(( تكميم المعدة )) احدث عملية سمنة واكثرها امان !!!!

تعريف

استئصال ثلثي المعده بالطول عن طريق المنظار

من يحتاجها

ذوي كتلتة جسم 40 فما فوق او 35 مع امراض مصاحبة للسمنة ( سكري , ضغط , امراض القلب والتنفس , خشونة المفاصل والعمود الفقري , مشاكل الهرمونات وضعف بالانجاب الخ )

فوائدها :

* نزول الي الوزن المطلوب بنسبة اكثر من 85 % من المرضي
* الشفاء من اغلب الامراض المصاحبة للسمنة بنسبة تفوق 90 % من المرضي وال 10 % تتحسن عندهم الامراض بنسبة كبيرة .

سلبياتها

* احتمال التسريب والنزيف .. بنسبة لا تتجاوز 3 حالات بين كل الف مريض يعمل هالعملية
* تساقط الشعر - يحدث مع اي طريقة لنزول الوزن جراحي او غير ذلك
* تغير السلوك الغذائي للمريض وما يترتب علي ذلك من امور اجتماعية واحيانا نفسية ​

يسعدنى انى اول وحدة ارد عالموضوع .
.اولا يعطيك العافية
ثانيا عندى سؤال
...انا وزنى كان 77 بس حملت بسرعة صعد وزنى صرت 88 خلال شهرين بس وطولي 168 ..والحمدالله ماعندى اي مرض غير خمول بالغدة الدرقية واكل علاج حجم 150 ..اقدر اسوى العملية بعد الولادة؟وجم تكلف العملية تقريبا ..انا خاطرى اظعف تعبت من الدايت..

احس العمليات تخرع و مالها داعي
و الا شرايك دكتور

هلا خواتي الدكتور يستقبل استفساراتكن على هذا الرابط

http://www.kuwaiteya.com/vb/t93858.html

مشكووره اخت ام عبدالله وهم نستقبل استفسارتكم هني انشالله ما دمنا باجازه هالايام والخفارت والعمليات مخربطه الروتين عندنا

احب اشكر ادارتكم لاستضافتي بما ينفع الناس


الاخت / ام الريش :

كتلة جسمك 31 ( 88 تقسيم 1.68 تقسيم 1.68 ) ... يعني ماعندك سمنة مفرطه اللي عندك هو وزن زائد فائدة العملية لا تتجاوز مخاطرها عندك .. لذلك لا ننصح بالعملية .. لكن نحب ان ننبه بان خمول الغده الدرقيه من اهم اسباب السمنة ويجب عليك متابعة دقيقه للتاكد من عدم تأثيرها عليك .. افحصي بعد العلاج شهريا لمدة 3 اشهر وبعدها كل ستة اشهر ولا بأس من جرعه زايده شويه لتقليل الوزن !!! لكن هذا يعتبر رأي بعض الاطباء يمكن ما يوافقوني عليه ... والريجيم مالك عنه ملاذ وسلامتك


اختنا / المهندسة

اظم صوتي لصوتك لهذا السبب الجراح قبل المريض لازم يتأكد من حاجة مريضه للعملية لتفادي العواقب ... ومشكوووووره عالمروووور ( حسبتي كتلة جسمك ؟؟؟ مااتوقع انك عانيتي من السمنة المفرطة !!!! لانها من الاموور التي تعرض الانسان الي اثار صحية اجتماعية ونفسية .. ونتمني لك والاخوات دوام الصحه )

الف شكر عالرد السريع ..بس دكتور انا على ما أولد اوصل ال 100 يمكن ...وانا ودى اسويها عشان اظعف حييييييل..طيب يعنى اذا انا ابي اسويها حتى لو مااحتاج يصير؟؟

طبعا لا
ما نسوي عملية كوقاية بالسمنة

عمليات الوقاية لبعض حالات الاورام فقط ( الله يبعد عنك وعنا وعن المسلمين )

لكن ممكن نتابعك نشوف الادوية والريجيم اللي تستخدمينه ونتابع سلوكك الغذائي لو تبين

وسلامات

ماقصرت وشكرا على تواجدك الثمين ..

مرحبا دكتور
انا سويت عمليه تصغير معدة وتحويل مسار صارلى 4 شهور
وآخذ فيتامينات للشعر اسمها البونتغار
والفتامينات الاساسيه
الحديد والزنك والكلسيوم وب12 ومجموعه فيتامينات اسمهاsupradyn
باعتقادك كافين كل يوم آخذهم
كلهم آخذهم مره باليوم بس الكالسيوم والبونتغار مرتين باليوم
وانا سمعت لازم آخذ معاهم الفوليك
وابى نصيحتك بالادويه اذا فى شى ناقص
ومشكووووووووووور

وعلى فكره دكتور انا بعد العمليه عطونى بروتين بودر اخلطه مع السواءل
وما قدرت اشربه وقالولى هذا ظرورى للشعر علشان ما يطيح بس انا ما سمعت الكلام
وحاليا شعرى يطيح واااااااااااااااااااااااااايد فوق ما تتخيل
وانا بصرحه حبيت اسأل سؤال ثانى
ممكن آخذ شى بديل البروتين مثل حبوب او كبسولات
او باعتقادك آخذ الفوليك بديل البروتين البودر

اعتقد ان هذا كافي انشالله لكن لاتنسين اهم نقطة بالموضوع هو المتابعة والفحص الدوري كل ست شهور لمعرفة اذا تقدرين ترتاحين من حبة معينه لفتره معينه او تضيفين حبه اخري
بالنسبة للبروتين ماله شغل بالفوليك اسد هذا شس وهذا شي
متواجد بال جي ان سي حبووب للبروتينات المركزه بكافة انواعها وسهله للبلع اخذيهم ( شي احسن من ولا شي !! )
الجي ان سي لهم موقع عالنت بالعربي تقري فيه راح تلاقين اللي تبينه انشالله
gnc

وتابعي معانا بالمنتدي نشووف تقدمك
كم كان وزنك وكم وصلتي وكم طولك ؟؟

ماتشوفين شر
​

مشكور ويعطيك الف عافيه
انا قبل العمليه وزنى 122 وبعد اربع شهور حاليا وزنى 95
والحين بشترك بالنادى
علشان مابى جسمى يترهل بس انا احاتى شغله
تعتقد تمارين المعده تثأر على العمليه
يعنى ممكن تترهل المعده او تاثر على المعده

ماشالله

التمارين راح تشد عضلات بطنك من بري ومالها شغل بالاحشاء الداخلية
يعني خوذي راحتك بس لاينزل معاك السكر مع الاجهاد

الله يعطيك العافيه واسمحلي ازعجتك معاي بس اني احاتي شويه
يعني الحين ممكن يصير فيني هبوط سكر؟ هل اهي من سلبيات العمليه؟
انا يادكتور من خلصت من العمليه اخصائيه التغذيه عطتني علبه بودره اخلطها مع العصير او الحليب بس طعمها غير مستساغ اعتقد انها بروتين فهل فيه بديل عنها مثل كبسولات او شراب؟
وسؤالي الاخير انا ناويه اسوي عمليه شفط دهون او نحت في الوقت الحالي حتى اقدر اسوي عمليه شد للجسم بأسرع وقت ممكن فهل بأمكاني اسوي العمليه او بشنو تنصحني؟
وجزاك الله خير

يعطيك العافيه دكتور ...كفيت ووفيت

مشكوووره اختنا / كويتية 24 وشكرا عالمرووور
موقع ومنتدي عيادة د/ ابراهيم العنزي – جراحة السمنة , التجميل , المناظير , الجهاز الهضمي , العظام , العمود الفقري , الاورام , الثدي , الغدد , الهرمونات , السكري

السلام عليكم
انا وزني 115 وطولي 167 او صارلي 8 شهور والده قيصري وما فيني الحمد لله والشكر امراض بس بغيت اعرف هل لها تاثير لاني امسويه قيصريه
والشي الثاني تحويل مسار المعده ولا ربط المعده احسن

بعد 8 هور من القيصريه انشالله ماراح يكون اي تاثير للقيصرية علي عملية السمنة
انتي كتلة جسمك تتعدي 40 وتحتاجي الي جراحة السمنة ... نحتاج ان نشوفك بالعيادة لمناقشة الحلول الجراحية بسلبياتها وايجابياتها انشالله .

راسلينا عالايميل عشان نرتب لك موعد بالعياده عندنا بالمستشفي

وسلامات

السلام عليكم ورحمه الله وبركاته

يعطيك العافيه دكتور على ردودك

دكتور انا اعاني من غده درقيه واخذت علاج بس العلاج ما فادني بشي لكن اللي وضح علي علامات السمنه وزني الحين 80 وطولي حوالي 169 هل احتاج عمليه مع وجود الغده وهل الغده

تاثر علي بعد العمليه وارجع لسمنه

اختنا / داليا

انتي كتلة جسمك 28 يعني ماعندك سمنة مفرطه وبالتالي ماتحتاجين الي عملية سمنة .. كملي عالريجيم لو تبين .
سؤال : شقصدك لما تقولين العلاج ما فادني !! ما فادك من اي ناحية ؟؟؟