شلونج صبااايا اشتقت لكم من فتره ماكتبت موضوع بس في شي موقادره اسكت عنه الحين لما تطلعون اي مكان شفتوااا البنات شنو مسوين بنفسهم ؟؟؟ ماابي اقول انهم موكشخه لا بالعكس ياحلاتهم مشالله بس موحق طلعه برا البيت هاللبس يعني مثلا تلبسينه بالبيت اذا مناسبه عندكم ناس جذيه جمعه فهمتوا قصدي الحين لما اطلع اقعد واطلب كابتشينووو بسم الله علي شسوي بعد من الزهق وبعدين اقعد واشوف بهالبنات تسريحات وميك اب اوفر ولون حمرا احمر ليشششش سوق وحمرا حمرا ؟؟؟ بنات ماابي احد يزعل بس والله لوتلبسين بدله معقوله وميك اب خفيف طبيعي يعني وتسوين شعرج موتسريحه يعني تسوين حركه طبيعيه ابي لكم الزين مو معنى الكلام انا محتره لا بالعكس اقدر اسوي نفسكم بس مابي الي يسوى ومايسوى يطالع فيني الحين اللبس هاااابين بموضه عجييييييبه انا مومستوعبه شلون امها او ابوها مخليها جذيه قصير حيييل وبعدين يكون واسع نفس قميص النوم بالضبط وبعدين كعب والله لونزلت تحت تبي تجيب شغله طاحت منها يطلع لسليب قصييير شرايكم بنات ابي رايكم يعني موبكل مكان يلبس هاللبس بحط لكم صور من الي شفته شايفين هذا اخر موديل هذا الي شفت ثلاثه لابسين نفسه وحاطين فوق جاكيت صغيرون والثانيه بدي شرايكم وبصراحه؟؟؟
الله يهديهم ويصلح بالهم لا والطامه الكبرى بالافينيوو من صوب النافوره في شيشه بنات لابشات هاللبس ويشيشوون بعد وحولهم كله شباب ويقولون حريه شخصيه اي حريه شخصيه اي بطيخ هذي قلة ادب ويقولون كثرو الاغتصابات والمشااكل والخطف من هالبلااوي اللي يشوفونهاا ماالوم الشباب والله شباب مو عافين نفسهم وماعندهم وازع ديني حتى صلاتهم يبا يبا شنو تبين ردة فعلهم اذا شافو هالاشكاال لا والمشكله تعصب او تمثل انه معصبه اذا شافت الشباب يلاحقونهاا انا مع اني مره بس اتوقع اللي تلبس جذي تبي تلفت نظر الشباب لهاا والا ليش لابسه جذي .. اي وعلى فكره ترى بعضهم يلبسوون جذي من ورا اهلهم والله يا اصيله دشي الحمامات تكرمين وشوفيهم شلوون يحطوون المكياج خااصه شفت هالشغله بكويت ماجيك بعيووني والله محد قالي ربي يستر على بناتنا ويهديهم وربي الوقت يخووف لاتقولوون ماكوو تربيه والله الصحبه تخووف ادعووو ان ربي يرزق عياالكم بالصحبه الصااالحه والا التربيه ان شاء الله ان قاعدين نربيهم من وهم صغااااااااااار بس وربي خاايفه عليهم ربي يهديهم ويصلحهم تسلمين حبوووبه والله تنرفزني هالاشكااال وتحمست بالرد قلبووو..
والله هذا مرض فيهم ونقص الله يعينهم على نفسه ويعينا عليهم الوحده فينا من يطلع ريلها بره البيت تحط ايديها على قلبها من االشغلات اللي نشوفها والله والله والله يابنات بهالزمن البنيه تتحرش بالشباب مو الشباب اللي يتحرشون شووفت عيني لا والادهى والامر تكونين ماشيه مع ريلج وتيج ذيك الوحده وتتحرش بريلج وانتي معاه هذي اللي تبط جبدج والله ماكو حيا بنات هالوقت الله يستر علينا وعلى بناتنا
سكتي هذا ولا شي تعالي شوفي المنتجعات صار لبس المايوه عاااااااااااااااادي والمشكله كوييييييييييييييييييييييييييييييييييييتيات الله يسامح اهلهم ويكشف بصيرتهم احنا ابوي الله يرحمه قبل ياويلنا ان حطينا قلم الكحل والحين صار المكياج شي اساسي بالطلعه هذول حتى اذا تزوجو ما يتغير بشكلهم شي نفس ما هو لان كل شي سووه واهم بنات الحف واللبس والمكياج والكشخه الله يستر على بناتنا
انتي تدرين شنو المصيبه !! شفت بمجمع العجايب > الافينيوز < وحده حامل شكبر بطنها حاضنه ايد زوجها ولابسه مو لابسه فستان قصيييير حده والكرش رافعه باجي الفستان !!! لهالدرجه وصلت الدياثه فيهم !! والثانيه لابسه ميني شورت ابيض وتحته هيلاهوب شفاف اورانج !!!! بالله هذا لبس !!! والثالثه شمتنها ولابسه ترينق !!! والبدي قصير <<< صراحه شي يلوع الجبد على قولتج الوحده تحط هاللبس لزوجها وفي بيتها او حتى في الزوارات بين الحريم ...
الله يهديهم ودام الرادع الديني مو موجود نتوقع كل شي بهالوقت بس مانقدر نسوي شي ابدا الا الدعاء لهم بالهداية ولامة رسولنا الحبيب والحمدلله
بصرااااحه لا تعليق.. هالفئة موجوده فكل مكان وفكل الدول للاسف .. واللوم مب عالبنات اللوم عالاهل الي مخلين بناتهم على راحتهم .. وعن الوازع الديني ترى الوازع الديني صفرررررررر عند الشباب
.. الله يهديهم و الله البنات قآموا يطلعون لنا بـ فناتق ! بعدين يقولون ليش الشباب يتحرشون .. الشباب اذا شآفوأ وحـده متستره و محترمه نفسها مآ تحرشوآ آنتي لمآ تطلعين من البيت تعكسين صورة ابوج و آمج صدقيني كل البنات آو الشباب الي يظحكون بويهج شوفي شنو يقولون عندج من وراج ! تبين تعجبين الناس و مآ خفتي من ربج .. ؟ و انا الومـ الآمهأت و الآبآء الي مخلين بناتهم على كيفهم يعني حتى مآ يكلفون عمرهم أنه يقولون ليش هاللبس القصير ؟ و لا ليش هالميكب الآوفر ! الله رآح يحآسبهم عشان خلوا عيالهم جذي ! يعطيج العافيه حبيبتي .. و يآمآ حتشوفين اشكال غريبه و عجيبه رآح تمر عليج الله يكآفينا شر الفتن و شر هالآشكال .. :/
ياشين السرج على البقر يعني لوك مالت على الوجة ولامرة مرتني وحدة كاملة البس الحمدللة والشكر والوجة جفرا يعني لبنانيات مالت على الركبة السودا والكوع الاسود لامرت العباية والرزة تقطهم قط سحيلات
هلا اختي اصيلة . . . يمكن متقمصين دور مارلين مونرو . . . والله حتى مارلين مونرو نفانيفها كلوش وسيعة . . . اهمه عبالهم كيوت مثل التايلنديات والصينيات لكن من زين هالركب اللي تطلع بس . . . والله كل شي يرد على مخافة رب العالمين . . . هذيلا غارتهم الدنيا ولا حسيب ولا رقيب . . .
حمدالله ياربي هذيلا طايحين بجبد نفسهم .. يبون يطلعوون اللي انا اللي الفت النظر واللي انا الاستايل واهيا ما تدري اهوه حفله ولا رايحه تتسوق او تتمشى مادري اشفيهم البنات الله يهديهم
اي والله صاجه ذكرتوني موقف للحين مو قادره انسااه والله صج غريبه مره انا وزوجي رايحين مركز سلطان نتشري وعاادي نسولف وجذي المهم مد ايده زوجي علي العصير جت وحده ومدة ايدهاا علي نفس العصير ((مادري تقلد الافلام المهم)) قلت لااصدفه حراام شوي ولا زوجي يقولي طالعي طالعي طبعاا الاخ مستاانس يعني حلوو ولاا الاخت تطاالعه وتضحك ومن شافتني لفت المره الثالثه ولا اكتشف بعد كل هذا ان معاها زوجهاا ولدهااا ودعمت زوجي مستحيييييييييييييييييييييييييييييييييييل عاد انا قلت وبصووت عالي مستحييييل توصل قلة الادب ليه هدرجه مو تارس عينها الي معاهااا الي معاهاا ضل يطالع يبي يعرف عن منوو وهي سوت روحهاا مسكينه تتشري شي قريب والله لي هدرجه وصلت الجراءة ويييييييييييييييع قلة اددب والله لا والمجمعاااات شي ثاني لدرجة زوجي يقولي والله ماودي ادخل هالمجمعااات كلهاا فسااد وغصب طيب طالعووني ومعاه حق والله قصب طيب طالعوني والله ان عن نفسي الي تسوي جذي قدام النااس مو واثقه من نفسهااا وتبي تقطي النقص الي فيهااا بهشي
اشصاير والله حتى الاجانب قامو يستترون والله مو كشخه لمن الوحده اطلع سيقاننها الله يهديييييهم والله ديرتنا حيييل متاثره بالغرب من شبابنا وبناتنا ومايتاثرون بالزين لا بتفصخ وبالشي الشااااااااااااااااااذ
