مشكلتي مع أمي وزوجي وانا الضحيةِ أمي تحبني وتموت فيني ومن 7أسنين تبيني انام عندها اربعاء وخميس جمعه واذا ماجيت تزعل حتى حمولتي اذا رحت وياهم زعلت ابي حل مليت وانا انام عند اهلي أما زوجي حبوب وطيب واخذها فرصه أني انام عند اهلي مافي تمشي ولاكشتات ولامطاعم واذا قلتله قال أتركي النوم واوديك الي تبين وامي ررررررررررررررافضه اني أترك النوم زوجي يعطيني مصروفي 50دينار ويحاسبني اذا خلص بسرعه حتى البس الكشخه مااعرفه والله مليت وصبرت 7اسنين وانا على هالحاله أخواته وبنات عماتي وصديقاتي مع رجالهم من سوق الى سفر وهياته واذا جلست معهم انقهر واندم اني جيت الي حضرة دوره وأستفادة تتحفنا مليت بس يرفع صوته علي أذا طلبت شئ مااقدر اتطلق عندي أطفال منه أأأأأأأأأأأأأأأأأأأأأأأأأأأاااااارررررررررررررررررررجوكم ماااااااااااااااااااااااااااراح أنساكم
الله يكون بعونج الله يهديه ويسخره لج وبالنسبه لأهلج نامي عندهم كل إسبوعين مره يعني إسبوع تنامين واسبوع تطلعين مع زوجج وبجذيه ترضين الطرفين وكلمي أمج وفهميها الوضع قوليلها مابي أعود زوجي على فراقي وانتي تعرفين الرجال بس يبونها فرصه وان شاء الله تفهم الوضع وبالنسبه الفلوس كل شي بالهدوء واللين والكلام الحلو تقدرين تاخذين اللي تبينه والرجل مثل الطفل كلمه حلوه مع دلع شوي ياحياتي وياقلبي إن شاء الله تكسبينه وتحصلين اللي تبينه بس كل شي بالتفاهم مو بالصراخ
قولي حق امج زوجي ما يرضى او طلعي لها اي عذر بعد الريال يبي الزوجه دايمااا عنده وانتي تنامين 3 ايام بالاسبووع لو يوم واحد بالاسبووع يمكن عادي وما يأثرر بس لا تلومينه 3 ايام بالاسبووع انتي طلعي عذر حق امج .. وحاولي اتقليين من نومتج عند اهلج ... كلمي امج قولي لهاا ماقدر انام وجذي ان شاء الله الله يهديهاا يارب ... ويسخر لج زوجج يارب واخر تفكيرر فكري فيه الطلاق المرره مالهاا الا بيت ريلهاا لا تخربين على نفسج وتخربين بيتج وعيالج وان شاء الله خبرر صلي ادعي مالج الا ربج وزوجج باجر بعد عمرن طويل حق امج ان شاء الله مالج الا ريلج محد يهمج بالدنياا الا اهوه
الله يهدي زوجج ولج ويسخره لج .. عن النووم عند امج خليهاا يوم بالاسبووع واعتذري لهاا بأي عذر وصدقيني الام ماتحب تخرب على بناتهااا انا امي يصير بخاطرهاا اذا رديت لبيتي بس اطيب خاطرهاا بجم كلمه واتعذر منهااا وهي ترضى وصدقيني اذا شافت ان وجودج عندهاا سبب تعاستج بتقوولج ان شاء الله تكونين سعيده لو انج بعيده .. وعن زوجج ومصروفج انتي ادرى بزوجج وظروفه وانا عن نفسي مااحب اخذ منه مصرف قبل المعااش كل واحد فينا يحط التزامااته وكم محتاج ونظبط امورنا ومصروفناا على هالطريقه انا عن نفسي ماحبيت يمشيلي معااش لان مرات عندج توجيب حريم مرات اعيااد مرات ماعندج شي .. وصدقيني انتي تقدرين تكيفين نفسج واذا هو مقتدر وماعليه قاصر قولي له الخمسين ماتكفي لان فعلاا ماتسوي شي بوقتناا هذا وابيك انت اللي تصرف علي وخليه يروح وياج وهو اللي يدفع اما اذا كان على قد حاااله فماالج الا الصبر وتكيفين امورج وتعينين زوجج .. الله يوفقج ويهدي زوجج ويخلي لج امج .. ................................... ينقل للمكان المناسب
حبيبتي وبكل صراحه اهلج ماينفعوونج واذا الحين تخلي عن الطلعااات باجر بيتخلي عن اشياااء واجد وبيدوور غيرج فهميهاا وقوليلهاا زوجي مو راضي وبس والله يعينج
لاشدعوة 3 اياام بالاسبوع لاتعودينة ينام بروحة جذي انا صراحة ما اييد الا متزوجة وتنام ابيت اهلها وتخلي ريلها الا للضرورة احكام الله يهديها امج سالفة يديدة الا تنامين ولا تزعل قوليلها ما اقدر اخلية وتعذري بالاشياء ثانية وجم كلمة وانشالله ما تقول شي بعد الله يهداها لازم تكون عارفة ليش اهية الحين تطلع من بيت ابوج وتروح تنام عند احد من قرايبها 3 ايام ولا زم تعودينة انة يطلعكم ولا تقارنين نفسج بالغير راااح تتعبين وبالكلمة الحلوة انشالله يسخرة لج 50 دينار ماتسوي شي فهمية بالاسلوب وبالهدوء كل شي ينحل ولا تفكرين بالطلاااااااااااق مالج الا بيتج وريلج الاشياء الي تقولينها بسيطة وانشالله تنحل موتقولين طيب وحبوب انشالله ما راح يقصر بس انا ملاحظة في وايد ما يشتغلون ليش ؟؟؟؟؟؟؟؟ انا ما ادري شنو وضعج بس والله لو عندج وظيفة معاشج بيدج احسن من كل شوي تطلبين منة !!! وانشالله الله يسعدج ويوفقج بحياتج
صباح الخير ياقلبي انا رايي من راي الحلوه ممرضة جلديه ماينفعج غير زوجج وطبعا اهلج لكن ثانيا لاتضيعينه من ايديج وربي يسخره لج :wink_smile:
ماقصروا البنات بس حبيت اقولج حاولي تكسبينة باانك تغيرين في شكلك وتسوين لة افكار وتهتمين به اكثر وراح تلقينه هو من نفسة يعطيك زيادة يمكن هو حاس بقهر عليج ويبي منج تنتبهين اكثر والله رجال هاالايام يبي كل مايدخل البيت يلقى زوجتة كاشخة وانتي 3 ايامتنامين عند اهلج الله يصلح بينكم ويهدي امج* يااااااااارب
