حبايبي انا ماشاء الله دخلت الشهر 9 اليوم وخايفه وزوجي مسافر وموعدي اخر 4انشالله خايفه اولد وهو مايكون موجود وسؤال يصير امشي من الحين وجم ساعه
ايه امشي على تراب البحر افضل مولازم القت امشي شوي وريحي شوي عادي بس الافضل انه زوجج يجامعج عشان يتوسع الرحم بس حسافه مسافر
تماااااام هههههههه لا للحين رحت المستشفى اليوم وفحصني الدكتور وقالي انه مبطل 2 سانتتي وعطاني موعد بعد اسبوع
سلام عليكم يا حلوات.. والله انكم قمتوا تخرعوني انا بنهاية الثامن وعلى وشك أدش التاسع وأخاف اعوشر مثلكم شسالفة عيال هالوقت ما يبون يطلعون :tongue_smile: وكنت بقولكم عن شي قالولي انه يسهل الولادة ويخلي الوحدة ايلها الطلق.. كف مريم !! سمعت عن 2 جربوه وياب نتيجة.. وصراحة مادري شلون طريقته بس انه شي ينشرب!!؟ ألف مبروك حق كل وحدة ولدت والله يسهل على الباجي وعلي ويرزق كل وحدة محرومة .. :rose:
انا الحين بنص التاسع تقريبا الدكتوره عطتني موعد آخر 4 وبعدين غيرت رايها قالت بدايه 5 مادري شحقه؟؟, بس انا كل يوم امشي ساعه طاحو ريولي ولاكو فايده انا خايفه اني ادش العاشر بس خلاص ابي اولد مليت من الكرشه ههههههههه
السلام عليكم انا بعد بتاسع صارلي 17 يوم وفحصت الاسبوع الي طاف وقالتلي دكتورة مفتوحة واحد سانتي وعطتني اخر موعد يوم 20_4 للعلم انها قالتلي اذا شربتي خروع ثاني يوم تولدين وصارلي جم يوم احس بعواراسفل البطن صوب رحم ومغص قوي المشكلة عندي يوم الاحد امتحان ودي ماامتحنة لان مالي مزاج للدراسة خاصة وانا الحين احس بعوار يجي ويروح شسوي ؟؟؟؟؟ ابي مساعدتكم في موضوع امتحاني للعلم مالي مزاج للدراسة واهو اخر امتحان علي والمادة دسمة >>>مصطلحات طبية<<<
مرحباااااااا يا سيداااااات <<<< يايه متاخرة ) مبروووووووووك ممرضة يتربى بعزك وعز ابوه واهله الفال للباقي اللي بالشهر التاسع اما انا مو عارفه باي شهر بالضبط دكتورة تقولي بالثامن ودكتورة ثانية تقول بالتاسع وانا ضايعه بعمري اخر دورة ياتني في تاريخ 13-8 اللي تعرف تحسب تقولي انا باي شهر عشان احسب حسابي لاني ماجهزت شي للبيبي ولي
سلاااااااااام.. شلونكم كلكم يا حلوات ؟ شوفي حبيبتي انا اخر موعد دورة 10-8 يعني انتي بعدي ب3 أيام وانا رحت يمكن 3 اماكن كله يعطوني نفس موعد الولادة من 16-20/5 وانا امس دشيت 36 أسبوع يعني اتوقع التاسع عاد انتي كسري احساباتج :wink_smile:
لا حبيبتي انتي مو بالتاسع انتي بالثامن لان انا اخر موعد دورة لي كان يوم 23-7-2009 وانتي اخر موعد دورة لج كان يوم 13-8-2009 على كلامج انا الحين باخر تاسع وانتي اكيد باخر ثامن يعني بعد اسبوع وشي تدخلين التاسع وبعطيج موعد ولادتج حشب حسبتي لج بتكون يوم 20-5-2010 هذا يالغالية بيكون اخر يوم لج بالتاسع ويكون موعد الولادة المحتمل لج واذا ماولدتي باليوم هذا احتمال يعطوج 10 ايام فوقها وانشالله يجيج الطلق قبل ماتدخلين العاشر تدري الحين احنا كلنا مانولد الا بالعاشر ماندري ليش العيال مجلبين مايبون يطلعون معلقين بالحياة ال ببطونا هههههههههههههههه مايبون يشوفون دنيا ههههههههههه الله يقومج وقومني بالسلامة يارب ودعيلي موعد ولادتي بعد 7 ايام
هاااااااااااااااااااي شلونكم حبيباتي والله وحشتووني موووت ابشركم انا ولدت ويبت بنوته حلوه سميتها المــــــــــــــــــــاس بس بعد شنو؟؟؟؟؟ انا رحت بنفسي وطلبت من الدكتور ادخل المستشفى على مسئوليتي وطلبت طلق صناعي لاني مليت من النطره والحمدلله ربي سهل الامور
الف مبرووووووك... الحمدالله على سلامتج وسلامة البنوته الله يسهل علي انشاءالله واولد وافتك بلييييز ادعولي :emoticon_U:
هههههههههه انا عضوة يديدة مو يديدة نسيت الباسوورد وايميلي الي كنت مشتركة فيه ايميل الدوام وهديت الدوام هههههههههههههههههههههه سجلت مرة ثانية انا دشيت شهري اليمعة وحدي ملهوووووووووووووفة على الولادة هههه بجر ومو شايفة خير يا حلو سوالفكم تونسون . .. والله ضايق صدري ريلي مو عندي مسافر وانا كله احاتي بروحي ما انام الليل من الثقل بديت المشي واحسه فعلا زين سويت لعمري كيكة فيها كل بهارات البيت هههه الي تساعد على الولادة ويا رب هي تساهيل من الله بس سمعت انه مو زين نولد قبل الاسبوع ال37 واي قرقرت وايد بس شسوي فاضية شغل هههه خلصت كل اغراض البيبي الحمدالله وزهبت جنطة المستشفى بس باجيلي كفر النفاس المشكلة ان ما راح اسوي استقبال لان اهلي واهلل ريلي مو هنيه بس انا ابي شي بسيط رحت اليوم حولي وكله شي غالي على شنو ابي شي عادي ؟؟؟؟ وين اروح اييب شي بسعر معقول؟
بنات شلونكم؟:sad_smile: انا الحين دشيت ثاني اسبووع من شهري واحس ماابي اولد مادري ليش :teeth_smile: حتى مشي اليوم بلشت امشي والحين قعد اشرب كف مريم وياه دارسين تفضلوا معاي :wink_smile: بس هم خايفة واحس ماابي اولد.. للعلم انا مو بجرية هذا ثاني بيبي.. على ولدي ماكنت خايفة جذي.. ادعولي الله يسهل ويكتب اللي فيه الخير لي وللجميع.. يالله باي بس كنت بفضفض شوي :regular_smile:
شلوونكم ياحلوات انا بجر و بشهري الحين وماكملت اسبوع وحاسة بعوار بظهري والبيبي قاعد يتحرك تحت والعواار فضيع ومو عارفة شنو اسوي بس قادرة اني اتحمله بس اتوقع مو طلق مع ان كل اللي قاعد يصيرلي عوارض الطلق وخايفة اولد مبجر ..
