برنامج العناية لشهر اكتوبر2009 بسم الله الرحمن الرحيم البطاقة الشخصية أنثى ((بمعنى الكلمة)) وهذا شعاري عنايتي بنفسي سر تميزي عن الأخريات..جميله نعم ..ولكن ..لا نفع للجمال بدون اهتمام كاااامل لذلك..كل امرأة جميله لان كل امرأة تفوق الأخرى بناحية أو بأخرى .. فعليك فقط الاهتمام بنفسك دائما .. انظري للمراه وقولي لنفسك: أنت الأجمل .. أجمل بروحك أجمل بقلبك أجمل بكل شي جميل بالعطاء بالابتسامة.... من مرايتي من مرايتي كل يوم ابدأ ميرو ميرو منو اجمل هي هي هي اتغشمر (عاد انتوا اختاروا أي وحده العودة ولا الوسط ولا الصغيرة هي هي هي) انه تقريبا كل شهر اسويلي برنامج عناية بنفسي .. وأحاول كثر ما اقدر أتمسك فيه ولا أغيره عشان احسب النتائج مالته و في بعض الأشياء بالنسبة لي تظل ثابتة شهر ورا شهر وبعضها يتغير والي يتابع راح يلاحظ هالشي وفكره لكم إنكم تطبقونه لان جدا جدا مافيه تعقيدات ولا تقعدين بالحمام وانتوا بكرامه فتره طويله ولا تدشين في تعقيدات التطبيقات واللي تستمر لو أسبوع بس راح تشوفون نتايج مبهره بأذن واحد احد بسم الله نبدأ عناية كل يوم للوجه اغسل بصابون هيفن وأخليه اشويه عشان يسحبلي كل الدهون الفائضة ولا يسمح للرؤوس السود إنها تتكون التونيك (( أحب ماي الورد )) وبعدها إما أحط المرطب الخاص أو إذا كنت أبطلع أحط حماية شور الصبح (يكون العادة حقي) يتخلله سنفره أتنشط عدل عدل بعدها ترطيب دلع برائحة حلوه وأكيد ارش معطر الجسم عشان أكون مستعدة عدل حق باجي يومي شور الليل (حق ريلي) سنفره مخملية للجسم وسنفره خاصة للمنطقة الحساسة لنومه عسل بعدها ترطيب بالبودر السحري لتعطير الأماكن الفواحة (عشان أحس بثقة مضاعفه) + الترطيب الخااااااص للمنطقة الناعمة عناية كل 2 يوم شور صابوني وبعدها مقشر ملحي قوي حق بشره جسمي عشان الأماكن المتصبغه وحق أي بكتيريا أتفكر تدش جسمي وبعدها مرطب قوي بزيوت طبيعيه أو بزيوت تفتيح ادلع بأي ماسك أبيه يكون خفيف لمده 20 دقيقه (لجسمي ولوجهي) وسنفرات تخسيس خاصة أحطها كماسكات للاماكن اللي بنحفها عناية كل 3 ايام عنايتي بشعري انه العادة اغسل شعري كل ثلاثة ايام وقبل لا اغسله لازم أكون حاطه عليه ماسك ولا أويل عشان ما أحس بتأنيب الضمير (إن شعري راح يتعرض للماي اللي فيه نسبه كلور عاااااليه و ما أكون مستعدة لهالشي) يعني مره أكون حاطه أويل (زيت البركة) أكون حاطته قبل الشور بيوم كامل أو ساعات معدودة على حسب وقتي ومره أكون حاطه ماسك (مايو ماسك) وهذا يكون قبل الشور ب 20 دقيقه لما اغسل أنشفه عدل وأعطره بمعطر حلو (عاد نوعي مو أي معطر يعجبني) لازم يكون توووووووووووووووب عناية كل أسبوع ماسك قوي لتنعيم مضاعف للجسم اقعد عشانه ساعة كاملة بالباث ماعندي مشكله بس إذا فكرت انه يوم بالأسبوع راح أقول والله جسمي يسوى وعليه حق علي وبس شفتوا اشلون انه سهل وجدا بسييييييييييييييييط يا لله بنات همتكم وشطارتكم برنامج سهل متوفر للكل وغيرررررررررررررر معقد والاهم راح تشوفينه بنفسج أنتي جوهره بس لمعيها
صــــراااحه من كثر ما عجبنى موضوعج رديت لج مره ثانيه بس معاي سوألين 1- شنو سنفرت التخسيس عبااره عن شنو منها فايده ؟ 2- شنو عطرج للشعرج ؟؟ يمااااااااال العافيه علا الموضوع الروعه
خلطة عبارة عن(كريم جلسويد الأحمر عرفتوا- وزيت لوز مر-واسكينول ليمون) كلهم ينحطون عالجسم مدة ساعة أو 20 دقيقة على حسب وواذا دخلت أتسبح اول شي أستعمل صابونة بلاك أند وايت بالبابايا تلقونها بأغلب الجمعيات ب380 هالخلطه عجيبه
هلا وغلا الغاليه يابعد روحي ماقصرتي سنفره التخسيس عباره عن مستحضر مكون من حبيبات القهوه ومكونات تخسيس طبيعيه تنحط على الجسم كسنفره تستخدمينها بحمامج العادي بس وااااايد روعه.. اتخسسين فيها الاماكن اللي تبينها بس وعطر شعر اهوا state of mind من joy بس حلوه واايد مميزه ومثيررررررررررررره وتسلمين حبيبتي ماقصرتي واي سؤال انه حاضر
