بسم الله الرحمن الرحيم اذا جاج عريسين ايهو توافقين عليه وشنو سبب موافقتج بنات اذا ياكم معرس بس شهادة متوسط وقاعد يكمل ثانويه توافقين عليه وشنو سبب موافقتج ؟ للعلم موظف ولمعرس ثاني عنده بكالوريوس بس صلاة مو ذاك زود ويشرب زغاير توافقين عليه شنو سبب ؟
بطبيعه الحال اختار الاول لانه احسن من الثاني وبعدين شنو الفايده من الريال اذا كان ما يصلي الله يهديه وانا ما تهمني شهاده الريال اهم شي الاخلاق
انا عن نفسي اهم شي الدين والاخلاق والشهاده الواحد اي وقت ياخذها بس الايمان مو باي شخص موجود مووفقه استخيري احسن
الاول وايد احسن من الثاني شنو الفايده من الثاني اللي مايصلي يعني مايخاف الله ولي مايخاف من الله كلشي توقعي منه يسوي طبعا الاشياء اللي موزينه وعسى يسهل لج ويوفقج
اذا توج اصغيره انتظري لان الاخلاق مهمه بس في هلدنيا الشهاده والراتب مهم بعد امكن الله يرزقج بالاثنين بس اهم شي الصلاه لان الفرق بين المسلم والكافر هي الصلاه
أولا الرجل لا يقاااس بشهادته . . . يعني في اولويااات وهي : دينه أخلاقه سمعته الطيبة وميسور الحال بحيث يقدر يفتح بيت ويكون أسرة من وظيفة لائقة ومدخولها جيد
انا بالنسبه الاول لان باين انه معتمد على نفسه يعني توظف بدري وقاعد يشتغل ويدرس بنفس الوقت والثاني الله يهديه الشهاده حتى الهنود خذوها لاتفكرين من هالناحيه المهم الدين والاخلاق حتى لوكان سحت بس بيعشج في جنه هذا المهم
بنات دعولي ان الله يوفقني ما تدرون شلون صايره حالتي وشكلي بوافق على الاول قلت حق اهلي يرفضون الثاني بس الاول ليلحين ما عطينهم كلمه صارلنا اكثر من اسبوع ماردين
حبيبتي اليوم اتصلت ام المعرس الثاني تقول حق خالتي اخاف ردهم بس لما سئلت امي قلتلها يصلي قالتلي اي يصلي بس مو بالمسيد وزغاير طلع يشربه وقت الحماس فقط يعيني نادر
