بسم الله الرحمن الرحيم أنا أعرف أن الموضوع غريب ومحسوم من الناحية الشرعية ...أيهما تفضل الزوجة أن زوجها يخطىء مع واحدة أخرى أو يعيش معها بدون زواج أو يصبح لدية زوجة ثانية.. أعرف أن كل الزوجات لاتفضل الأثنين أن أعرف أن الرأى الشرعى طبعا الزوجه . لأننى لاحظت أن الزوجات ممكن تغمض عينها وتوافق على الوضع االثاني اللي هو العشيقه لأنها تعلم انا فتره وتمر لكن الزوجه تلزقلها طول العمر وتخرب حياتها لا ويمكن تكون سبب طلاقها ؟؟؟!! راي انا طبعا الخيارين مرفوضين الاول الزوجه ماراح اتحمل وجوده وحده غيري بحياته والعشيقه مستحيل اصبر واعرف انه يروح حق وحده غيري واسكت مع انها صارت مع وحده اعرفها والله تدري انه زوجها متزوج عليها بالسر وحده حلوه موت ويسافر معاها وتشوف علامات على جسمه وتسكت تقول اخاف يستغني عني اهو جذي شاريلي احلى سياره وبيت حلو اذا عرف اني دريت بيجيبها عندي غصب لا ويمكن يطلقني واتفشل جدام الناس وتصير السالفه عاديه الحين هو يخاف مني ؟؟!! هذا رايها وابي اشوف رايكم لأني حطيت هالموضوع بسبب رايها العجيب اللي يمكن يكون منطقي نوعا ما ... تحياتي :smile:
ماافضل لاالزوجة ولاالعشيقة اماراي صديقتج اعتقدصح لان متزوج بالسر وحسباله زوجته ماتدري وحاسب لها حساب بس اذا قالت له وتبي تقعد معاه راح اييب زوجته الثانية غصبن عليها
رايي اني أختار سجّان معضّل أييبه و أسجن الزوج بالبيت ,, وأحرمه من الديوانية ومن الطلعة .. ومن المصروف بعد ... خخخخخخخخخخ اختي سامحيني .. بس الموضوع مو بالسهوله اللي انتي متخيلتها .. الموضوع اذا صار صج بتصيــــــــــــــر علوووووم وكل البنات اللي بيردون عليج بشي (طبعا مثالي) وقت الصجية بتصير وحده ثانية عمرها اهي نفسها ما تخيلتها ولا سمعت عنها ... تقبلي مروري
لا والله لا الاولى ولا الثانيه وعندي الاولى اهون شوي لان يمكن يبيعها باي لحظه لكن \الثانيه ووووووووووووووين اكيد بيحشمها ويحشم اهلها وعياله منها يعني تصير المساله التزامات عرفتو ليش اهون وبعدين الاولى لو تسوين مكيده <<<كيدهن عظيم بغمضه عين تطيرينها لكن الثانيه وااحظي ماتروووح لو يصدق الكذبه ويطقها وعلى بيت اهلها اخاف تطلع جلبه وترضى بالقليل وترد بيت الزوجيه مو تنطنقر وتزعل وترووود بلا ردده يالوعة جبدي حسبي الله ونعم الوكيل اقول رقولي حق رفيجتج تغير لوووك كامل وعمليه تضوويق وتغير غرفه النوم وحتى تتمكن من قلبه ثم تحاول فيها قبل لا تجيب عيااال منها ترى الحين يداريها بكره لاشاف الغاليه ومنها عيال خلالالالالالالالالالالالالاص ماكو سبب يرد لللاولى حسبي الله ونعم الوكيل
هههههههههههههههههههههههههههههه صباح الخير البنات كلوووووج طبعا موضوع مايوافق عليه احد نهائي:wink_smile::wink_smile:
الريال من غير عشيقه او زوجه ثانيه مقصر بواجباته بهالزمن ... هالدور اييب وحده على مرته اتوقع انه راح ينسى بيته تماما...
ثنتينهم صعبين بس على قولت مرت خالي خل يخربط بس بالنهايه مارده لي ولعياله ومصيييييييييييييييييييبه البنات الحين مايبون الا الريال المتزوج يكون صديق او عشيق لهم عاد وتعالو شوفو شيقولون له : انا لو كنت زوجتك كان سويلك000000000000000000 وكان حطيتلك00000000000000 وسويت اللي ما ينتسوى حسبي الله ونعم الوكيل
رفيجتي غاسله ايدها مسكينه من شافة صورة الثانيه قلتلها الصور تخدع تقول لا هذي وين وانا وين لو اسوي مية عملية تجميل ما اوصل حلاة خشمها هههها مسكينه الله لا يبلانا سلمت امرها لله هي حرام متدينه ومحتسبه هالشي عند الله وصابره ... شكرا على المرور الكريم ...
اي والله صاجه ماادري شفيهم البنات يحبون المتزوج اهي السالفه تحدي ولا تسلي استغفر الله لو تفكر الوحده منهم انه باجر بيصير عندها زوج ترضى على نفسها اللي تسوي بغيرها ؟؟!!! شكرا على المرور الكريم نورتي الموضوع
أثنينهم صعبين وايد وايد بس الريال بالحالتين مو مع زوجته يفكر بغيرها يقارن بينهم اذا خربوطي يمل من وحده وبيدور غيرها ومو بعيد يتزوج وحده منهم بس عندي اهون من الزواج رغم إنه يمارس الحرام صديقتج الله يعينها وتصرفها عاقل حل تهتم بنفسها وتظحك جدامه وتكشخ واهم شي تكون قويه وواثقه بنفسها لا تبين انه مهمومه ما راح تكسر خاطره جذي خاتصير سنعه معاه واتدلعه وانشاؤ الله يطلق الثانيه قبل ما اتحمل وعندي تجربتين من هالشيين
صراحة موضوع صعب حيييييييييييييييييييييييييييييييييييييييييييل مااقول الا الله يستر ويكفينا هاالسوالف بس اكيد زوجة ولا عشيقة لاان اذا عندة عشيقة عندة غيرها الف لاكن زوجة ماتدرين يمكن مايتوفق وتكون لج خيرة يعرف قدرج بس انة يساويني بعشيقه يعني انا والسواقط واحد لا والف لا حنا بنات حلال ولانرضى الزنا والامراض لاانة اذا زنا راح يبلاج الله بناتج لاانة ابوهم والجزاء من جنس العمل والانسان يخاف من الفضيحة والعقوبة والله هذا المهم الرجال ماله امان لاكن الستر والسمعةالطيبة لبناتج وعيالج اهم
صراحة من اول ماتزوجت وانا اقنع نفسي انه راح ياخذ علي الثانية عشان اذا سوها مستقبلا اكون متكيفه مع الوضع وما انصدم صج انا اغار بس هذا الشي الله حلله للرجل , وفي حريم يقولون اذا الوحده ما فيها عيب ليش ريلها يتزوج عليها مع ان الله سبحانه وتعالى ماحدد اذا كان فيها عيب ولاماتييب عيال عشان ياخذ وحده ثانيه او ثالثه او رابعه بعد
