السلام عليكم انا حابه اخذ رايكم بمشكلتي ووطاالبتكم ابي لها حل لاني جد جد جد تعببببببت و لاااعت جبدي .. سالفتي مع خالتي ام ريلي مااااتنتهي :frown: انا البيئة اللي عايشه فيها عند اهلي غير عن بيئتها .. انا واايد طيبة و احب اضحك و اسووولف و اخذ و اعطي واتعررف عالناااس واجتماااعيه و لي احتراامي عند الكل الحمدلله مع اني صغيره لكن الكل يحترمني و يقدرني .. المهم انا واايد حليوه مع حمولتي اضحك و اسوولف و اخذ و اعطي مع حمواتي روحات طلعات و يايات واهم الحمدلله يحبوني و يحترمووني .. البلا بخااالتي .. طبعا اهي متعوده انها تنادي ريلي مو باسمه عدل .. يعني فلنفرض ريلي اسمه : خالد تناديه : خلود واكثر من مره اقولها لا تقولين خلود جدامي موحلوه .. تعاااند .. و اكثرر من مره اتضااايق من هالكلمه و ماااكو فااايده على كثر ما اتكلم .. المهم .. الله رزقنا انا وريلي ببنووته .. لاتشوفون باستقبالي جدام الناس شسوووت فشششلتني تمشي و تقول خلوود و خلووود تخيلوا جدام اهلي و عماتي و خالاتي و معارررفنا !! انا ويهي صاار هالكبره !! الحين الريال صار ابوو عيب جداام الناس !! حتى امي و يدتي كلموها هم مااااكو فاايده تقولهم ولدي ولدي تعوودت مااعرف !! المهم الحين هم بنتي نفس الشي فلنفرض سميتها فاطمه .. تناديها : فطووم ... وانا بالنفااس .. تخيلوا تدش بيتنا بدون ماتدق ولا تعطينا خبر انها بتيي .. تدررعم عالبيت و تدش !! حتى مره دشت علينا و امي قاعده بقميصها و ابوووي ببجامته !! وتناشبني عالياهل الا سمره الا ضعيفه الا البمبرز موزين .. نــــعـــم !! المهم الناس لي طلعت من الاربعين حمولتها يسوون لها عشى يمعه هدية حق المولود تخيلوا اهيا ما سووت ولااا شي !! ولما طلعت من الاربعين ريلي دق عليها من جم يوم قايلها بعد جم يوم مرتي بتطلع من الاربعين .. و لما طلعت دق عليها الصبح قالها اليوم مرتي تطلع من الاربعين و بنمرج و رحتلها بيتها .. وانا كاااااااااااشخه عبااالي بيستقبلوني حالي حال اي وحده تطلع من الاربعين .. . تخيلوا .. لما دشيت .. ولا يايبه هندي يصلح لها البيت يركبلها لوحات !!!!!!!!!!!!! واهيا قاعده بعبايتها .. لما فصختها ولا لابسه بجااامه @@ يت الخدامه قالت اسوي جااي .. جان خالتي تقولها لا لا لا مااايشربووون !!!!!! تخيلوا ياا بناااات !! تدروون شصاار فيني !! تمنيت الارض تنشق و تبلعني .. ويات حماتي العوده مسكينه كااشخه و يايبتلي هديه حق المولود .. والطاااامه الكبرى .. قالت : خلود .. جان ريلي يقولها يما خلاص شنو خلود عندي ياهل الحين انا جان تقوله ولدي وكيفي ! قومي و نادي الخدامه جدامي .. جان تقول حق خدامتها هذا ولدي خلود و هذي زوجته وولده !!!!!! تعااااااند جداام الخدااامه !!! هذا يزااي الحين انا ابي الزين و السنع حق وولدج !! قام ريلي و دق عليها عقب قالها فشلتوني جدام مرتي قاعدين لها جذي حتى هديه مايبتو ولا سويتولها يمعه عالاقل حتى كيك ولا معجناات ماحطيتو شدعوه !! تخيلو : تقوله ماعندي فلوس اييب هديه وانت عطني فلووس اسوي عشى حق مرتك .. ومن جم يوووم .. امي و ابوي شايفينها يايه مااره عند بيت اهلي تدور سيارتي يمكن مااادري شتدوورة لما شافت امي و ابووي صدت !!!!! والله حدددي خااايفه منها هالخاااله تخررررع موووهينه !! جدام عيالها تسوي روحها مسكينه ومن ورااهم تمشي و اتحجى فيهم جدام الناس .. و تحشششششش بريلي عند الناااس جداااامي !!!!!! وانا مااا ارضى عليييه يا بناااات .. يعني المره كلللش مووو عاملتلي حساااب و لا محتررمه وجوودي ولا محترمه رغبتي !! تكفوووون قولولي شسوووي معاها !! انا رففعت نفسي عنهم و مااقمت اروووح ولا اقررب صوبهم .. بس اللهم بالشهر اروح مره او مرتين بس وانا ادرري الحين قاعده تنهش فيني و تحش فيني عند الناااس ادررري فيها .. يعني نفس اللي تبي تكسر شووكتي تبي تدقرني عرفتوا .. !! وانا كللللللش مااااتدوور عندي هالسوالف ولا اعرف ناااس جذي تكفوووون قولولي شسوووي معاها !!
هلا حبيبتي . مااظن فيها شي ان الام تدلع ولدهاا انا امي اخوي الكبير بيزوج بنته بعد جم شهر ولي الحين مرات تدلعه ترى الام تشووف عيالها دااايم صغااار وعذراا انتي مالج شغل بعلااقه الولد بأمه تدلع تزفه تحرقه وتطقه هذا شي بينه وبين امه محد له دخل وله اجر على طاعتهااا وعن العشا والاستقباال صح معااج حق وماالومج تنقهرين بس هم بكيفهااا انتي طلعتي الطيبه وجيتي سلمتي عليهاا وهذا شي ينحسب لج .. نصيحتي لج خالتج احترميهاا وقدريهاا ولاتشيشين ولدهاا عليهااا وكل هذا مردود لج تشوفينه بااجر بعيااالج .. ترى السالفه اي مشكله اذا كبرتيهاا وحطيتيهاا في بالج تصير سالفه كبيره ومعقده .. بس اذا هونتيهاا تهوووووون وحطي في باااالج شي مهم .. رضاا ربج وثاني شي رضاا زوجج ومن اجل عين تكرم مدينه .. اتمنى اني فدتج وان شاء الله البنات يفيدوونج ..
حبوبه مافيها شي اذا قالت خلود ودلعت ولدها وانتي ليش معوره قلبج على انها ما استقبلتج عدل كيفها انتي استانسي مع ريلج وبنتج وخليها لا تدققين على هل السوالف وادري الله يلوم اللي يلومج مو حلوه بس انتي مو ناطره هديتها ولا استقبالها كان سويتي احسن استقبال وبس خليها على راحتها وقولي الحمد الله انه عندج حموات زينين والله في يكونون الخاله والحموات ما ينبلعون
حبيبتي والله مشكووره وااايد وااايد عالرد .. خل اووضحلج اكثر ليش مضايقتني سالفة خلوود .. يعني اذا تبي تقوله اوكي بينها و بينه كيفهم .. بس انا ما ارضى .. يعني باجر لي صار عمره 50-60 بياخذ ولده معاه جدام ولده بيقولون خلود هم مووحلووه .. وانا سكت عنها و احترمتها و قدرتها بس للاسف اهي عبالها ان سكوتي ضعف فقامت تتمادى علي بشكل وقح والله انا ليلحين ساكته عنها .. الله يكفيني شررها بــس
ألحمدلله على سلامتج ويتربى بعزج ثانيا الحمدلله حتى زوجج ملاحظ هالشي شكلها امه تغار منج بس ليش يعني ؟ الله يهديها يارب مو مشكله مها سوت ومهما قالت خليج انت الاحسن وحاولي تكسبيها لانج اذا كرهتيها راح تكون حياتج صعبه فخذي الشي عاااااااااااااااااااااااااااااااااااااااااادي وخلج جدا طبيعيه واذا قالت اي شي ضحكي وعلى سالفت الخدامه قالت لها لا تيبين جاي قوليلها تونا شاربين وضحكي وعلى سالفة خلوووود دايما جدامه قوليله يا أبـو فلان كل شوي قوليله ابو فلان بظاهر مو مستوعبه ان ولدها عيل هههههههههههههههههههههه واقولج قد ما تقدرين خليج زينه وضحكي بويها وبين فتره وثانيه بدون مناسبه انت قطي عليها هديه لما يكون الكل موجود يبيلها شي وكسري عينها على شان تعرف الاصول وتحس واهم شي لاتحسسين ريلج بأي شي خلج طبيعيه حيل حيل حيل والله يوفقج يااااااااااااااااااااااااااااااااااااااااارب وطنش تعش
و الله انا حاسه فيج و اااايد الله يعين انا نفس حااالتج توني طالعه من الاربعين ما سوت لي و اهي مسويا حق كل حريم حمواني معا انا انا اللي ينادونها ادا يبون شي و هديلاك حتى الاكل تدزا لهم البيت بس الوحد شيقول الله يهديهم
انا ابي اشوركم يا بنات انا لليلحين ما زرت الحموله لانا ما عبروني بشي الله يهديهم ماااادري متى ارووح لهم و شلون اتصرف لانا بصراحه قلبى مجروح منهم
شوفي حبيبتي نصيحه كل ما خالتج سوتلج شي يغثج لا تكلمين ولا تردين نصيحه وضحكي بويها وتقبلي منها كل شي بصدر رحب وخليج ريلاكس وصيري أحسن منها وعامليها أحسن من معاملتها حقج صدقيني باجر بتعرف إن إنتي خوش بنت وراح تعرف قدرج مع الأيام وراح تعزج حتى أكثر من بناتها بس عليج بالصبر الصبر والله كل الخالات بالبدايه جذيه وباجر لا عرفتج عدل صدقيني راح تحبج بس إنتي هله هله بالمعامله الزينه ونصيحه حبيبتي لا تاخذين كلام أي وحده تشيشج أو تحرشج على خالتج لأن الدنيا دواره وكما تدين تدان وباجر راح تشوفين خالتج إشلون تغير معاملتها لج وعسى الله يوفقج بحياتج وطمنينا عليج
عادي يا قلبي روحي زوريهم ولا كأن صاير شي وسوي الواجب ولا تطرين أي شي جدامهم وسولفي وضحكي عادي وصدقيني مع الأيام راح يعرفون قدرج عدل وراح يعرفون إن إنتي خوش بنت بس صدقيني عليج بالمعامله الطيبه وعامليهم بالإحسان وباجر راح تشوفين حتى لو ما تزورينهم أهم راح يدقون ويسألون ويقولولج يا فلانه ليش ماتمرين وموفقه إن شاء الله
حياتي ام الحلوات ما قصرتي ردج ريحني وايد و انشالله الله يحلي لج الحلوات و يجزاج عنا الف خير انشالله بعمل بصيحتج و اوكل امري الى الله سبحانه
هلا اختي . . . وحمدلله ع السلامة ويتربى بعزكم المولود اختي انتي كبرتي الموضوع وخليتي شي بسيط وتافهة يكبر ويترتب عليه امور كبيرة . . . ترى مافيها شي لما تقول لولدها خلود ولدها واهي بكيفها وحرة تناديه باي اسم دلع دام ما يجرحه ولا يقلل من شانه وهذي امه لها حق فيه اكثر منج . . . اختي تعوذي من ابليس وخلي الامور بسيطة وتمشي بمنتهى البساطة يعني خالتي لما تدلع ولدها ما زعلت ولما تزفه احيانا وتعصب هم ما زعلت منها لانها امه وبكيفها ويا ولدها انتي كبرتي سالفة اسم الدلع ودخلتي امج واهلج ليش ؟!! مو من حقج هالشي يا اختي ولا من حق امج تتدخل من جذي اهي شالت بقلبها وقعدت لج قعدة وانا ما الومها بصراحة لانج احرجتيها عند اهلج . . . تقربي منها مرة ومرتين والطيب بثمر شي طيب وطنشي في امور ولا تستحق ان الواحد يناقشها واصلي ام زوجج الزوج اللي مافيه خير لامه مافيه خير لمرته . . . لاتنسين هالجملة ابداااااا وحياج الله في المنتدى
حبيبتي الف مبروك المولوده انشالله ,,, وانا نفس كلام البنات ومعاهم بكل الي قالو بس سمعي واخذيها قاعده هالشغله..... الام مع ولدها علاقتهم من قبلج قويه وهذا شي طبيعي ومهما صار ماراح تحبج كثر ولدها او عيالها حتى لو تطفرج عـــــااااااااااااادي تحملي ومهما كان زوجج زين حقج صدقيني مايقدر يوقف بويه امــه حتى لو يدري انها غلط ما يقولج .... ف انتي حبيبتي عشان ترتاحين وتريحين زوجج شيليها من راسج نهــااااااائيا ولا تييبين سيرتها بشينه جدامج مهما سوت وقالت ... والله يهنيكم مع بعض انشالله
السلام هذي اول مشاركة لي بالمنتدي ولفت نظري موضوعج بس بقول راي واتمني وماتزعلين اول شي تري مافي شي اذا خالتج دلعت ولدها اهوقبل مايكون زوجج اهو ولدها وحتي لوتزوج اهي حرة اتنادية بالي تبي وانت غلطت لما ق اعترضتي لان اهي شايفة ان اهي حرة مع ولدها ودام فيها شر فااكيد بتعاندج اكثر اما بالنسبة لهدية الانفاس ف معاج حق بس شتسوين اذا ناس ماتستحي وماعندها ذوق فاحسن حل الطننننننننننناش واهم شي اذا انت وزوجج متفهمين
