شلونكم حبايبي شخباركم .. ؟؟ اليوم حسيت بألم فضييييييع بأسفل الظهر ومو الم الظهر العادي بس ماصاحبته تقلصات بالرحم وطول الليل انا مو نايمة يمكن من الساعة 12 بالليل الى الساعة 7 الصبح والالم مايوقف وو كنت اقول بنفسي يمكن طلق كاذب بس مافي تقلصات !! وو بعدها رحت الكلية وو انا امشي صااار الم اسفل البطن بس بطني مو متحجر ولا قاسي ؟! ومو عارفة شسوي .. ؟؟ والافرازات زادت عن قبل بس بدون حكة واصبحت صفراء لزجة وولونها بدا يصير غامج هالعلامات تدل على شنوو ؟؟ وقرأت باحدى المواقع ان كثرة الجماع تسرع الولادة وكان في تعليق من الاخوات انها تقول ماحست اله بآلام ولا صارت ولادة بس الم بالظهر !! يعني ماستفادت شي ممكن مايصير في تعجيل بالولاده بعد الجماع ؟؟ دعواااتكم لي انا بالتاسع صارلي اسبوعين .. والله كل يوم اكتشف الم يديد وامور يديدة ولا عارفة شلون اتصرف كل ما اسأل عنها يقولون عادي ولما اقرا عنها بالمنتديات يطلع العكس !!
والله ماتوقع طلق ولادة لأني تحملته وليلحين مافي شي بس احس بافرازات وما اشوف شي والبيبي ليلحين يرافس ويتحرك
الم الظهر بالشهر الناسع عادي يا عمري انتي تخافين من الدم او الماي ركض على المستشفى وممكن اييك طلق بدون هالأشياء بس صدقيني اذا طلق راح تعرفين لآنه عواره ما يحتمل مو جذي قاعدة تسولغين عنه الله يهون عليك ان شاء الله
انا ياقلبي ماعندي خلفيه بس الي ابي اعرفه ان دورتي تجيني كل شهر منتظمه والشهر هذا جاتني نفس التاريخ بس ماجاني دم نزل اسود يومين ووقف وابي اعرف هل انا حامل او لا لاني متزوجه لي سنه ونص وماحملت ارجو الرد ابي اتطمن
والله ياقلبي مادري بس انا اعرف وحدة نزل معاها دم الدورة يومين أو 3 ووقف راحت وسوت سونار تبي تشوف شنو السبب خافت ان في شي بالرحم ولا تطلع حامل روحي وشوفي وان شاء الله تكونين حامل اذا كنتي تبين تحملين
ياقلبي عور الضهر عادي بالتاسع الكل يقول مع اني مو خبرة والول مرة مثلج بجر بس الكل يقول عادي ولا تروحين لين ينزل عليج الماي علشان ما يلعوزونج والله يسهل علي وعليج انشالله
عادي اجهاد شوي بس طني وروحي .... انا تنزل علي افرازات لزجة مع كل شي تعبت وكل شي اسوي ما كو فايدة مليت ؟؟؟ حتى ظهري يعورني لاني بسادس البداية وقالي دكتور تأثير الحمل كله طلع لج الحين
