السلام عليكم انا حبيت اكتب مشكلتي واشارك همي احد لاني محتاجة افضفض من الكويت صارلي متزوجه سنة وشوي وماالله كتب احمل رحت لدكاتره كثير بس اللحين عند دكتور واحد قال عندي تكييس وهرمون الحليب مرتفع شوي طمنوني الله يرزق كل محرومه
السلام للجميع ويارب ترزق كل البنات الي يبون الضنى يااااااارب العالمين انا مشواري كبير كان في العلاج عمره تقريبا 12 سنه زواج وبعدها رزقت باحلي دانه بالدنيا وبعد 3 سنوات بدات العلاج مره اخرى عند الدكتوره ماجده اليتامى ربي يوفقها ورزقني الله باحلى توام وانصحكم بمراجعة الدكتوره ماجده لانها شاطره جدا جدا باطفال الانابيب ونسبة عملياتها ناجحه جدا وربي يوفق الجميع واذا حابين اي استفسار انا حاضره بكل رحابت صدر للرد
مرحباا بنات أنا يسعدني ويشرفني أنضم لكم أنا لي 5 سنوات متزوجه حملت مرتين بس الله ماكتب يتم الحمل لعدم وجود نبض والحمدلله على كل حال وأنا وزوجي سليمين والحمدلله يارب ياحي ياقيوم ترزق خواتي بالمنتدى بالذريه الصالحه وتقر عيونهم بشوفت ضناهم ياااااااااااارب رب لاتذرنااا فردا وأنت خير الوارثين رب هب لنا من لدنك ذرية طيبه إنك سميع الدعااااااااااء
أنا جربت العلاجات وبعد ست سنوات الحمدلله حملت بعد ماتركت العلاج والتزمت الاستغفار فعليكم بالاستغفار ليلا ونهارا والله يرزق كل وحدة تعالج تبي الذرية والله اني ادعي لكم من كل قلبي الله يرزقكم أجمعين مع تحييييييييييييييييياتي
يعطيكم العافية حبايب قلبي الله يرزقكم من حيث لاتحتسبون والاخت الموعد الضايع ارتفاع بهرمون الحليب اتوقع بشوية حبوب وتحاليل بتكونين سليمة بإذن الله وعسى ربي يرزقج توأم قلبي مششششششششششكوووووووووورة حبوبة ان شاء الله الكل يستفيد من تجربتج
متزوجة من ثلاث سنين وليس لدي اطفال بسبب مرض بطانة الرحم المهاجرة يعني كيس دم على المبيضين وسويت عمليتين بس يرجع خلال شهر واحد ارجوا اي وحده تعرف عن هالمرض وتعالجت وحملت تساعدني والله يوفق الجميع ويرزق كل محرومه
انا متزوجه من سبع سنوات واعاني من التكيس وماخر حملي وطبعا الدورة ما منتظمه ابد يعني ماتنزل الا بحبوب وبعد اربع سنوات زواجي ربي رزقني بطفله ربي يحفظها وللحين ما يبت حقها اخ او اخت تلعب عنده لانها وااااايد تحب اليهال فديتها وماخليت مكان فالامارات عندنا مافاد ومرة سويت تلقيح فشل والحمد لله على كل حال وسافرت تايلند بس علاجهم مافاد الله كريم والحمد لله على كل حال
ياهلا باهلنا وحياج الله اخت عزيزة وغالية معانا بالمنتدى والله يرزقج الولد الصالح يااااااارب:teeth_smile:
استغفر الله واتوب اليه الحمدلله .... على كل شيء ..... وعسى ان تكرهوا شيء وهو خيرا لك & ان الله مع الصابري & بقولكم قطتي من اولها لي الحين.... متزوجه من 10 سنوات يعني من سنة 2000 وتاخرت سنه وعشر شهور لان عندي ضعف بالبويضات وبعدها حملت بالكلوميد وجبت بنوتي الحلوة ((عسى ربي يهديها ويخليها ويحميها من كل شر يارب )) بس تعبت بالحمال و بولادتها حيل ولدتها بقيصرية وبعدها بشهرين سويت عملية المرارة وشلتها>>>>وانا طول فترة الحمال اتعذب منها وعلى بالي وحاااام وهم تاخرت سنه ونص يعني كان عمر بنتي سنه ونص بدون ما اخذ مانع حمل وسبحان الله >>>حملت وانا مادري لان اساسا الدورة متلخبطة واكثر المرااات ماتنزل الا بحبوب يعني ماتجيني سنه الا لما اخذ الحبوب وانزلها>>> وهذا من يوم كنت بنت ومادريت فجاة جاني نزيف وعلى بالي الدورة لاني ماعرف النزيف بعد وقعدت 15 يوم انزف وكل يوم اقول باجر توقف وماوقفت ورحت للمستشفى الحكومه وسوالي تحليل مابين شي قال مافيه حمل وحاول يوقف النزيف بس ماوقف قال غريبه راح وسوالي تحالين هرمون 3 ايام ورا بعض قال بيشوف نسبه هرمون اذا تغير ونزل يعني كنتي حامل وطلعت التحاليل وتبين اني كنت حامل واجهضت وسويت تنظيفات وماوقف الدم الا عقب علاجات توقفه ... قلت الحمدلله على كل شيء ..... وسبحان الله بعدها بشهر راجعت دكتوووورة الله يستر عليها وقالت انها بتعطيني علاج لتقوية البويضات وابر تفجير من هالسوالف وقالت لي تعالي 8 ريوم للدورة اسو لج سونار وسوتلي قالت تالي 12 يوم للدورة وسوتلي قالت للحين مو باينات عني البويضات وقالت اجيها 14 يوم الدورة وجيتها وقالتلي شوفي حيل صغاااار بويضاتج وماينفع اعطيج مقوي لان مافيه فااااايدة وقالت تعالي الشهر الجاي ..... ورحت وماجتني الدورة بعد شهر وزوجي يقوللي خل نحللج قلت عاااادي موحاااامل الدكتورة اكدت لي طبعاااا انا ماداني التحااااليل >>>>>تعقدت منهم وفيوم راح زوجي وتركني بالشقه وكنت اشتغل بالشقه وشفت الساعه كانت 5 المغرب ومادري شلون بنص الشغل كنت بغرفتي ماحسيت الا اني اقعد من النوم ولما شفت الساعه كانت 8 بالليل يعني مرت علي 3 ساعات وانا مادري عن نفسي كنت منغشية وسيدا دقيت على زوجي وكانت ايديني ترجف قلتله الحين تعال بروح احلل وحللت وسبحان الله طلعت حاااامل استانست بس الله ماكتب بعدها بخمس اياااام وانا بنص فرحتي نزل علي دم خفيف ورحت للدكتورة قلتلها سالفتي وعطتني حبوب تثبيت بس ماوقف الدم لحد ما اجهضت ونزل الجنين جدامي آخ خ خ خ .... وقعدت ابجيييي الحمدلله على كل حااااال وسويت تنظيفات .... والمصيبه الكبرى انه بعد شهر بالضبط نزلت علي الدورة بس ماوقفت على طول رحت للمستشفى وعلى طول دخلوني لان فحصتني وقالت احتماااال اجهاااض وهنييييه انجنيت وقلت ان شاءالله دورة وبعد التحاليل وبعد ماكشفو على كذا دكتور قالولي هذا بقايا جنيييييييييييييييين قعدت ابجي واحتريت وتعقدت قلت لأ لا تقول اجهاض وسويت تنظيفات ماوقف الدم لدرجة عقبها باسبوع سوولي تنظيفات مرة ثانيه .... وماوقف الا بعد علاج وحبوب والحمدلله على كل حال 3 اجهضتهم ورا بعض كل واحد بينهم شهرين من ذاك الوقت الحين عمر بنتي 8 سنوات وللحين ناطره فرج ربي وانشاء الله بسوي تلقيح مجهري عندي منصور العرف ماخذة موعد شهر 9 وعسى يكتب اللي فيه الخير ويفرح قلبي يااارب ويفرح بنتي <<< تموت بالجهال .... تكفووووووون ادعووووولي محتاااااجة دعوتكم .... وعسى ربي يرزقني باخوان وخوات لبنتي ويفرح كل محروووومه يااااارب تحياتي
الله يرزقك الجميع بالذرية الصالحة يارب الحمد لله على كل حال ... حبيتي تجربتي مع العلاج طويلة 8 سنوات راجعت عند اكثر من عيادة بس مصار نصيب الحمد لله على كل حال ... عندي نيه لمراجعة عيدة فوزية القطان وماجدة وياليت الاخوات يفيدوني باحسن عيادة في الاردن
مرحبــآ خواتي ,,, انا كان فيني ضعف وعالجته وطبعن هرمون حليب زايد عندي رحت لمستشفى خاص بالمنقف اسمه صباح الأهلي عند دكتوره سلوى شغلها حلو ... بس المشكله هم عند رجالي فيه ضعف وياليت اي وحده رجالها فيه ضعف وتعالج تعطيني معلومه لان حيواناته المنويه ضعيفه ويعطيكم العافيه ...ربي يرزقنا ويرزقكم...
السلام عليكم انا وحده صارلي سنه متزوجه وماحملت ورحت حق الدكتوره معصومه مخصيد وطلع مافيني شي وكل شي سليم الحمدالله ومبايضي نشيطه بس عطتني حبوب ومتنت وايد عليهم10 كيلوات بس طلع من زوجي في غده نخاميه والحين مبلشين بالتحاليل وايد طمني الدكتور وليد الضاحي وقالي بس ابر وحبوب وانشالله تحملين بس ماندري شكثر يطول الحمل يمكن من اول شهر ويمكن اكثر والحمدالله على كل حال والي الله كاتبه لنا بناخذه انشالله
حبيباتي عليكم بشرب البردقوش وفي السعوديه اسمه دوش 3 اكواب في اليوم ينظم الهرومانات ويخفي الاكياس والتكيسات بنت خالي كان عندها هرمون الحليب زايد واكياس على المبيض ادعو لى بتوم ولدين سليمين ترى هذا الشهر ابر ومنشطات يارب لاتضيع تعبنا
هلا وغلا خبيبتي بالنسبة لزوجج يعطونه فيتامينات وبعدها يحلل مرة ثانية يشوفون حالته الله يشفيكم ويرزقكم الذرية الصالحة
