معلمة سابقة في الكويت لغة عربية

أنا حابة أسألكم :اذا كنت غير متزوجة وصرت بين اختيارين الوظيفة في الكويت والبعد عن الأهل أو انتظار مستقبل مجهول

هلا وغلا بالطيبة :

شوفي يا اختي ما في أحسن من انج تكونين بالقرب من أمج واهلج وهذه والله ما تعادل كنوز الدنيا كلها ... واذا كلش انت مضطره ليش ما تحاولين في الوالدة والأخوان يكونون معاج في الكويت .. وترى دعوات الوالدة تسر لج كل شي ...


موفقة يااااااااااارب​

أكيد محد يعوض مكانة الأهل ,

اختى الحبيبة رأيى ان تجربى وتحاولى التكيف عسى الله ييسر لك وتتأقلمى مع الوضع...وان لم تسطيعى المجازفةوالتأقلم ارجعى كما كنت....فرج الله همك وبلغك ما تريدين

ادعيلى اختى انا نفس تخصصك لغة عربية تقدير جيد ادعيلى الله يوفقنى ويوفقك والجميع

شكرا................
الله يوفق ويرزق الجميع...

أختي العزيزة بنت الرياض أنا كويتية وعايشه هالفترة في المنطقة الشرقية و أشوف معانات بنات السعودية عن قرب وبصراحة يعورون القلب:sad_smile: وذا تبين نصيحتي حيشي حياتج و استمتعي واستفيدي من العالم الجديد و اكتسبي خبرة في الحياة ......استفيدي من الشهادة اذا قعدت في البيت تنتظرين و ظيفة أو نصيب و ما تحصلين لا هذه ولا ذيك شوفي مصلحتج وييييييييين و اركضي وراها./COLOR]

انصحك بالوظيفه والكويت ماهي غريبه وناسها مره طيبين وماهي بلاد اجنبيه عشان تقولين بعيده وانا اقولك استخيري ربك افضل شي

حبيبتي قتاله ممكن افهم وشهي معانات بنات السعوديه بليز ماعليك امر

حبيبتي جربي سنة وشوفي الوضع

الاهم انج ما تحسفين بعدين لو انج مجربة

وترا ما في فرق بين الكويت والسعودية بالعكس راح تستانسين

والفراق ترا لابد منه

الحين البنت بس تزوج وتروح لبيت زوجها حتى لو بالشارع الثاني بتحس بالفرق

لا تخافين وتوكلي على الله


بالتوفيق حبيبتي

حبيبتي الوحده تشوف مصلحتها ومستقبلبها
وبعدين انتي درستي و تخرجتي وجبتي الشهاده
ليه على شان تعلقينها بالحيطه وتنتظرين النصيب
المجهول لا بالعكس دوري الوظيفه المناسبه وجربي
حظك اذا انتي ماقدرتي ارجعي و انا سعوديه وتوني
متزوجه كويتي وسكنت بالكويت الصراحه ونيسه واهلها
طيبين وكثيـــــر سعوديين هيناك ، شي اكيد وطبيعي
انك راح تحسين بصعوبه وبتفقدين اهلك بس لوكان
نصيبك بعيد عن اهلك وش راح تسويين ؟! ..

حبيت افيدك بتجربتي
والله يوفقك ..

اول شي شنو تخصصج لانه مو كل التخصصات مفتوحة للسعوديات والراتب 7000 الاف ريال انتي فكري يسوى الغربة والا لا وحطي في بالج انه التدريس بالكويت حيل متعب مو مثل التدريس بالسعودية ولاتنسين انج راح تحتاجين سكن يعني بتسكنين مع منو هل لج جماعه تسكنين عندهم والا بتظطرين تاجرين والاجار مايقل عن 2000 ريال شهريا هذي اسوا شقة تقريبا غرفتين وحمام وصالة ومطبخ وتحتاجين تأمنين مواصلات للدوام وبعد مواصلات عشان تنزلين لاهلج اسبوعيا ولما تتعينين احتمال كبير يقطونج بمدرسة صبيان وانتي وحظج عاد الا اذا عندج واسطة احسبيها من جميع الجوانب وشوفي يناسبج والا لا هذي السلبيات والايجابيات العيشة بالكويت حلوة واهلها طيبين واجتماعيين ماراح تحسين بغربة والاستقلالية المادية حلوة والواحد على الاقل يحلل شهادته وبالتوفيق