د / ابراهيم العنزي

السلام عليكم دكتور ابراهيم العنزي المحترم
بصراحة انا ودي اسوي عملية تدبيس معدة بس حبيت اعرف اقدر اسويها بالحكومة ولا لأ وهل صحيح تعتبر عملية تدبيس المعدة احسن نوع من العمليات ( تحويل مسار - الحلقة )
وشكرا

نعم تقدرين - كلمينا عالخاص نرتب لك انشالله
نحن ننصح اغلب المرضي بتدبيس المعدة - بعد الفحوصات نحدد اذا تصلح لك والا لا

وسلامات

مرحبا دكتووووور ابراهيم ... ممكن أعرف عيادتك مفتوحه العصر .. لأن الصبح كل مااحاول أستأذن من الدوااام مايسمحولي أطلع متشددين من ناحية الاستئذانات ... الله يجزاك خير

حاليا ما عندنا عيادة ثابتة العصر
لكن راسلينا عالايميل ونرتب لك موعد يناسبك انشالله

السلام عليكم دكتور انا مشكلتي مثل البقية اللي هي زيادة الوزن بالذات بعد ولادتي الاولى زاد وزني واااااااااااايد وصلت الى ال105 وبعدها ب6 اشهر بديت اخفف اكل واستمريت على المشي والحمدلله حسيت تحسن ووزني نقص بس مع مشاغل البيت بديت اهمل بالذات بنضام اكلي مع العلم اني مو من النوع الاكول وايد ولا اللي يحب الحلويات كثير كنت ناوية اعمل عملية تحوير مسار وبقيت محتارة ايهم افضل تحوير او تدبيس فحبيت اسالك ايهم افضل ومتى ممكن اعملها لاني الحين حامل واكيد مابقدر اعمل اي شي فياريت تساعدني بايهم افضل لي من العمليات ويارت لو تتكرم تعطيني تكلفة كل عملية عندك بالعيادة ولك جزيل الشكر والاحترام​

حياك الله اختنا ام امووونه

كم طولك؟؟
بالنسبة للمقارنة بين العمليتين ارجعي لموضوعنا بالمنتدي علي الرابط التالي


http://www.kuwaiteya.com/vb/t95876.html

ولما نتقابل انشالله اعطيك تفاصيل اكثر تقدرين تقررين انشالله وانتي مرتاحة

راسلينا عالخاص ونرتب لك موعد انشالله وما تشوفين شر

هلا دكتور طولي 169

كتلة جسمك 36 اذا ماعندك مشاكل مصاحبة للسمنة ما تحتاجين عملية

سلامات

شكرا دكتور تعبتكم معاي انا والحمدلله مااعاني من اي مرض حتى في حملي الاول مافيني اي مرض والحمدلله الا شي واحد وهو انخافض السكر لما ابدل مجهود كبير هذي مشكلتي الوحيدة ومن كلامك فهمت انه افضل لي اتبع نظام غذائي صحي فياري تنصحني بنظام مناسب لفترة الحمل ومابعد الحمل او اذا لازم اروح لطبيب اغذية وسامحني على الاطاله

يعطيك العافيه يادكتورنا
بس بغيت اسألك دكتور انا صارلى اربع ايام من يوم تعبت فينى(( نزله معويه )) قالى الدكتور المعده عندج تعبانه ومصاحب لها الله يكرمك اسهال شديد كل ماكل شى على طول اسهال مانفع لاادويه ولا شى مادرى شنو اسوى الالم ذبحنى من ناحيه المعده والمغص والجوع من جهه ثانيه بسبب الاسهال ابى علاج شنو اكل واشرب

ويعطيك العافيه دكتور ابراهيم

سلامات

اخذي دوا اموديوم immodium حبتين بعد كل اسهال علي ان لا يتجاوز عدد الحبات باليوم عن ثمان حبات ..
مع الاكثار بالسؤائل بجميع انواعها والتقليل من الاكل لمدة يومين الي ثلاث
اذا استمرت الاعراض اكثر من اسبوع تحتاجين فحوصات عالبراز مع فحص عيادي للبطن

وماتشوفين شر

هل الجرثومة بالمعده تسبب دوخه وعوار بالعظام وكسل 24 ساعه حتى لو تنام وكيف اتأكد ا ن فيني شي بمعدتي اولا لاني معفوسة من سنة وحرارة زايده وتحاليلي سليمه

الجرثومه المفروض ماتعطي كل هالاعراض ... بعض اعراضك كلام عام ( معفوسه !!) وتحتاجين الي استشارة عيادية لتحديد وين مشكلتك بالضبط !!
مسويه تحاليل من قبل ؟؟؟؟؟

ولك الشكر والسلامه

دكتور ممكن تقولي رايك بحبوب اسمهم ((ألفا ستات ))يقووولون حيل ينزلون الوزن وهم اصلا ينجابون من سوريا ... ياريت تقدر تفيدني

اسف ما عندي خبرة فيهم واسمحي لنا

السلام عليكم

الله يعطيك العافية يا دكتورنا العزيز

دكتور آنا عمري 45 سنه ووزني 112 وطولي 160

قبل 3 سنوات ولدت بعملية قيصرية وبعدها بسنه سويت عملية الدودة الزائدة

أعاني من إرتفاع في الضغط و ربو و خمول في الدرقية وخشونة في المفاصل

علما بأن دمي نسبته 9 ويقول لي طبيب المستوصف إن عندي فقر دم

وحاليا آخذ حبوب المغنيسيوم لأن عندي نقص مغنيسيوم

سؤالي يا الغالي هل العملية تفيدني وما فيها مضار علي

:emoticon_U: :emoticon_U: :emoticon_U:

يعطيك العافيه دكتور ....

انا مشكلتي الكرش (بطني كبير ) مع ان وزني 77 وطولي 170

وخاصه بعد ولاده الرابعه وهي بعمليه قيصريه ....سببت لي احراج ونفسيه ..بليز دكتور شتنصحني فيه؟؟؟؟

تحتاجين عملية للسمنة واكثر عملية ننصح فيها تدبيس المعدة ,, تلاقين تفاصيلها بالمشاركات والمقالات السابقه بالمنتدي
راسلينا عالخاص نرتب لك موعد وسلاماات

نحتاج نشوفك ونقرر اذا عملية شد البطن تصلح لك والا لا
وسلامات

مشكور على الرد

لكن مشكلتي إني ما آكل وايد بس عندي نسبة ماي كبيرة

حتى دكتور أمراض النساء عطاني بعد ما ولدت حبوب بس ما اعرف إسمها

علشان ينشف الحليب لأن كانت فيني حمى النفاس

ونزلت بعد ما خذيت هالحبوب 20 كيلو لأنها نزلت مني الماي

بس بعدين رديت منهم 10 كيلو

وزني قبل الولادة 125 وبعد الحبوب 103 والحين 112

تقدر تفيدني العملية إذا كنت آنا مو إكيله وأكلي بسيط

والله يعطيك العافية