1. ملصقات للواتس اب و آي مسج ، اكثر من ٥٠٠٠ ملصق سهل الاستخدام. لتحميل التطبيق
  1. أم بــــدر

    أم بــــدر سيدة جديدة

    هلا حبيبتي ..​

    لا بالعكس فديتج مسموحة .. وياريت انتي بعد تتقبلين صراحتي وماتكون هناك أي حساسية من اللي بقوله مدامج فتحتي هالموضوع​

    اول شي ​


    ماشوفها حبيبتي عجيبة ولا شي .. بالعكس عادية .. ومن حق اي تاجرة تحط الشروط اللي تناسبها ..​

    ومثل ماانتوا تخافون على فلوسكم .. حنا بعد نخاف على فلوسنا وبضاعتنا .. وتعبنا ووقتنا ..​

    يعني تجين انتي او أي وحدة غيرج .. وتطلب طلبية ( وعلى فكرة هالشي تعاني منه اغلب التاجرات )​

    المهم تجين وتطلبين بضاعة ماتكون متوفرة ولازم عالطلب .. وتقوم التاجرة وتطلب وتدفع .. ولما توصل تتواصل مع الزبونة .. فتلقاها غيرت رايها وماتبي شي .. شنهي النتيجة هني؟؟​

    عطلت التاجرة .. ضيعت وقتها وخسرتها .. خصوصاً إذا كانت البضاعة المطلوبة ماعليها ذاك الطلب الكبير اللي يخلي التاجرة تعوضها بوحدة ثانية .. فتطيح في جبدها والسبة استهتار عضوة!​

    هذا شي ..​

    الشي الثاني شلون يعني تبين تشوفين البضاعة انا ماني فاهمة !! ​

    البضاعة ماهي ملابس علشان تقلبينها وتفصصينها وبعدين تقررين تاخذينها .. البضاعة عبارة عن كريمات وحبوب ومنتجات وكلها معروضة بالصور وشرحها بالتفصيل مثل ماانتي شايفة .. ​

    يعني قصدج تبين تفتحينها وتشوفينها ؟؟؟ .. بعد التاجرة ماترضى ينلعب ببضاعتها بالشكل هذا​


    ثم ... ​


    المندوب حبيبتي .. أنا قايلة ان ماعندي مندوبين ... ومابي اتعامل مع أي مندوبة .. وذكرت من قبل السبب ​

    طيب حطيت مندوبة .. وتهاونت في التسويق أو تهاونت في التوصيل ..​

    اللوم بعدين بيطيح على من؟؟ بترجعين انتي وبتقولين مندوبة أم بدر .. مادزت لي البضاعة ومندوبة أم بدر كذا وكذا ..​

    يعني بالنهاية راح تسوء سمعتي انا مباشرة .. واسمي ينذكر معاها في شي انا مالي ذنب فيه ​

    وبعدين انا في البحرين .. أي مندوب اللي تبيني أحطه في الكويت؟؟!! وأكون متابعة معاه أول بأول ​

    بالإضافة الى اني مااتعامل مع رجال أبداً وهالشي مذكور في موضوعي ..​

    فأشتغل لحالي افضل .. على الأقل اشحن بفيديكس وثاني يوم يوصل الطرد للزبونة .. وأتابع مع الشركة مباشرة .. وأعرف ان هالشركة بروفيشنال ومو أي كلام ​






    يتراوالي حبيبتي أنا تاجرة معتمدة هني .. يعني سهل جداً تحصلين على معلوماتي من المنتدى .. إذا بيكون فيه نصب .. والعياذ بالله .. وحشاي هالشي .. الحمدلله ​


    وفيه ياقلبي شي اسمه تجارب .. ممكن تشوفها أي وحدة وإذا اقتنعت زين .. تقرر تشتري ​

    بالإضافة الى اني يمكن الوحيدة من التاجرات اللي اعرض اني شحنت لفلانة ووصلت الطرد لعلانة ( للمصداقية ) .. مايكفي هذا؟ والا لازم الزبونة تبي توصلها البضاعة عن طريق مندوب علشان تقلبها وتعفسها ,, والا في اسوء الحالات تاخذ منه البضاعة وتسكر الباب في وجهه وماتسلمه المبلغ ؟؟ ​

    لاتقولين لي ماتصير .. إلا تصير .. وروحي شوفي قصص ومعاناة التاجرات بهالخصوص​

    وهم أرجع أقول .. في تاجرات كثيرات .. يعانون من الزبونات حتى في مسالة المندوب .. ​

    تدز التاجرة بضاعتها مجيسة ومرتبة .. يسلمها المندوب للزبونة علشان تشوفها .. تدرين شيسوون فيها ..​

    يشقون الاجياس .. ويعفسونها بحجة انهم يبون يشوفونها .. ويرجعونها لها حالتها حالة ​

    إذا ملابس .. معفوسة .. وإذا مكياج مفتوح غطاه وملعوب فيه ..​

    منو يضمن حق التاجرة هني؟​

    ترى مثل مالكم حقوق .. التاجرات لهم حقوق بعد ولازم يضمنونها .. والزبونة مو دايما على حق ومو لازم ينوقف يمها دايما .. بالعكس فيه زبونات مستهترات وداخلين يتسلون .. ​

    والتاجرة مو فاضية لهالشي ​



    لا ياقلبي اعتقدي : ) ​

    ماشاءالله تبارك الله .. زبوناتي وايد .. مو شرط بهالمنتدى .. إنما في منتديات ثانية .. بينا ثقة وإحترام وود ..​

    يمكن حركتي قليلة في هالمنتدى .. ولكن مو معناته ان محد يشتري مني .. بالعكس .. في منتديات ثانية زبوناتي وايد .. وفيه منهم دايمات ولله الحمد والمنة ​

    يعني انتي شفتي هالشي من نظرة ضيقة يحدها هالمنتدى بس .. وحكمتي ​

    عموما حبيبتي .. واسمحي لي في اللي بقوله ..​

    هذي شروطي .. ومااعتقد راح اغيرها .. فاللي تشوف انها قابلة وموافقة حياها الله .. واللي ماتبي محد بيضربها على يدها .. والمجال واسع قدامها ..​

    تروح تاخذ المنتج من غيري ​

    وانا ماحطيت الشروط باول الموضوع الا علشان من البداية نتفق ..​

    وافقت الزبونة خير وبركة ونتوكل على الله ونتفق على كل شي .. ​

    ماعجبها ...​

    ممكن تسكر صفحة الموضوع وتروح تدور المنتج عند تاجرة ثانية ​

    سهلة جدا So Simple​





    مسموحة حبيبتي .. وهذا رايج مااقدر احجبه او امنعج منه .. وهذي حرية ​

    مثل ماشروطي انا حرة فيها .. وتناسب ظروفي .. ومحد يقدر يقوللي غيريها علشان تناسب غيري ​


    وشرفتيني ياقلبي​

  2. للصبر حدود

    للصبر حدود سيدة جديدة

    ربي يوفقج لا عدمناكي يارب صراحه رووووووووووووووووعه المنتجات
  3. &الجنيه&

    &الجنيه& سيدة جديدة

    موفقه حبيبتي و امشي مع الصفوف كلن معروف
  4. Dame

    Dame سيدة جديدة

    موووووووووووافقه
  5. أم بــــدر

    أم بــــدر سيدة جديدة


    تسلمين حبيبتي .. الروعة مرورج
  6. أم بــــدر

    أم بــــدر سيدة جديدة


    تسلمين ياقلبي
  7. أم بــــدر

    أم بــــدر سيدة جديدة

    ويوفقج حبيبتي
  8. امـ عبدالله22

    امـ عبدالله22 سيدة جديدة

    يعطيج العافية ممكن الرقم
  9. أم بــــدر

    أم بــــدر سيدة جديدة


    شنو طلبج حبيبتي
  10. أم بــــدر

    أم بــــدر سيدة جديدة

    الحمدلله ذو الفضل والمنة
  11. أم بــــدر

    أم بــــدر سيدة جديدة

    خواتي ,,

    ترى ماعندي وقت للتسلية ..

    الجادة فقط تراسلني .. انتو جذي تعطلوني عن غيركم من الجادات .. وانا ماعندي وقت اضيعه

    عندي أمور أهم .. مثل التواصل مع الزبونات الجادات ومثل أمور الشحن وروحتي وجيتي على الجمارك والصحة

    وزوجي وعيالي وبيتي

    فاللي تشوف نفسها مو متأكدة من طلبها .. لاتطلب

    واللي تشوف نفسها مو مستعدة للدفع .. لاتطلب

    واللي تشوف عندها سعة من الوقت .. فغيرها مزحوم قد شعر راسه

    وملحوظة هامة : ذكرتها من قبل وبرجع اذكرها

    اللي تجي تطلب منتج وتقوللي اصبري علي للايام الجاية وبحول .. مو مشكلة بصبر .. ولكن الايام الجاية يعني الأيام الجاية ..

    وأي وحدة غيرها تجي وتكون جادة وتحول .. راح اشحن لها نفس الطلب بدون تردد

    ومو ملزومة انتظر الأولى أكثر .. لأنها ماالتزمت بكلمتها

    وياريت يابنات .. يكون الاستفسار عن المنتج عالعام .. علشان الكل يستفيد ..

    يعني الخاص للأمور الخاصة واللي ماتقدرين تذكرينها عالعام .. مو لكل شي حتى ولو كان عادي!!

    لأنج بجذي تملين علي الصندوق الخاص بلا معنى .. وتزحميني وتزحمين غيرج من اللي فعلا عندها شي خاص وتبي تذكره في الرسايل الخاصة .. وماتقدر ترسل والسبة انج ترسلين عالخاص عمال على بطال ..

    وأتم انا بس امسح بهالرسايل ..


    فارجو التعاون

  12. أم بــــدر

    أم بــــدر سيدة جديدة

    تم الشحن بالأمس , الحمدلله لــ


    روح الخليج

    http://www.kuwaiteya.com/vb/members/51991.html


    - يــُعرض للمصداقية -

  13. أم بــــدر

    أم بــــدر سيدة جديدة

    ( تحديث الآراء والتجارب )

    ----------


    بعض تجارب البنات .. في المنتجات وفي التعامل معي
    ومستوى الخدمة من عدة منتديات


    الأخت بنت الجنوب - عمان

    تعرفت عليها في منتدى آخر .. واطلبت مني شيسيدو ..

    وأهلا وسهلا بها .. وبصراحة أحيي فيها أخلاقها الكريمة ,, واسلوبها الجميل في الكلام .. الله يحفظها







    ------------------------------ ​


    الاخت عنود الصيد - السعودية



    واشكر لها حسن تعاملها ,, واخلاقها العالية ماشاء الله ربي يحفظها









    وهنا ايضا لــ عنود الصيد








    وهنا..







    --------------------- ​

  14. أم بــــدر

    أم بــــدر سيدة جديدة

    الأخت الحبيبة بلاشر - السعودية


    حبيبة قلبي هذي .. انسانة طيوبة وصبورة .. الله يعطيها على قد نيتها ويصلح لها كل امورها ويعطيها كل اللي تتمناه













    وهنا أيضاً










    وهنا





  15. أم بــــدر

    أم بــــدر سيدة جديدة

    الأخت الحبيبة !!شموخ!!- قطر
    أم روح حلوة ودم عسل .. الله يسعدها ويعطيها ماتتمنى






    وهنا






    وهنا أيضا












    -------


  16. أم بــــدر

    أم بــــدر سيدة جديدة

    الأخت الكريمة صدى الأم - الإمارات
    الله يفرج همها .. ويجيرها في مصيبتها ويخلف لها خيراً منها



    وهنا ..




    ----------------------

    والأخت الغالية عندي أمل - السعودية
    الله يسعدها هي وبنتها ويبارك لها في زواجها ويتمم بخير




    وهنا أيضاً



    ------

    الغالية ضي القلوب - السعودية
    الله يوفقها ويؤنس وحشتها ... وييسر لها كل معسر



    ---------------------------

  17. أم بــــدر

    أم بــــدر سيدة جديدة

    الحبيبة هواجس قطر
    الله يوفقها ويتمم عليها الزواج بخير ويعطيها على قد نيتها الطيبة







    ------------


    الأخت العزيزة أنثى تحت المطر
    إنسانة حبيبة وشخصية هادئة ندية كالنسمة
    الله يحفظها يارب







    --------


    الأخت العراقية الاصيلة , حسنة الخلق
    نسمة محمد






    وهنا










    ------



  18. أم بــــدر

    أم بــــدر سيدة جديدة

    اختي الحبيبة نمشة
    أتمنى من كل قلبي لها التوفيق .. وان يحقق الله لها كل أمانيها

    فهي ذات قلب طيب ونية أطيب





    وهنا






    -------




    حبيبتي توفــــاا



    الذوق والإتيكيت كله .. وذات صدر رحب جداً
    ربي يحفظها لشبابها ويرزقها كل اللي تتمناه في الدنيا والآخرة






    وهنا ..





  19. أم بــــدر

    أم بــــدر سيدة جديدة

    والأخت فراشة تمشي - السعودية

    حبوبة ولسانها عسل وتدخل القلب بسرعة ,, الله يوفقها ويجعل ايامها المقبلة كلها سعادة وراحة بال

    -----------------------------




    الأخت سراب الليل - الكويت
    تسلم لي روحها العذبة الخفيفة ,, من كلماتها عبر المسجات ,, تنعرف شخصيتها الحبوبة



    وهنا ..



    -----------


    الدلع كله

    أنسانة ملتزمة بكلمتها ,, حتى يوم غابت لظروف
    ماهان عليها تتركني بلاجواب .. وتواصلت معي لتعتذر
    اشكر لها ذوقها العالي في هالنقطة بالذات

    ------------


    الأميرة العربية
    إنسانة مهذبة جداً .. وطيبة .. وصبورة
    الله يحفظها



    وهنا ..




    ---------

  20. أم بــــدر

    أم بــــدر سيدة جديدة

    الأخت سلسي

    وأتمنى التعامل معها قريباً




    ---------------

    عربجية بس ناعمه

    -------




    الأخت اللؤلؤ



    وهنا ..




    -------

    الأخت كروز .. الله يحفظها



    --------------------




    الأخت الطيبة خخاليب






    ------------------

مشاركة هذه الصفحة