السلام عليكم شلونكم بنات حبيباتي انا عندي مشكله انه انا مطلقه من ولد خالتي المشكله ابي ارجع له شلون ,, اهو كان يحبني حيل وانا بعد اموت عليه طلاقي تم بمشكله صغيره والغلط طبعا منه اهو وتسرع بالطلاق وخالتي وايد تحبني وعلاقتي فيها وايد زينه وبينه اتصالات دايما مع العلم سمعت انه اهو وده يرجعلي بس يقولون خايف يفتح الموضوع ويقول حق امه وخايف من ردة فعلي وفعل امي الي اهي تصير خالته ياليت تفيدوني شلون ارجع له وشاكرتلكم ..
كتاب تصافينا لدكتور غازي عبدالعزيزالشمري يوجدفي هذا الكتاب أكثرمن 300حل لمشكلة زوجية او اشترك في جوال تصافينا اوموقع تصافيناوأكيد مايقصرون وأكثري من الأستغفاروالحي في الدعاء و أكثرى من الصدقة ربي يرجعك لزوجك حبيبك وبشريني بعودتك أختي أجاب الله لك دعوة لا ترد
شاكرتلكم على المرور الاخوات عايشه وفقدت اشياء تسعدني بس شلون اقولهم صعبه شوي مايصير اقط نفسي اذا اهم ماتحجو ! عطوني الحل ساعدوني يابنات
عزيزتي دوريلج وحده تثقين فيها ثقه عمياء وتكون كبيره بالعمر وتحب الخير تتكلم مع خالتج بس لازم تحلفينها بالقران انها ماتتكلم حتي لو ايش وياليت اعرفج والله كنت ساعدتج انا فعلا احب الانسان اللي يحس بغلطه تري مو عيب لا تنسين انه كان زوجج وقبل جذي ولد خالتج الله يوفقكم
هلا أختي . . . اكثري من الاستغفار وقولي لامج انج ودج تردين لزوجج لكن ما تبين انتي تبدين . . . امج اقرب الناس لج واهي الوحيدة اللي تبي الخير لج . . . واكثري من الاستغفار وربج كريم . . .
حبيبتي مثل ماقالوو الخواات حاولي تكلمين اي احد او تلمحين حق خالتج عن الموضوع ,, وعسى الله يكتبلج الي فيه الخير ,,
اختي لو يبيج فعلا ما تررد اذا عندج جدة او امج حيل قريبة من امه ليش ما تلمح بالموضوع اكثري الاستغفار و الدعاء
حبيبتي .. مدام طليقج ولد خالتج فالموضوع سهالات انشالله .. ومدام خالتج تحبج وزينه وياج كلميها وقوليلها انج تبين ولد خالتج واهيا من جهتها تكلم ولد خالتج بس اللي لازم تحرصين عليه انه خالتج ماتقول انج انتي اللي كلمتيها عشان تعزين عمرج ولا تحسسينه انج قاطه روحج عليه .. فهمتي؟ وانشالله اذا بينكم نصيب راح ترجعين له .. ولا تنسين الدعاء والصلاة وانشالله اذا فيها خيرة بتردين له
هلا بج ياقلبي مثل ماقالت ام عبد الله فديتها قولي لأمج وصارحيها وأكيد اهي اللي بتعرف تتصرف بهالموضوع وان شالله ترجعون لبعض
انا مع اختي مسوووكة 100 بالميه خلي احد كبير بالعايلة يكلمه بس جنا مو منج وعسى الله يوفقج وتردون حق بعض ان شالله
