:teeth_smile:السلام عليكم شلونكم شخباركم الله يتمم على كل وحده حامل ويثبت الياهل ويسهل عليها الولاده ويجعل البيبي من الذريه الصالحه قولوووووووووووووووو امين حبيت تشاركونا بتجربتكم بالولاده بالمستشفيات الخاصه او الحكوميه يعني اي مستشفى شسم الدكتور او الدكتوره رعايتهم اسعارهم ارتحتي فيه ولا لا واللي جربت ابرة الظهر قيصريه ولا طبيعي شيبتي بنت ولا ولد الله يحفظهم واذا في مجال تحطون ارقام المستشفيات عشان الكل يستفيد
انا صراحه من معارضي الولاده بالمستشفيات الخاصه ليش؟ لان لا قدر الله لو صار شي بالحامل مايتصرفون على طول يحولونه عالحكومه يعني لو صار نزيف لا قدر الله مايسوون لها شي على طول يحطونها بالاسعاف ويحولونها لاقرب مستشفى حكومي .. اذكر مره وحده صار فيها نزيف وحولوها عالحكومه واهيا بالطريج ماتت الله يرحمها .. صج كل شي بايد الله سبحانه وتعالى بس ماتدرين شيصير .. انا ولدت بمستشفى الاحمدى مرتين واذا حملت بولد ان شاءالله عندهم :teeth_smile:
وانا بعد ولدت بمستشفى السلام عند الكتور احمد الشاذلي واااايد زين والمستشفى روعه والاسعار حلوه الله يقومج بالسلامه يااااارب:teeth_smile:
الله يرزقج بالولد الصالح انا بولادتي الثانيه ولدت بمستشفى لندن صار فيني نزيف حاد بعد الولاده لان انا حيل ضعيفه وفيني فقر دم قبل الولاده قالتلي راح يصير فيج نزيف لازم احد من اهلج يتبرعلج قاموا فيني وماخلوني الدكتوره تهبل واقفه على راسي وتدلك بطني لاوالسسترات يهبلون شوفي معاج حق في بعض المستشفيات يودونج بوقت النزيف مستشفى حكومه بس انا ما أأيد الولاده بمستشفى حكومي انا ترقدت بمستشفى الفروانيه بولادتي الثانيه لان البيبي تعبان شوي الله لايوريج يولدونهم كله قيصريه ومعاملتهم زفت يزفون الله لايحدني عليهم
انا ولدت بدار الشفا ولادتي عمليه استعجلو علي حيلللللللللللللل ولدت بالفروانيه صج طبيعي بس زبااااااااااااااااااااااله بكل معنى الكلمه
انا ولدت بمستشفى الاحمدي بصرااااااااااحه روووووووووووووووعه معاملتهم و ولادتهم ما جنج بمستشفى حكومي كان المفروض اني اولد قيصري بس انطراو عليي لاو مستشفى خاص جان من زمان فاتحين بطني *
انا كانت ولادتي بمستشفى راشد شي اكتر من رائع والله يابنات بس الطلق حسيت فيه كمامتهم رهييييييييييييييييييبة ماحسيت الا بالطلق صراحة وبعدين نمت وفقت ولقيت حالي مخلصة عند الدكتورة ايفا بس اللي ولدتني وحدة بعد مثل ايفا المانية مو متذكرة لان ايفا سافرت وقت ولادتي بعد شاطرة حيل ولادتي كانت طبيعية بس الغرف صغيرة هذة الشغلة الوحيدة بس لو حملت مرة ثانية ما اروح واولد الا عندهم ومايهمني الغرف يكفي الوناسة انه ماحسيت بشي الله ييسر لكل حامل يارب
مرحبااااااااا انا توني قبل 24 يوم ولدت بمستشفى السلام عند الدكتور جمال الشرعان ....وهذا ثاني بيبي اولد عنهم ونفس الدكتور ..... بصراحه عنايه ونظافه ويهتمون فيج حيل ... وكمامهم عجييب .. بس يخففونه لج لما يقرب راس البيبي .... وغرفه الولاده .. حلوه ترتاحين نفسياً فيها ... واسعارهم حلوه والحمدالله والله يهون علىكم ..
الله يعينج صج الفروااانيه زباله شوف عيني لما ترقدت بحمالي لانالبيبي تعبان بس ماولدت عندهم تخيلي رفيجتي ولدت هناك لاوتشتغل بالمستشفى ناسين فيها من تحت قطنه بعد شهور لما عفنت يالله عرفت مسكينه زين ماصار فيها شي والخياط تقول الله لايوريج وشوف عيني اليهال حاطينهم بالغرفه اللي مرجع ومختنق واللي حرارته مرتفعه حيييييييل مخلينه مفصخ لا وياخذون مني دم بغرفة اليهال المواليد طبعا
مشكورين على مشاركاتكم بس اتمنى تفيدون خواتنا العضوات اكثر عن الاسعار_الكمام_النظافه_الدكتور او الدكتوره_ابرة الظهر_الخياط_وووووووالخ
اهات كتبت مشاركتي وما علقتي علي هههههههههههههههههه الكل كتبتي تعليقك لمشاركته الا انا لوووووووووووووول
انا عن نفسي ولدت بدار الشفا لان الكل مدحلي اياه وانا بعيني شفت ولادة خالتي كانت حيل حلوه عند حسام بس انا حظي الحلو صارت ولادتي عند دكتور مصطفى تومسو شهادتي فيه مجروحه هذا الدكتور بجد انا واااايد يننته وصلت ولادتي مستعسره وعنق الرحم صغير بس نطر لي اخر شي بيشوف يمكن يفتح الرحم معاي وبعدها ولدني قيصريه وانا الحين يعتبر صارلي سنتين والله العظيم اني ما حسيت بعوار غير نغزات بداية العمليه بس بس سعر ولادتي اطلعت 1500 دينار لان كانت بنتي بحاضنه بروحها ولها سستر بروحها لان اشتبهوا فيها بصفار واشتبهوا فيها التهابات والحمدلله قعدت 3 ايام عندهم مارضوا يطلعوني الا لمن يتأكدون ان البيبي بخير وطلعت بنتي بخير والحين انا حامل وبالشهر الثامن ولحد الحين انا اراجع عنده لاني ما اثق بأي دكتور غيره وخلاني احب الولاده القيصريه دكتور: مصطفى محمد تومسو مستشفى:دار الشفا السعر:1500دينار ولاده:قيصريه انصح اي وحده تبي تولد قيصريه ترى هالدكتور فوق فوق فوق الروعه وترى السعر اقل بس انا لان طلعت عندي تحاليل وسوالف عشان جذي طلع هذا السعر مع اني كنت بغرفه عاديه
ياعمري انتي سامحيني افا عليج عيوني لج بس لاني مومجربه الراشد الله يحفظلج عيالج يارب عن جد موقصدي يمكن انشغلت حبوبه حطي موضوع وراح تلاقين كل المشاركات مني ههههه هذي رضاوتج:wink_smile:
:75_75:اللهى الله يسهل عليج يارب مرت حماي والده هناااك وتمدح المستشفى وايد بس ماعرف منو دكتورها هم ولادتها قيصريه
انا ولدت بمستشفى السلام واااااايد حلو نظافة ورعاية والدكاترة بشوشين حيل ...بس ضحكت لما دشيت غرفة الولادة حاطين تلفزيون جدامي وقناة اطفال لييييييييييش:teeth_smile: بينسوني العوار...لووول وعند دكتورة هندية اسمها مريم بيبي وايد زينة وارتحتلها حيل وان شالله اذا الله كتب وحملت مره ثانية بيكون عندهم...وماحسيت بأي شي اللهم بس الطلق ...وطلع علي كله 806 د.ك مع فحص اسنان مجانا وفحص بيبي مجانا... ويعطيج العافية على الموضوع.. اي نسيت يبت صبي (سعود) الله يخلي لي يارب ويرزق كل وحدة يارب
انا ولدت بدار الشفا وكانت دكتورتى ناهدة العلى والحمدلله كمامهم فوق الروعة وعنايتهم هم حلوة بس ها المستشفى دائما زحمة نسيت لا اقول لكم غرفة حلوة حتى العادية وانا خذيت الغرفة العادية لا احنا نسوى استقبالنا با البيت مو با المستشفى و كانت 580دينار :thumbs_down:
