السلام عليكم ورحمة الله وبركااته شحالكم خواااتي ؟؟؟ بغيييت حل لمشكلتي اللي سببت لي تقريبا ازمة نفسية .. اولا بعرفكم بنفسي.. انا امرأة متزوجة وبجري 3 اولاد وانا الحين حامل (شكله بعد ولد)... وحرمة اخو ريلي عندها ماشالله ولد وبنت .. وين الممشكله؟؟ الله يسلمكم حرمة اخو ريلي دوووم تحاول تدز بعمرها وجسمها عشان تبين مفاتنها .. وهي صراحة جسمها وايد حلوو ومافيها بطن وايد.. بعكسي طبعا.. انا تقريبا سمينه وجسمي مرتب .. بس مشكلتي في بطني .. يعني انا كرشتي عودة... وحركات حرمة اخو ريلي واايد صراحة يعني مثلا مرة قالت لي .. انا كنت في الميلس منسدحه العب بشعري وفجاة شفت ريلج وراي.. قالت هو دق الباب بس انا ما سمعته .. انا احس انها مستقصده هالحركة لان ريلي لازم يدق الباب ودقه مب خفيف كأنه بيكسر الباب من قوته .. ويوم مثلا نتغدا وريلي يالس ما تاكل غير لقمتين .. وتقوللها خالتي ام زوجي ايلسي كلي ... تقول لا خالتي انا بطني صغيروون اشبع بسرعه .. وهي اذا ريلي مش موجود تاكل ماشاللله وساعات تقوم عقبي... وحتى قدامه يوم تكلم عيالها تقول تعالي حبيبي (بدلع) واذا زوجي مش موجود تصاارخ عليهم .. في وايد مواقف ومواقف صراحة .. انا علاقتي فيها وايد زينه .. كله اسولف معاها .. انا ماكنت انتبه ع هالحركات من قبل.. بس بديت انتبه .. واذا كلمت خالتي .. خالتي من النوع اللي يكبر السوالف وبتخبر خالي وبتسويلي مشكله ... واذا كلمتها هي اكيد بتخبر خالتي وبتحط ف خاطرها .. وانا ماريد انبه زوجي بالموضوع ... واخاف يقولون تغار منها .. لانها هي رشيقة وانا لا .. للعلم اني سويت رجيم وماكنت اكل الا شوي .. ونزلت ف الشهرين 2 كيلووو بسس !!! ساعدووني
اختي ما ادري شقول لج في بعض الحريم صغيرونات عقل يعني فقط تبي تحرج و تقول شوفي انا دلع زوجي ,,, مالت بس هههه بس هذا يصير جدام زوجج علشان تتفاخر جدام زوجها << اقص ايدي اذا فهمتي شي ههههه اختي خلها تولي و اهتمي بريلج و امه و حاولي تخفيف وزن و انصحج نصيحة اذا تبن تحرقين الشحون لا تأكلين بليل الا زبادي قليل الدسم الله يوفقج غلاتي
ام منصور صدقيني ياما حريم سمينات وجكر بس رياييلهم مايطالعون غيرهم وغيرهم اجسام وجمال ومع هذا مو موفقين مع رياييلهم لا تهتمين بالموضوع وايد ,والرياييل كل شي شايفينه بالسفرات اللي قبل الزواج والتلفزيون هم ماقصر حتى الرسوم المتحركه ,ريحي بالج وسولفي مع ريلج انه حزات جمعت الحريم لايدخل لان بصراحه شايفه الحريم عندنا يكشخون عند الحموله ولا يكشخن للرياييلهم..(خليه يفهم لاتوضحين)
اختي خلها تولي و اهتمي بريلج و امه و حاولي تخفيف وزن و انصحج نصيحة اذا تبن تحرقين الشحون لا تأكلين بليل الا زبادي قليل الدسم منقول
اختي والله العظيم انها صارت لي بس الحمدلله كنت اكتم غيرتي مع انها اهي الي اتحاول اتثير الغيره فيني بس عليج عليج عليج بالاسسسسستغفار بربما من ذنوبنا سلط علينا وادعي دعاء اللهم سخر لي زوجي...... ولا اتحاولين اتكلمين زوجج او خالتج ولا اتكبرين الموضوع لان جذيه تعطينها فرصه تكبر راسها وشيطانها ونصيحه اهتمي بنفسج ولا اتعبرينها خبره 17 سنه زواج وادعي لي يسخر لي زوجي ويشافيه
الله يشفيها اذا همها انها تخليج تغارين منها نصيحه دايما بسوالفج حسسيها بأهتمام زوجج لج بزياده وانه يعلق على البنات بالسوق هذيلا يكسرون الخاطر مو لاقين اللي يعوضهم النقص >> بدوون ما تبينين قصدج عليها قولي عن مواقف تضحك بينج وبينه الفي سوالف ههههههههههه زووجج >> اسحريه بكلامج بصوتج الناعم وشكلج اهتمي فيه ترى الرجال يغريه الاهتمام خلي لج كلمه مميزه عنده وتكون شفره ولو كنتو متجمعين تقولونها بضحك الله يوفقج ولايدخل بينكم بنت ابليس ^_^
وااي هذي مو صاحيه الظاهر ريلها مو تارس عينها وبتطلع النقص باخوه الحمدالله والشكر ... انتي عاد بالعكس لايهمج اذا اهيا تسوي حركات انتي تقدرين تحقرينها وتريحين بالج عااادي الوضع ضحكي وهم انتي تدلعي بينج وبين ريلج جدامها خل تموت وتهامسو دلعيه وجذي ..مافيها شي ريلج
عادي عادي عادي انتو خوات انا اقول بالعكس تقربي منها واكسبيها ولا تديرين بال للحركات اللي تسويها يمكن هي مو قصدها في حريم هذا طبعهم حتى مع خواتهم واهلهم بس انت احسني الظن فيها ولا تحاتين يا قلبي اذا بتخافين على زوجج خافي عليه من الحريم اللي برا ولا زوجة اخوه هي في النهايه تعتبر من محارمه . بس اهم شي لا يبان عليك
مشكوريين ع الردوود وماقصرتوا.. انا علاقتي فيها زينه .. بس حركاتها تقهمر.. وانا صااابرة .... بس طرحت الموضوع لاني كنت ابغي افضفض شوي \ مشكورييين وماقصرتوا
حسبي الله على ابليسج مت من الضحك على اقص ايدي اذا فهمتى شي خخخخخخخخخخخخخ شكلج فلة تسلمين وانا مثل ما قالتلج الاخت خليها تولي ترا اذا حطيتي الموضوع ببالج بتتازمين والله
سوالف الحموات ما تخلص جنج شريجتها لا تفكرين فيها ولا تحسبيلها اي حساب والله ياخذ حقج منه واكثري من الدعاء والاستغفار
انا رايي من راي سلطانه بعد قولي لها زوجي حبيبي شترا لي ها ساعه مره قولي عطر تعاملي معه بنفس عقلها لا سوين رجيم وانتي حامل يصير فيج فقر دام ولا شي فالعكس اهتمي باكلج بعد ماتولدين وتقومين بسلامه
الحمد لله مرت اخو ريلج هذي الظاهر حاسه بنقص وين زوجها مايلاحظ حركاتها يمكن زوجها يمدحك جدامها وهي تبي تحرق اعصابك \هذا احتمال \ شوفي اهم شي احتشمي بزياده عند حمولتج عشان هم ينتقدونها على جراتها واهم شي الاستغفار ثم الاستغفار وصلاة الليل والدعاء ان الله يشغلها بعمرها وتقبلي مروري
شخباركم خواتي الحلوات .... قبل ما اعلق على الموضوع ... ودي اسلم عليكم .. لان اول رد لي في المنتدى يكون هنيه وفي هالقسم .... لاني اول مره اشارك في منتدى كويتيه....دوم اكون متواجده في المنتديات الاماراتيه هالمرة حبيت اغير .... المهم اختي .. والله انا لو مكانج مستحيل احسسها اني ملاحظة او حتى منتبهه لو اموت .. ولا حتى بحسس ريلي .. وبيني وبينج انا يمكن اختلف ويا الخوات اللي قالوا خبريها مواقف طريفه بينج وبين ريلج ... انا اشوف ان لا تفتحين جدامها باب .. يعني والله ماتدرين يمكن ريلج لافت نظرها اصلا او احسن عن ريلها فيوم بتقولين مواقف حلوة بينكم يمكن تحسدج او تزيد تسوي هالحركات عسب تتمشكلين ويا ريلج .... ويمكن بعد هيه ريلها ما يكون اوكي وياها او هيه مب مستانسه وياه بس جدامكم تبين انها مستانسه وياه .. او العكس فلا تفتحين باب عليج ابدا ... انا لو مكانج والله بسوي جم شغله ... 1- ازيد علاقتي ويا رب العالمين (( لان احد العلماء او التابعين كان يقول انا ارى علاقتي مع الله في اخلاق زوجتي )) يعني عيبني رد الاخت اللي قالت ان الله يسلط علينا هالشغلات بسبه ذنوبنا .. عسب جيه انتي زيدي علاقتج بالله والله الله بيساعدج لانها هيه تسوي شغله حرام شرعا لانها متزوجه اولا ولانها حتى لو كانت مب متزوجه وسوت هالحركات بعد حرام وركزي على الاستغفار وااااااااااااااااايد (( قال رسول اله صلى الله عليه وسلم في حديث صحيح ( من لزم الاستغفار جعل الله له من كل هم فرجا ومن كل ضيق مخرجا ورزقه من حيث لا يحتسب )) من لزم الاستغفار تعرفين شو معناتها يعني استمر على الاستغفار يوميا .. مب شهر او شهرين لا لا لا يعني استمر على طوووووووول 2- بسوي رجيم قاسي ومب لازم اقول للعالم ان يالسه اسوي رجيم ترى العين حق اوقات من الحسد او حتى الاعجاب يصكون الواحد عين وبذات هذي ما بخبرها اني اسوي رجيم ان عادي عندي ... بس لو لاحظت اني ضعفت بقولها حلو التغيير وما بناقش الموضوع . وبسير نوادي رياضيه ولو ماروم اسير نادي بييب لي جهاز خاص بالمشي اقل شي لان المشي اكثر شغله تنسق الجسم .... تنبيه ركزي على هالشغله :انا دوم بدعي رب العالمين حتى في الرجيم بدعي الله لان الله الخالق البارئ المصور هو اللي خلقني وهو اللي احسن تصويري وهو الوحيد الي يقدر يخليني حلوة يعني الرجيم مجرد عمل بالاسباب يعني احس من اسباب ان بعض الحريم يفشلون في الرجيم لاعتقادهم الخاطئ ان الرجيم هو اللي بيخليني رشيقه لا لا لا الرجيم مجرد سبب ... يعني احس نيتهم شرات نية واحد مريض يشرب الدواء وهو واثق ان الدواء بيشفيه وعقب يزيد مرضه ويستغرب ليش مرضت وانا اشرب دواء ... والسبب ان اعتمد على الدواء وهذا خطأ كبير ويمكن شرك بعد عشان جيه بنبهج لشغله لاتحرمين عمرج الاجر خلي عندج نيه في كل شي تسوينه فخلي نيتج يارب ان بسوي رجيم عسب ريلي يكون مرتاح .. ومن باب حسن التبعل للزوج .. ومن باب امنع عينه عن الحرام واكون سبب ان يغض بصره ..تذكري الحديث الصحيح .. للرسول عليه الصلاة والسلام ( انما الاعمال بالنيات .... وانما لكل امرء ما نوى )) يعني حتى يوم انتي تسوين رجيم تاخذين اجر كبيييييييير خلي رجيمج عباده .. 3- بصبر وبتحمل حركاتها احسن من اني اواجه وعقب انصدم من ردات الفعل سواء لريلي لو درى او ام ريلي او ريلها وكله بيكون في ميزان حسناتي .. وبذكر ان الله يكفيني انه يشوف ويسمع ويعلم ... ولان يمكن اكون اصلا ظلمتها وفعلا كانت صدفه او مب قصدها .. 4- بحاول اهتم في ريلي من عده جوانب مب لازم اكون رشيقه عسب اني ادلع جدامه لا حبيبتي ما بقصر في لبس ولا حركات ولا دلع ... بدخل منتديات خاصة بالعلاقات الزوجيه بحضر دورات بحاول اطور نفسي ... ومب لازم ادفن عمري عشان عيالي صح عيالي لهم وقت واهتمام بس ريلي لازم يكون وقته اكبر .... لان هوه اللي بينفعني في النهاية . لان عيالي بيكبرون وبيعرسون وبيخلوني بروحي ... بس ريلي لو عرفت احافظ عليه اكيد بيتم باذن الله وياي حتى لو عيالي عرسوا ... (( وانا اقول لج هالرمسه عسب ان لو انتي مب مقصره ويا ريلج والله لو ملكة جمال العالم سوت اخس عن حركات حرمة اخو ريلج مستحيل يتاثر لان انتي تارسه عينه من كل النواحي )) 5- زيدي علاقتج بامه و خواته وابوه ... والله لو حبوج هم بيلاحظون حركاتها وهم بيدافعون عنج لاصارت مشاكل ... خليج حكيمه في هالمواقف ... والله اللي نفس حركات هالحريم والله ما يهمها بيتج ينهد او لا ... وانتي لا تعطينها مجال ابدا .. ابدا ... وتوكلي على الله في كل شي ... تعرفين شو معناة التوكل .. اني اعمل بالاسباب كلها اللي اقدر عليها واتوكل على الله ... لا تقولين حسبي الله ونعم الوكيل وانتي ماعملتي بالاسباب .... لان من اسباب توفيق الله ونصرته لعبده لو كان عمل بالاسباب .... لاتنسين خلي اهم قاعده .... النيه والعمل بالاسباب + توكل على الله بكل قلبي = توفيق من الله من حيث لا تحتسبين اسفه طولت عليج بس صج ماحب احس وحده مستسلمه ابدا ...
اختي حطي ببالج شغله قولي الجمال الخارجي ما يدوم ما يدوم ألا الجمال الداخلي خليها بحالها وخلي نفسج مو مهتمه لها وبالفعل لا تهتمين لها مدام ما شفتي من ريلج شي ما عليج منها احقريها الحمدلله عسى الله يخليكم لبعض ان شاء الله
