بنات الحل هو ............. (( بالتعـــود )) تعودي تعودي تتسبحين كل يوم وتتعطرين من هالروايح الحلوه اللي على فاكهه واللي على زهور والاشياء اللي تعجبك وتعجب زوجج تعودي تغيرين من شكل شعرج مره خليه كيرلي ومره استشوريه بالبيت ومره لميه كله ومره رفعي نصه وتعودي تلبسين اكسسوارات حلوه وبسيطه حق البيت تعودي اهم شي هالنقطه تعودي يكون جسمك نظيف وشيلي الشعر دايما ولا تخلين الشعر ينمو في الاماكن الغير مرغوبه ولو يحصلج روحي سوي ليزر تعودي وهذي ثاني اهم نقطه انك كل يوم تحطين كريم للجسم قبل النوم ترى نعومة الجسم اهي اللي يدورونها الرياجيل دوااااره ولو كنتي كاشخه من راسك حتى اخمص قدميك بس جسمك ناشف وخشن صدقيني الرجال بينفر منج تعودي بين فتره والثانيه تحطين مكياج حلو وناعم حق البيت واهتمي ببشرتج وشربي ماي واجد تعودي على شرب الماي حتى تروي بشرتج وتعودي تحطين كريمات مرطبه تعودي تستميلين زوجج بالروايح المحببه مثل دهن العود والطيب والبخور وبخري الغرفه والصاله وحطي باقة ورد بين فتره والثانيه في غرفة النوم تعطي انطباع وتغيير كبير ومؤثر جدا جدا لا تعوديين لا تعودين نفسك تقعدين قدام زوجج بدراعه حتى لو الدراعه عجبت امج ولا خالتج .... لان بكل بساطه هذا زوجج مو خالتج ولا امج لا تعودين نفسك تقعدين قدام زوجج وريحتج طباخ او شمس (وهي الريحه اللي تلزق فيك لمن تطلعين بالشمس بعز القايله؟) لان حتى لو زوجج ما يقولج صدقيني اهو متضايق من هالريحه لا تعودين نفسك على تسريحه وحده بالبيت على اساس انها مريحتج وتخلين زوجج يشوفج كل يوم بنفس الكبه وبنفس الشباصه وبنفس صفة الماشات على القذله لا تعودين نفسك (حتى لو بعد فترة زواج طويله) انك تخلين زوجج يتعود على منظرج وانتي لافه راسج بالحنه ولا بحمام زيت ولا بملابس مو حلوه (خلاقين) على اساس قاعده تنظفين ولا رايحه الصالون ا ... لا تعودين نفسك على ترك الشعر ينمو في الاماكن الغير مرغوبه وخاصة الوجه يجب ان تعودين زوجج يشوف وجهج دايم حلو ونظيف ياشين المره لي صارت اهي وزوجها سيم سيم ماكو فرق والله بنات صدقوني الكلام سهل بس الفعل اهو اللي نستصعبه .. ابدي من هالفتره من اليوم من الحين ابدي بشي سهل وبسيط مثل التدهن كل يوم بالليل او تبخير الدار لمن تتعودين عليه وتصير عاده حلوه ما تقدرين تستغنين عنها ابدي بشي ثاني وهكذا الغرض انج تخلين زوجج يشتاقلج ويشتاق حق بيته وماتعطينه اي فرصه انه يقولج غيرج احلى ولا اسنع منج وراح تعودينه اهو بعد ما يطالع مني ولا مناك ولا يفكر يقارنج بغيرج نقطه مهمه عودي نفسك على النظافه والسناعه والترتيب ترى الكشخه مو بالمكياج ولا التشخلع ولا اللمعات ولا قمصان النوم الفنتق ... واذا انتي عودتي نفسك على هالاشياء راح تصير عندك شي عادي روتين يومي عادات محببه لزوجك والاهم محببه لنفسك ماتقدرين تستغنين عنها وشوي شوي راح تحبين نفسك على نمط الحياة البسيط الجديد هذا .. وحتى لو زوجك مسافر ولا مو موجود صدقيني بتحبين انتي ..... تكشخين .... حق نفسج
الله يعطيش العافيه يا نواظر..موضوعش يجنن ..حبيت اعلق على الليزر> اول عرسي كان رجلي يلاحظ شواربي لما تخوضر بدايته:sad_smile: قلت ما بدتها على طول ليزر والحين مرتاحه من قلب:teeth_smile:... كل الشكر لش
شكرا كتير على لموضوع الحلو وفعلا ومعك حق انها شغلة عاده بس كمان صعب الواحد يتغير من يوم ليله:angel_smile:
يعطيج العافيه انا اتكشخ واسوي كل اللي ذكرتيه بس لمن اكون حامل مالي خلق نفسي بداية حمالي كنت اهتم الحين مالي خلق عمري ولا لي خلق مكياج ولا شي بس الحمدلله يوميا اتسبح واتنظف بس بدون مكياج وهالسوالف لان جد مالي خلق :sad_smile:
تسلمين على الموضوع تبين الصج انا اشوف متزوجات صراحه يبي لهم طق كلش مافي اهتمام يعني بس وقت ماتبي تنام تلبس وتقعد مايصير بعد وطول اليوم ماكو اهتمام وصراحه المفروض حتى البنت تهتم بهالشي وخصوصا نظافتها يعني موقبل زوجها تهتم مستحيل توصل للبشره الي تبيها بدون اهتمام من صغر:74_74:
يعطيج العافية على الموضوع الحلو والمهم بنفس الوقت انا والله ماامدح بنفسي بس انا عمري 36 سنة بس اذا اشوفوني 25 سنة من كثر ما مهتمة بنفسي وحتى زوجي يكلي ماشالله عليج انا شيبت وانتي بعدج كتكوت:wink_smile::wink_smile:
الله يعافيج يا الغلا ,, العفو يا الغاليه حلو في تغير يعني :smile: انا للحين يلاحظ لووول بس ان شاء الله بشيل وجهي بالليزر
