مرحباا بناات ... ومعرساات ... شحاالكم شخبااركم ... تولهت عليكم .....!!! من زمااان ماحطيت موضوع .. ف قلت .. اليوم بحط لكم موضوع عشان ندردش ويا بعض ونتذكر ايااام العزووبيه ...هه !!! موضوعي اليوم يتكلم .. عن كم معرس يا يخطبج ... وريلج رقمه كم من اللي خطبوووج .... انااا عن عمري خطبوني 4 وريلي هو الخاامس يلا بناات اتريا تفاعلكم .. .. :wink_smile:
هلا حبيبتي . . . خل اتذكر . . . اول واحد خطبني وعمري 14 ابوي -الله يرحمه يارب - قعد يضحك وانا استحيت بعدها في المدرسةوانا طالبه ولسه ما خلصت رابعة ثانوي 2 ولما خلصت الثانوية العامة 2 وامي الله يسلمها رفضت لانها تبيني اكمل دراستي والثاني رفضه اخوي وبعدها في الجامعة3 ولما تخرجت 4 ولايزال العد مستمرا يمكن نسيت شي والله عتبج ع الذاكرة وزوجي آخر واحد تزوجته وانا مقتنعة لكن في واحد انا رفضته بنفسي وكنت صغيرة والسبب بصراحة كل ما تذكره انقد على نفسي شاربه خفيف >>طبعا شفته من ورى الدريشة سوالف اول وبس >> سندريلا مو أم عبدالله
ههههههههههههههههههه ضحكتيني أم عبدالله هههههههه ههههههههه خلاص انتي سندريلا المنتدى هههههههههه أنا للحين واحد بس ههههههه بس رفضته لأنه أهله مستعيلين و أنا ابا اكمل دراستي فالجامعة هههههههه حلو الموضووع تسلمين الغلاا
هلا حبيبتي شفتي شلون بنات اول غير . . . والله نصيحة إذا اللي خطبج مناسب واخلاقه اوكي ووضعه اوكي ليش لا . . . هذا عذرنا من زمااان لما تخلص البنت الجامعة الحين تلاقينهم يتزوجون واهمه في المدرسة . . .!!
هههههههههههههههه.. ام عبدالله ... ظحكتيني ... تسلمون غنااتي ع الردوود الممتعه اتمنى تفاااعل اكببر .....*_^
ضحكني موضوعج الي تقدملي رسمي >> في نوع مو رسمي لانه بس يكون كلام عشان لعب ومسخرة وبس اقولهم الي يبيني يدل بيت ابوي ينحاشون هههه اخرع الظاهر المهم الرسمي > 3 واحد وانا بالجامعة قريب ابوي وخيرة اني ماتزوجته الثاني عقب ما اشتغلت بسنتين تقريبا وماعجبت امه وقام هو يكلم امي مادري شكو المهم قلتلها خلاص امه ماتبيني ولا انا ابيهم الثالث>>> ريلي لزقة عنروت 3 اشهر وراي وماشاف ريج حلو راح لابوي من وراي وطاح الفاس في الراس مشكورة على الموضوع الحلو
والله انا من اخطبوني تقريبا 5 ومنهم زوجي رفضنا لان كنت ادرس وبعدين خطبني وافقت عليه والحمدالله اني اخذته
هممم كيف يعني ما فهمت :smile: قصدج اني المفروض كنت اوافق؟ mg_smile: اي صح :teeth_smile: لما الواحد يكون زين البنت مالها عذر بس أنا صليت استخارة و ما ارتحت :mskket:
انا نفس ام عبدالله من عمري 14 خطبني ولد عمي اللي اهو زوجي ورفضت وبعدين بعمر ال16 خطبوني 3 وماحصل نصيب احسن صراحه ولما صرت 17 خطبني زوجي ووافقت لول يمكن لانه صار احلى
انا قصتي قصه مع الخطاطيب شي مو طبيعي بعضهم مش رسمي حديث مجالس واخواتهم كانو يكلموني وانا بعمر 16 خطبني واحد وابوي غصبني عليه كان ابوي معجب فيه وكنت اصيح وابكي المهم ابوي لاحظ عليه اشيا ء مو زينه والحمدالله اتفركشت الخطبه ثم جاني واحد مباشره عمره في الخمسين قال هذا ابوها اكيد يوافق المهم صرفه ابوي وبعدين بلحظه وحده جوا ثلاثه خطاب خلال اسبوعين منهم ولد عمي قام ابوي خيرني بين الثلاثه طبعا اخترت ولد عمي بس الحمدالله اني اخترته واذكر ان ابوي كان يشتكي عند امي يقول بنتي هذي احرجتني عند الرجال مره ارفض ومر ه اقول مخطوبه ما ارتاح لين تزوجت ويارب يخليلي عيالي وابو عيالي
ماتذكر بس كانت مواقف حلوه خخخخخ اول مره انخطبت كنت صغيره 14سنه وعقب يخطبوني لما كبرت شوي ماتذكر جم اخر واحد كان زوجي معاه اثنين وانا بدوري اخترته اهو
وانا بالمدرسة اخو رفيجتي وبعد ماتخرجت خطبني ولد عمتي وولد خالتي وتهاوشوا خيرني الوالد بينهم واحترت تالي رفضت الاثنين ورحيت راسي...... بعدين اول سنة بالكلية خطبني واحد ورفضته لان امه شكلها شريرة جنها ياية غصبن عنها واتحجى من ورى خشمها وانا ولدي وانا ولدي ......... قلت لايبه القبة هذي ماتعاشر وبعدها انخطبت لولد رفيجة امي وتم كل شي بس قبل الملجة بيوم هونت لانه يبيني اسافر معاه يدرس برا وانا ماقدرت اهد ديرتي واهلي ودراستي.... ((عطيته واحد صفر )) آخر واحد حبيبي وزوجي الغالي
انا رسمي رسمي بس 2 وزوجي الثالث (رياييل ماعندهم نظر)خخخخخخخخخخخخ بس على حجي الحريم عدي وخربطي مرة رفيجتي يابتلي واحد رفيج اخوها طلع ولد عمي!!! شوف الصدف موصي رفيجه لان مايبي من العايلة طاح فيني خخخخخخخخخخخ ومرة يونا حريم يخطبون سالناهم الولد يدخن جان ترد بضحكة كل الشباب يدخنون محد ما يدخن سالناهم يصلي قامت وحدة تلتفت على الثانية وحدة تقول ايه بصوت واطي و الثانية تقول الله كريم!!!!!!!!!!!!!!! يامعود لا يحووووشك قبة !!
خوش موضوع انا لما كنت بالثانويه حجزني ولد عمتي وابوي الله يرحمه عطاهم موافقه مبدئيه ليما اخلص الدراسه وبعده اربع ولما وصل زوجي صار كل شي بسرعه بسرعه سبحان الله وحطيناهم جدام الامر الواقع وصار زعل طبعا
