(( تكميم المعدة )) احدث عملية سمنة واكثرها امان !!!!

تخيلوا رحت من الساعه 7 الصبح وابى اسال الكاتبه والى يعافيك انا عندى موعد عند الدكتور ابراهيم
وعطتني رقم انه رقمى 9 واختى رقم 10 تخيلوا الناس اشلون عليه والصراحه ضيعت مكان العياده هههههه
مع انى جهراويه من قلب تدل كل درب

واخيرا لقيت العياده قعدت وحدى مخترعه ماصدق لقيته المهم
واشوف الرقم يمشى يعنى واصل الراجع 2 قلت الحمدلله
وجلست عند وحده مسويه العمليه مشاالله روحها المعنويه حيل مرتفعه
وكلمتها وقالت الفضل الاول لله وحده سبحانه والثانى لدكتورى ابراهيم
اهتمامه بالمريض كانه واحد من اولاده ويخاف عليهم اكثر من نفسه

وصل دورها وتخليوا طول ماانا قاعده اشوف ناس من اشكال والوان يعنى بالعربي وخاصه بالجهرا قليل مانشوف
الحريم لابسين بدل وبناطيل ...متعودين اسود بأسود وصراحه فضولى ذبحنى وسالت تخيلو جايين من مناطق داخل الكويت للدكتور ابراهيم وعقب ماعرفت انه مجموعه كبيره حيل من نساء المناطق الاخرى وفيهم من كبار الشخصيات
ماخذين ارقام وينطرون الدكتور

ماشاالله تبارك الرحمن السمعه ذهب الاخلاق ذهب والتعامل مع الكل الماس
والله لايربطنى بالدكتور الا انى راجعت عنده وشفت كل شي بعينى

عاد بكمل جت وحده متينه ومليانه سلمت وقعدت وقلت شنو بسوين عمليه عند
دكتور ابراهيم قالت سوالي الدكتور ابراهيم العمليه تقريبا صارلي سبع اسابيع
قلت مشاالله الله يهنيك واشلون وضعك ردت الحمدلله الفضل للدكتور من قبل العمليه
يشرح ويشجعنى ورافع معنوياتى ومن بعد العمليه وانا بالمستشفى ماخلانى على يسال عنى
وعطانى رقمه النقال اي يصير فيك اتصلي باى وقت وفي ايى ساعه انا استغربت اشلون
قالت هذا هوقال

قلت انا الي اعرفه اي دكتور تطمن على حالت مريضه خلاص راح وماله شغل
ردت على الا الدكتور ابراهيم مايهمه بس سلامة المريض بعد العمليه لالالا
يتابعهم باستمرار ويرد عليهم بكل وقت وفوق المراجعين تعالوا متى ماحسيتوا بتعب
بدون موعد منو دكتور يسوى جذى

واااااااااااااااااااااااااااااااااخيرا وصل دوري
دخلت عليه سالته دكتور عرفتى انا حور ماجد هلا والله اشلونك بخير الله يسلمك
والممرضه نادتنى بتشوف الطول والوزن والله حتى الممرضه خوش وحده ونفسها حلوه
مع المريض والناس اللى داخله وطالعه مابقى الا والباب ينكسر من كثر الطق
وقالى مشاالله طولج يضحك هههههههههههههههههه
انا سكت من الفشله لانه طولي تحت 150 بس ماراح اقول المهم سالنى اساله كثيره
واهم شي انه السمنه هى الى ماخره الحمل عندي يعنى السمنه تأثر تاثير كبير عالحمل
واذا ضعفت 80% حمال طبيعي ونفس الكلام لأختى والله ماقصر كتب جميع التحاليل
وقال ماراح اقصر وياكم طلت منه نسيت انى بطه وارتحت له حيل وكلامه الي يحسس انه فعلا الدنيا بخير
وفي انسان ودكتور صادق مع الناس ونفسه اولا جذى
مااقول الا الله يجعله في ميزان حسناته ويقويه ويثبته بطاعته وايمانه
ويالله من وحده مايعرفنى ويتمه مالى الا الله انك تسلمه وتصلح اعياله وترزقه دنيا واخره

فعلا الدكتور ابراهيم غني عن التعريف ومهما أقول قليل بحقه لان تجربتي أثناء عمليتي معاه ماراح أنساها طول عمري
وربي يوفقه ان شاءلله ​

هلا والله بكويتيه 24
بغيت اسالج شنو نوع العلميه الي مسويتها وحمدلله عالسلامه
وبشري ابي نتايج العمليه
والحين كم لج وانتى مسويتها
واحساسج الحين بعد العمليه

صارلي تقربا 7 شهووووووووووووووووووووور الحمدلله
وايد أفضل من قبل مشاءلله
نوع العمليه تكميم

السلام عليكم دكتوري الكريم

عندي استفسار

وحابة التوضيح

وهو أن عمري 25 وزني 97حاليا وطولي 166

وقبل شهرين كان 103.7

ووصلت لهذا الوزن ووقف مو راضي ينزل يزيد كيلو وينزل كيلو للعلم أني استخدمت حبوب السيبوترم للتخسيس

أنا بديت اتعب نفسيا لأنه وقف لحد معين

ولا في تطور

وخايفة يوقف وزني لهذا الحد

بشنو تنصحني؟

وشكرا

يابنات ساعدونى ابى اسوى عملية تكميم وابى دكتور زين سعره اوكى وابى طريقة لاقناع زوجى بالعملية لان وااااااااااايد يخاف من المضعفات بعد العملية

السلام عليكم دكتور حابه اعرف عن سعر العملية وتقدر تسويها بالاميرى لان الجهرابعيدة على وماعندك عيادة خاصة ارجو الرد وهذا اميلىkhoo5aa2006@hotmail.com وجزاك اللة خير

من الناحية الجراحية كتلة جسمك 35 يعني ما تصلح لك عمليات السمنة علي وزنك الحالي
كملي علي الحلول الغير جراحية ( ريجيمات ادوية رياضة ) وانشالله ما تحتاجين عملية

تم الرد عالايميل
سلامات

تم الرد عالايميل
سلامات

السلام عليكم اولا يعطيك العافيه انا عندي كذا استفسار انا وزني 125 وودي اسوي عمليه تكميم المعده بس متخوفه حيل وفي ناس امدحوك لي وقال ان في دكتور شاطر يسويها وبغيت اسال شنو اضرارها ووزني ينزل بسرعه بعدها ولا ياخذ وقت وبجم تسويها واي مستشفي لاني سمعت انك تبي تروح لمستشفي العرف اتمني انك ترد علي باسرع وقت وتوضح لي شنو خطورتها علي

السلام عليكم يعطيك العافيه دكتو ر انا وزني 125 وطولي 162وحابه استفسر منك عن عمليه تكميم المعده شنو اضرارها ووزني ينزل بسرعه وراها وفيه مضرره علي لان بصراحه انا حابه اسوي عمليه تكميم المعده بس متخوفه حيل وانا بصراحه للامانه مدحوك حيل لي وبغيت اعرف انت وين تسويها وصج انت راح تروح لمستشفي للعرف وكم سعر العمليه وسويتها لناس واجد اتمني انك ترد علي باسرع وقت وشكرا

سمنه الوالده

السلام عليكم
والدتي وزنها 98 وطولها 157 وعمرها 66 وتعانى من مرض السكر والضغط وبطنها كبير ويضايقها
وهى حابه تضعف وحايفه من المضاعفات
اود الاستفسار اذا فى امكانيه اجراء العمليه

:shades_smile:​

مع جزيل الشكر والامتنان

السلام عليكم دكتوري الكريم

عندي استفسار

واجو التوضيح دكتور عمليه تكميم المعده او التدبيس الطولى جم يوم اقعد بالمستشفى قبل وبعد العمليه؟

وهل المناعه تضعف بعد العمليه؟(انا متخوفه جدااا من هذه النقطه)...


واذا تقدر تسويها انت لى يادكتور بمستشفى خاص تقدر تسويها عادى ؟

ارجو الرد باسرع وقت