقبلي مروري والله يهديج ويهدينا وياج لما يحبه ويرضااه
