فيلا بيج سي الفاشل

السلام عليكم بنات ... اولا ابدا قولي بحسبي الله ونعم الوكيل على كل ظاااالم ....

اقول قولي هذا وربي شاهد فيما اقول....

انا شخصيا شاركت بمعرض فيلا بيج سي الفاشل وانغشيت بالمعرض .. والله عيب يكون يحمل اسم معرض ... ادري بتقولون الرزق على الله

ولكن المشكلة مااااكو زباين ابدا ولا اعلانات.. المعرض كان 4 ايام اول يوم اقارب وبقية الايااام ولا شيء ابدا ياريت بس معاااي هالشيء والله مع كل المشاركات

لا ومع كل هذااا ياريت يكون اسلوب زين من صاحبة المعرض للمشاركات حشااااكم اسلوبها زفت وهي تدري بفشل معرضها عشان جدي اشترطت على المشاركات ما يدشون المعرض الا والدفع كااامل مقدماااا
مادري شنو اقولكم والله .. يعنى كانت ردت فعل مو طبيعية احباااط لنا والله شيئ يلوووع الجبد --- ترى انا مااتكلم عن حالتي بس ... والله اني اتكلم باسم رفيجاتي الي حالي حالهم من الاحباط وسوء التعامل من صاحبة المعرض

ولله شاهد فيمااقول ..

بناااات انا حبيت اقولكم عشان ماابي احد يتضرر مثل مااتضررنا احنا وانقص علينا من ناااس لا تخاف الله كل همها جمع الفلوس ناااس معدومة الضمير ..!!

والله شاهد بما اقووول ... والله ينتقم من كل ظااالم ومفتري....

واختم قولي بافضل الكلام ، لااله الا الله وحسبي الله ونعم الوكيل على كل ظااااالم

السلام عليكم

اولا : أود أن اشكرك على هذا التنبيه وأسأل الله أن يكون من باب النصيحة وهو كذلك
ثانياً : لقد ذهب الخوف من الله بالقلوب و حل مكانه الدراهم والفلوس
لو كانت صاحبة هذا المعرض وميثلاتها يضعون الله نصب اعينهم لما تصرفوا هكذا
اصبح الكذب والغش هو سلعتهم وبضاعتهم
وستكون نار جهنم لهم بالمرصاد إن شاء الله إن لم يتوبوا ويتبن

ثالثا :اشكرك كل الشكر على هذه النصيحة وهذا التنبيه
و أتمنى من كل الاخوات أن يسيروا على دربك بالتنبيه والنصيحة
فالنصيحة لله ولرسوله ولكافة المؤمنين

و الله اعلم

وكلي امرك ل الله

حسبي الله ونعم الوكيل

ربنا ما ينساكي حبيبتي

اللهم لك الحمد والثناء الحسن

اللهم رد كيد الكائدين الى نجورهم

اخواتى ان اساءت الى احد فلكم المعذرة والسموحة

ولكن الله يعلم كيف عملت الاعلانات والمسجات والبروشورات وهو وحده يعلم

لكن من يرد كيد الحاقدين الا هو سبحانه

هذه كانت مشاركة معى بالمعرض واعرفها جيدا ( سورية الجنسية ) تبيع العطور

وكان اسلوبها جدا بذىء مع الزباين

وليتنى كنت اعرف ذلك فبل ان اسمح لها بالمشاركة معى

فانا معرضى خاص بى ولى بضاعتى الخاصة وحبا بالتنوع فتحت باب المشاركة للاخوات وشكلت

تشكيلة من عطور وعدسات وعبى وملافع واكسسوارات

ولله الحمد جميع الاخوات المشاركات اثنوا على المعرض وعلى اسلوب الضيافة الصباحى والمسائى , والكل ولله الحمد خرج منى متشكرا وداعيا لى بالخير الا هذه الاخت التى طلعت من المعرض بدون اى تحية او شكر

مع العلم انى واقربائى حسبنا بكم شرينا منها ( اكثر من 120 دينار )

ولكن ما اقول الا حسبى الله ونعم الوكيل

كل يوم والثاني وحده طالعه تذم وتسب بالمعرض الفلاني وبصاحبه المعرض عييييب عليكم يابنات مايصير جذي ..

يعني الرزق على الله اذا الله كاتب انه يرزق بيرزقج بالمعرض ولا غيره ..

وبعدين شي طبيعي يكون الدفع مقدما انا عمري ماشاركت بمعرض وقالولي الدفع بعدين ..

واللي تشارك بأي معرض تدري انها مجازفه يعني ياتربح ياماتربح .. انا شاركت بمعرضين والله اني ماربحت فيهم ولا شي مو لان بضاعتي مو زينه ولا لان المعرض مافيه ناس بالعكس ..

حتى لو المعرض مافيه ناس ايون اكيد بيون اهل البيت وقرايبهم وكل بنت مشاركه بيونها اهلها وبيفترون بالمعرض والجيران والبنات نفسهم اللي مشاركين بيفترون عالطاولات ويشوفون يعني حتى لو في بنت وحده يت المعرض هذا دليل على انه في دعايه ..

انا اقول لا تتحسبين عالبنت ولا عالمعرض لان كل دعوه على احد ترد لج سواء كانت زينه ولا موزينه .. وكلي امرج لله واخذيها تجربه تستفيدين منها ونصيحتي لج لا تدشين اي معرض بروحج يعني دشي شراكه ويه وحده او ثنتين عالاقل اذا خسرتي تكون خسارتج قليله ماتستاهل انج تكتبين موضوع وتشوهين سمعه المعرض وصاحبته حتى لو كانت اهيا فعلا غلطانه واسلوبها موزين .. ستري عليها علشان الله يستر عليج ..

وتقبلي مروري

كل ابن آدم خطاء وخير الخطائين التوابون

الحمد لله رب العالمين
من يخاف الله يكون كلام الله و رسوله أمامه وأمام عينيه
و الله يقول :إن أكرمكم عند الله أتقاكم
ويقول عليه الصلاة والسلام : كلنا لآدم و آدم من تراب
ولا أعتقد أنهم ذكروا سورية ولا كويتية و لا سعودية

و من باب النصيحة لله و رسوله و للمؤمنين أقول لنفسي وللجميع
الغلط ليس عيباً كلنا نتعلم من أغلاطنا و كل ابن آدم خطاء وخير الخطائين التوابون
ولكن الإصرار عليه وتبريره هذا هو الذي نهى عنه الرسول عليه الصلاة والسلام

اتمنى التوفيق للجميع
والله اعلم

السلام للجميع انا بعطي التاجرات واللي تحب تشارك بالمعارض نصيحه

المعارض اللي في البيوت لاتدشون فيها لانها غير مرخصه واذا حطو اعلانات البلديه تشيله

وانت تشاركو بمعارض البيوت لانها ارخص فتحملوا ياخواتي وانا ملاحظه ان معارض البيوت صارت

قليله بسبب المشاكل خواتي الرزق من الله والكويت ماتفرق بين احد ومعطيه الكل من خيرها

حتي اخوانا الوافدين نكن لهم كل تقدير وحب وسامحونا اذا وحده من بين الملاين غلطت

السلام عليكم بناااااااااات....

انا ماابي انزل مستواي وساعاملك باسلوبي انا
واقسم بالله العظيم كل ما كتبتة صحيح عشان جدي ماابي اعلق وايد
واكتفي بردود وتعليق الاخوات ....

انتو تدرون حبايبي من يملك العقل والمنطق لازوم يكون اسلوبة زين
مع الزباين عشان يبيع بضاعته ...

انا كويتية وافتخر باني كويتية مع احترامي لاخواتي السوريات
وباقي الجنسيات ...

يا بنات اللي فات مات واحنا اخوات تجمعنا بهالمنتدى عشان نفيد ونستفيد مو عشان نتخاصم

الله يهدي الجميع :wink_smile:

و عليكم بالسلام ورحمة الله و بركاته

أختي الكريمة بارك الله بك ِ ولا داعي للقسم لقد كان واضح كل شيء و الحقيقة ظاهرة

ولكن قدر الله وما شاء فعل وأضم صوتي لصوت أخواتي الكريمات بأن تنسي الموضوع

و أجرك على الله و هو لا يغفل ولا ينام ونسأله أن يهدي كل مسيء ويجعل أعمالنا موافقة لكتابه وسنة نبيه عليه الصلاة والسلام
ولكنا اخوة بالدين و ندعوا الله أن يصلحنا جميعاً و المسامحة من أخلاق المسلم الفاضل الحق

سامحنا الله جميعا

مو كل البيوت غير مرخصه بالعكس واذا تبين تعرفين اذا المعرض مرخص ولا لا من غير ماتسالين عنه روحي بنفسج وشوفي المكان اذا وسيع وله مدخل خارجي واماكن للسيارات يعني مرخص اما اذا ماله مدخل خارجي والمكان مومجهز واهم شي بنات مصافط السيارات اذا ماكو مكان يعني مو مرخص لان البلديه قبل لا تعطي الترخصي تيي تعاين المكان وتشوفه وعقب تعطي الترخيص هذاك اول مومرخصين بس وايد صارت شواكي انه ماكو مكان والناس تصفط سيايرها عالشارع ولا ببيت الجيران ..

وربي يوفقكم ان شاءالله ويرزقكم قولو امين :smile: