يسعدني أن أكون أول وحده ترد عليج أختي أبرة الظهر تظهر آثارها بعدين آنا الحين ماأقدر أقعد إلا لما اسند ظهري ولا أقدر أوقف وقت طويل
انا مسويتها بمستشفى الفروانيه والحمد لله ماصار شي لي 8 سنين مسويتها بولدي الاول لا عوار ولا شي الحمد لله
من قبل 8 سنين خذيتها بالسلام والحمدلله ما حسيت بشي وخذيتها بالعدان بعد .. ووايد اعرفهم خذوهاا والحمدلله ماكو اي اثار جانبيه يا قلبي ..
هلا حبيبتي انا خذيتها ابولادتي الثانيه بعد الولاده بيوم من العزيزو لي النخاع وذراعي ماقدر احركهم ولما يروح العوار صداااااااااع قوي وترجيع طبعااااا 6ايام على هالحاله اكل مافي ترى جسم عن جسم يفرق لان انا حيييييييل ضعيفه عرفتيوالحين عوار خفيف ماقدر اشيل شي ثقيل او اتم قاعده اواقفه وااايد بعدين تبين اعراضها مو الحين
حبيبتي انا مانصحج تاخذينها لانها تسبب مضاعفات الله يحميج وبعدين اجر اللي تتحمل الولاده اجر شهيد ليش تضيعين علا نفسج هاالاجر عشان جم ساعه غير انها تسبب صداع دائم وحده من ميه وحده مايصير لها صداع بحياتي ماكنت اعاني صداع واللحين نوبات ومن وقت لوقت صارلي 5 شهور من ولدت وكنت كاتبه بموضووع قبل عن ابره الضهر تحملي والله يهون عليج
شتحمل شتخلي ياحضي الولاده تشوفين الموت بعيونج انا ابي استخدمها انشالله عشان تكون لحظة خروج البيبي اكون صاحيه واشوفه وتمتع بشوفته بدون الم مو جني طالعه من هوشه وعذاب دنيا يارب قومنا بسلامه
مرحبا اختي انا جربتها مرتين وبصراحه تعبت حيل منها سببتلي الم بالعامود الفقري والنخاع والكتاف كان الالم قوي جدا لدرجة اني ابجي من شدتة وسويت صبخه لراسي وكنت اقز ابر بالوريد مسكن وبعدين من جسم الى اخر يختلف انا فيني حساسيه ويكن تحسست منها وانصحج بالكمام والدعاء واكل التمر والمشي والخروع والله يسهل عليج
أنا أخذتها بمستشفى الفروانيه شهر 4 - 2008 بحملي الأول والحين أنا بولد شهر 4 - 2009 والحمدلله طبيعيه حتى بوقت الولاده احس هالأبره رحمه من الله من الألم ماكنت أحس بأي عوار ومالها أي أعراض يعني ماحسيت بلوعه بعد الولاده ولا خدور ولاعوار يعني كنت طبيعيه ولله الحمد
انا خذيتها 2007 في مستشفى الولادة ( الصباح ) صرااااااحة سحر شي خيالي وتهبل اثناء الولادة كانج مو قاعده تطلقين بس آه آه آه بعد الولادة بكم يوم عورني النخاع حيل لدرجة كنت ابجي لمدة 6شهور عواااااار لازم اضغط على مكان النخاع عشان اقوم او اقعد واحس بالموت منها رفيجتي خذتها بدار الشفا 3مرات تقول ما حست بالشي ابدا فجسم عن جسم يختلف لو يخيروني الحين بيني بينج خذيتها لانها سحر 100%
انا خذيتها برويال حياة اول شي ماكنت احس بس بعدين عقب الدكتوره مابطت الماي وحطتلي طلق صناعي اهني حسيت بالعوار وعالطول عطوني كمام عاد مادري اذا زادوا الجرعه ولا لأ بس صارلي 6 شهور من ولدت للحين ظهري يعورني ما اتحمل اشيل شي واطول بالوقفه
حبيبتي انا اخذت الابرة في مستشفى المواساة عند الدكتور محمد زكي ممتاز جدا صارلي 6 اشهر وولدي الحين عمره 6 اشهر بس الحين بديت احس بعوار في ظهري بسبب القعدة على طول وقلة النوم والحركة مو من الابره والله يوفقج
