تحذير

السلام عليكم حبيت احذركم من التعامل مع وحده اسمها فرح قالتلي اصمملها ملابس حق المعرض عشان اتسويلي دعايه ولما اكشخت فيهم اهي واختها في المعرض تخيلو قطتهم في ويههي وقالتلي طاب خاطري منهم وماعطتني فلوسي وعندي شهود وترى معرضهم حده فاشل بيت جبله انا من ضمن المشتركات انسحبت من ثاني يوم حده لوعه ونص المشتركين انسحبوا ماقول الا حسبي الله ونعم الوكيل*

حرام عليج منو قال انه المعرض فاشل انا المحل اللي قبالج رقمي 48 ماشاءالله واااايد ناس وعليه اقبال موطبيعي حتى المحل اللي قبالي D style ماشاءالله والله العظيم بنات انها طلعت راس مالها من اول يوم ماشاءالله والمحل اللي يمي البنات اللي يسوون عصير ويا اخوهم واااااو بنات باليوم والله العظيم يطلعون اكثر من 100دينار وااااايد بنات معانا بالمنتدى شاركو وربحو واللي يوو المعرض بيقولون لكم بعدين حبيبتي اذا انتي محد شرا منج شي مو معناته انه المعرض فاشل شوفي بضاعتج بالاول يمكن فيها عيب او شي علشان محد يبي يشتريها وعلى فكره اليوم اخر يوم وانا قبل شوي طلعت من المعرض وسالت الادراه قالو بالعكس محد طلع الا انتي وانتي تعرفين عدل ليش طلعتي او بالاحرى ليش انطردتي قولي الصج لا تكتبين نص السالفه وبنات المعرض كلهم شاهدين عاللي صار وفرح انسانه قمه بالاخلاق والادب وبنت محترمه والكل يفتخر فيها ماشاءالله حبيبتي فرح ماقطتهم بويهج وقالت لج طاب خاطري عيب تجذبين كلنا كنا موجودين يوم صارت السالفه حتى تساهيل كانت موجوده اللي اهيا مسؤوله المجمع اللي صار فيه المعرض اصلا طيب منها البنت انها خذتهم وودتهم المصبغه وردتهم لج واهيا ماغلطت عليج انتي اللي صوتج واصل لي اخر المعرض والناس اذواق اذا البنت ماعجبها تصميمج مو ذنبها وبعدين انتو اتفقتو على انها تعرضلج وبس وتردهم لج باخر اليوم ماتشتري منج بس انتي يوم خسرتي قطيتي السالفه عليها حرام عليج تبين تجذبين شي راجعلج بس لاتتبلين عالبنت لوسمحتي وبنات والله العظيم انه المعرض ناااااجح مليون بالاميه وسالو البنات اللي شاركو واهما يقولون لكم وعلى قولتهم ان لم تستحي فافعل ماشئت

متااابعة . . .

انا مااتبله على احد ثاني شي عندي شهود على كلامي ومو انا الوحيده اللي انسحبت في 6محلات معاي انسحبوا وخل نكون صاجين المحل الوحيد اللي ربح محل العصير على قولتج وثاني شي انا بضاعتي كلها راحت ولا ابشرج تساهيل من الخوف عطتني باجي فلوسي لو انا اتبله عليها على قولتج ليش ردوا فلوسي وليش ماعطوا المحلات اللي انسحبوا فهمي السالفه بعدين حكمي مو عشان اهمه رفيجاتج قاعده تخبطين بلحجي انا حذرتكم وانتوا كيفكم وثاني شي احب اقولج انتي لا تتبلين علي انا ماصرخت ولا عليت صوتي على احد الحمدالله متربيه وماني محتاجه شهاده احد انتي اللي عيب عليج اللي صارلي قلته المعرض فاشل وكل اللي يو المعرض قالو فاشل واحب اقولج اني راح ايب كل اللي اشتركو وخليهم يقولون رايهم بالمعرض وبضاعتهم مشت ولا لا انا 50 محل وقاعده تقوليلي عن محلين مشت بضاعتهم صج ماعندج سالفه الله فوقكم ماقول الا حسبي الله ونعم الوكيل عليج وعليهم

ولو المعرض ناجح ماانحاشوا اخر يوم خايفين من الدعاوي اللي بتيهم ولو انا متفقه مع فرح انها تعرضلي الملابس على كلامج تلبسهم وتردهم وتقول مشكوره حبيبتي ماقصرتي وتوديهم المصبغه على قولتج هذي الاصول مو تلبسهم وتقول طاب خاطري منهم اول مره اشوف وحده تسوي دعايه بلاش وتقول طاب خاطري يله منو المتبلي انا ولا اهيي اصحي يانايمه موعشان اهم رفيجاتج طابه فيني خافي ربج اذا الناس صدقوج فربج فوقج الله على الظالم

لاحوله ولاقوة الابالله صلو علي النبي ياجماعة هذا كله مايسوي الزعل بين بعض

بالحقيقة شاركت بمعرض جبلة وكانوا على خلق كبير وتعامل راقي جدا وصحيح أني انسحبت وما أخذت العربون متعمد وفرح قالت تعال اخذه بس ما خذيته لأن حاجز يومين من المعرض ما يصير أخسرهم فخليته لهم وبالحقيقة مكان المعرض وايد زين وما قصروا في وضع الإعلانات ومقابلة بالاذاعة والتلفزيون يعني على قد طاقتهم وأجار المعرض مو ذاك علشان يصير عليه مشكة كله 60 د.ك وانا أنسحبت لأن بيعي بالمعارض الثانية وايد أقوى من بيت جبلة ويعني إلي عنده بضاعة قليلة ويبي يجرب السوق يشترك معاهم .. والبنت الي حاطة الموضوع هذا معاها خلاف مع فرح كان من الأولى عدم تشهير فيها لأن حرام وإذا بينج وبينها فاتورة تقدرين تشتكين بس الفضايح وتدخلين في المعرض وتتكلمين بأسم الناس هذا عيب بصراحة فرح جدا خلوقة واذا في ناس انسحبوا في ناس دشووا واشتركوا بعد .. هذا الكلام اقوله شهادة بالتعاون معاهم وموفقين باذن الله

انا ماشهرت فيها انا فلت اللي صار معاي وانتو حرين وكل وحده تتكلم عن نفسها وانا تكلمت عن نفسي انا مااختلف معاج البنت كانت بقمه الاخلاق وحبوبه بس اصدمتني بالمعرض ماهقيت هذا منها انا اقدر ابهذلها وهي تدري بس انا مابي مشاكل وقلت احذركم والساكت عن الحق شيطان اخرس حتى كلمه مشكوره ماقالتلي قطت الملابس بويهي ومشت وهلي كانو حاضرين وشاهدين وتساهيل تطردني من المحل جدام اهلي يله لمي اقراضج في واحد يبي ياخذ المحل وثانبي شي المحل اللي يمي كانت تبي تطلع قالتلها طلعي ومالج فلوس عندي انا عندي شهود مااتكلم من فراق

الحلوه.............. انتي حيل معصبه وكلامج فيه مبالغه
هههه

وبعدين قلتي

يعني ماقلت شكرا اام بس
او قالت طاب الخاطر ولا شلون؟؟؟؟


والمعرض فاشل وطلعتي اممممممممممم
بعدين اعترفتي انج انطردتي

وبالاخير شهدتي للبنيه اللي حذرتي منها بالموضوع انها قمه في الاخلاق

انا اللي مصدومه من تناقضاتج
اذا فيه مشكله حليها بنفسج ياعمري
عيب تشهرين بالمسلمات بالمنتديا وكاتبه اسمها بعد ياويلج من الله
من فضح مسلم فضحه الله يوم القيامه


وفرح كلميها وتفاهمي وياها شنو اتفاقكم بالأول
انها تعرض فقط وتعطينها فلوس
او انها تشتريهم ومالها شغل بالعرض
او انها تشتريها عشانج وتعرضها عشانج وبعدين صارت فتنه وغيرت رايها ........... وهذا اللي اتوقعه من صياغتج للموضوع

والله مادري لازم نسمع للبنت عشان نحكم
بس انتي مبين حيل منفعه وغلطتي اكثر من غلطه بالموضوع
فاستهدي بالله واتقي الله
وصدقيني كل ماشتد الضيق كل ماقرب الفرج

والناس اللي ردوا ولا وحده تجرت تكتب اسمج الحيقي
اقولهم شكرا على طيب الردود
واتمنى نوقف هالنوع من المواضيع بتاتا


موفقين

انا ماابالغ حبيبتي كل الكلام اللي قلته عندي شهودعليه واللي خذه المحل من بعدي مستعده ايبه وخليه شاهد على كلامي اذا انا بضاعتي فاشله اهو شنويطلع هم بضاعته فاشله بعد ماتشوفون شر عل عمموم المعرض راح يبطل نهايه الاسبوع راح تشوفون بعيونكم

ماصاار الا الخير صلوا على النبي

الله يهدي النفوس

ويا بنات حرام اللي عم تعملووه اتركوووو كلشي وربنا عالم بقلب كل واحد

استغفروا الله

ولا تخلووووووو الشيطان يدخل بينكم

الحياة ماتسوى ى ى ى زعل

اليوم نحنا هني بكرا الله العالم وين بنكون

والله يوفق الكل يارب

فرح مو رفيجتي تعرفت عليها بالمعرض وافتخر انها رفيجتي الحين بس ماقول الا الحمدلله والشكر :biggrin::biggrin::biggrin:

الله يوفق الجميع ىوالرزق بيد الله اتمني ياخوات تهي النفوس

انا عن نفسي ادري ان الرزق من عند الله بس مادري ليش بعض الناس معصبين وناطرين النااااس ايون المعرض اذا الله سبحانه كاتبلج الرزق بتاخذينا سواء كنتي بهالمعرض ولا غيره

فرح انسانه في قمه الاخلاق
واختها فجر نفس الشي
هالبنتين اشهد لهم بالاخلاق والادب
البنتين اشركوا عندي بالمعرض
واعرفهم عدلللللللللللللللل
قمـــــــــــــــــة بالاخلاق
والله انه طول المعرض ولا سمعت لهم حس كلش
ترا يكفي هالشي اللي يدل على انه البنات متربين تربيه سنعه
ويكفي انهم بنات اصول
ويشرفون اي شخص يتعرف عليهم
واعتقد الكل يشهد لهم بالاخلاق الكريمه
ويكفي ابتسامتهم اللي دايم على ويههم
ولو بكتب وبقول فيهم راح اخلص حبر المنتدي خخخخخخخخ
لانه بصراحه يعجز اللسان عن القول

بما اني اعرفهم عدل عشان جذي دشيت وتكلمت
لانه بالاول انتي قاعده تتكلمين عن بنات ديرتج الكويت
وثانيا البنت ابد ما عليها سمعتها
وانتي ما شاء الله ما قصرتي
كان الابدى برساله خاصه تكلمينها لو كنتي فعلا متضايقه
او اذا عندج شي حليه بينج وبينها
مو جذي علني
مع اني واثقه انه البنت ما غلطت
والا ما كنت تعرفت عليها ولا دخلتها بيتي
البنت دشت عندي البيت وطلعت باحترامها
وراسها مرفوع وتشرف اي مكان تتواجد فيه

ماعجبج المعرض بكيفج
والناس ما قصرت فعلا
من ناحيه الاعلانات والاهتمام والترتيب
اللي عليهم سووه وزياده
والارزاق بأيد رب العالمين

يمكن مو رزقتج هالمره
المره اليايه تصير رزقة

تعوذي من ابليس واذكري ربج
واللي سويتيه ما يجوز
اتمنى من الاداره حذف المووضوع

مع احترامي للجميع

​

إن الإيمان بأن الرزق بيد الله وحده
فرض علينا وجزء من العقيدة الإسلامية
ومن ينكر ذلك فهو كافر
استحق عذاب جهنم والعياذ بالله
:regular_smile:
​

black mass صح لسانج وترى الاداره ماقصرو من ناحيه الاعلانات قبل المعرض ب40يوم واهما شغالين اعلانات بالجرايد كل يوم اعلانات و1000مسج يوميا وقبل المعرض بيوم سوو وياهم مقابله عالراديو قناه الكويت97.5 واول يوم معرض يابو تلفزيون الوطن وصورو وثاني يوم قناه الراي غير المسجات الشغاله طوال فتره المعرض والاعلانات بالمنتديات والجرايد والمدارس والكليات ماخلو شي ..

انا ابي وحده تدش تذم بالمعرض او في البنات اللي يرفعون الراااااس المنسقات وعلى راسهم (((((فرح))))

pinkish
صح بدنج حبيبتي
بس وربي انا ما ييت معرضكم
بس لاني اعرف البنت معرفه عدله
تكلمت
وكلامج فعلا عدل لانه البنات صج يرفعون الراس
والله لو اني ما اعرفهم ما تكلمت
لانه حرام الكلام اللي انقال
وانا ما شفت الخلاف اللي صار بينهم
ولا اعرف شي عنه الا من الموضوع اللي انكتب
وهالشي فيه تشويه سمعه
هذا اللي حرق قلبي وخلاني اتكلم
وبعدين انا شافه شغل البنات بكل المتديات الكويتيه
مو مقصرين بصراحه من الايميلات
والمواضيع
بكل منتدى
والتصوير كل شي مبين فيه
واكبر دليل على الدعايه الحلوه اللي مسوينها
يعني ما ينلامون اذا الناس اشتروا والا ما شتروا
وحتى اذا ما في حضور مو اهم الملامين
لانه اللي عليهم سووه وزود
وماقول الا الله يهدي النفوس
ويصلح الحال يارب
ويهدينا ويهديكم يارب
:regular_smile:
​

تنااااااااااااااااااااااقض

وبعدين قلتي ...

دام كل بضاعتج مشت عيل ليش المعرض فاشل بالعكس هذا دليل ان في زباين وشرو كل بضاعتج ؟؟؟؟؟؟؟؟

وبعدين قلتي ...

اي اقراض اللي تلمينهم مو تقولين كل بضاعتج مشت؟؟؟؟؟؟؟؟

:75_75::75_75::75_75: