احسن خلطة شعر جربتها في حياتي والله الشاهد

بنات انا خذيت هالحلطة من وحدة يزاها الله الف خير من منتدى ثاني خلطة طبيعيه تخلي شعرج حرير ويلمع ومفروووود وعلى ضمانتي انا في البدايه ماصدقت لين ماجربت وكل اللي في البيت جربوا وماشالله كلهم مرتاحين منها ولازم اسويها قبل المناسبات او اذا قدرتي كل اسبوع :wink_smile:

بنقلها على لسان صاحبتها وانا مخزتنها عندي بالمفضلة

امسيكم بالخير يااحلى خوات في الدنيا..انا اول مره اكتب موضوع في قسم الشعر مع اني خبره في شغلات البشره والشعر تدرون ليه؟؟لاني ما احب احد يستخدم شي ولايناسبه ويقعد يدعي علي لكن هالخلطه غير وبشهادة الكل وانل مالي اي مصلحه من ذكرها سوى اني احبكم في الله واتمنى لكم الخير وانكم تدعون لي بالهدايه والصلاح وحسن الخاتمه والتوفيق لخير الدنيا والاخره

اولا..خواتي الثلاث ومرة اخوي وخوات زوجي كلهم تركوا الصبغات بعد ان دمرت شعورهم واحرقتها وخلتها حبتين لون حلو صح لكن وش فايدة اللون الحلو والشعر حبتين مافيه لمعه ولاحيويه ولاكثافه..تركوا الصبغات وتوجهوا لخلطتي هذي والله العظيم انها خلال ثلاث شهور انقلبت شعورهم وتغير ت كثييييير طبعا اللمعه والنعومه بتلاحظينها من اول استخدام لكن الكثافه يبي لها على الاقل شهرين

ابد بالخلطه راح اوضح كل شي قدر المستطاع لاني ما اضمن اني اقدر ارد على كل وحده فيكم
الخلطه تستخدم مره واحده في الاسبوع وتترك على الشعر اقل شي خمس ساعات وتغسلين الشعر بعدها بشامبو عادي واذا حابه تزيتين شعرك بعدها انتي حره
الخلطه..
حنا مطحونه(الكميه تتحدد حسب طول شعرك)
فنجال محلب مطحون(المحلب غير الحلبه وتلقينه عند العطار لونه سكري على بيج)
فنجال حبه سوداء مطحونه(اللي هي حبة البركه)
ملعقه كبيره مسمار مطحون(اللي هو القرنفل)
ملعقه كبيره قرفه مطحونه
نصف علبة زبادي
ملعقه كبيره خل تفاح او خل ابيض
فنجال من اي زيت متوفر عندك ويفضل زيت زيتون او خروع اولوز او جوزهند
فنجال عسل
بيضه واحده
تعجنين الحناء اولا بماء دافي يميل للحراره(تتركين المويه تغلي وبعد ماتدفى شوي تعجنين بها الحنا)وبعدين تضيفين باقي المقادير وتخلطينها زين وتغطينها وتتركينها تخمر على الاقل ساعه كامله ويفضل تعجنيها في الليل وتحطينها في الصبح بس لاتخمرينها اكثر من ثمان ساعات
تقسمين شعرك اقسام صغيره وتحطين الخلطه من الجذور للاطراف وبعد ماتنتهين ارفعي شعرك لفوق ولفيه بسماط اوبورق التغليف البلاستك وبعدين لفي عليه شيله وخليه على شعرك زي ماذكرت على الاقل خمس ساعات وبعدين اغسليه ونظفيه بالشامبواي شامبو تستخدمينه ويفضل تزيتينه بعد يوم اويومين بأي زيت عندك وشوفي النتيجه وادعي لي اماااااانه..

اللي يصبغون شعورهم ممكن يستفيدوا من الخلطه بس بدال الحنا سدر مطحون وبالتوفيق ياحبايب قلبي​

كل اللي تستفيد تدعيلي وتدعي لصاحبة الموضوع

الله يعطيك العافية واتمنى منك المزيد
توفي(إذا كانت الحياة تقاس بالسعادة فاكتبوا فوقى قبري مات قبل أن يولد)
الغالي يرخص لك

تسلمين غناتي جربيها وبتدعين لي

مشكوره
............................................

جزاك الله خير انتي وصاحبة الموضوع

جــــــــــــــــــــــــــــــزاك الله الف خير

مشكورة اختي على هاي الطريقة بسئلج يعني لازم احطه خمس ساعات ابي اسوي لبنتي ما راح ترضي ان يكون على شعرها لمدة طويلة

حبيبتي عشان الفايده تطلع وصاحبة الموضوع كاتبه جذه بصراااحة انا ماافكر اني اقلل الساعات لاني مستفيده ماشالله وااايد منها:smile:

مشكووووووووووووووووووووره