السلام عليكم ورحمة الله وبركاته اكتب لكم هالموضوع ودموعي تسبق حروفي انا عمري 21 سنة متزوجة صارلي سنة ونص وماصار عندي اطفال للحين أدري بتقولون تو الناس .. وبعدج صغيرة ومن هالحجي اللي انا اعرفه بس سمعوا قصتي للاخر من اول ماتزوجت تخربطت دورتي تغيب بلايام والاسابيع وكل شهر علبالي حامل سويت تحاليل انا وزوجي ومافينا شي بس قالولي عندج ضعف تبويض وعلاجه المنشطات قلت:الحمد لله الذي لايحمد على مكروه سواه بعدها بديت مشوار الكلوميد وماكان له اي نتيجة البويضة تنزل صغيرة حيل ثلاث شهور ووقفت غيرت وبديت آخذ الابر المنشطة وابر التفجير شهرين ورا بعض وهم ماكو فايدة وكل هذا بمستشفى العرف بعدها لهيت بالميداني هذا الكورس ووقفت العلاج وهالشهر قال زوجي دام تخرجتي نبي نحاول يمكن الله يرزقنا ورحت حق د. احمد الشاذلي وكتب لي ابر جونال اف وحبوب كلوميفين وعطاني موعد سونار متابعة التبويض المفاجأة اللي أذهلتني لما سويت السونار مافي تبويض بس في أكياس عالمبيض وحجمهم كبير وقالي لازم تسوين منظار وليزر للمبيضين وانشالله كل شي يصير تمام وتحملين من غير منشطات بس انا خايفة بابنات منو سوتها وضبطت معاها؟؟ تكفون شوروا علي اتوكل على الله واسويه ولا ولأ؟؟ زوجي عمره 30 سنة ويحب اليهال وايد اول ماتزوجنا كان يقول انا ابيج تحملين من اول شهر ابي طفل يملى علينا حياتنا ..بس الحين مايقول ،،اذا شاف طفل احس عيونه غصب عنه تطالع له اشوف بعيونه تمني وشوق لطفل انا موقادرة انجبه له وكلام الناس ماله داعي اقول لكم شلون يجرح.. غير اهل زوجي اللي لاحملت وحدة فيهم البيت كله يدري الا انا.. وكلام خالتي اللي مو مخليتني بحالي بزوج ولدي .. ابشوف عياله .. عندج مني لاخر السنة ان ماحملتي ترى بزوجه والعروس موجودة.. طبعآ هالحجي موقدامه وانا مااقول بس اكتم بقلبي واسكت اما هو دايم يتعذر جدامهم انه مايبي عيال الحين.. ومحد يدري اني اتعالج غير زوجي واهلي بنات اناحيل تعبانة ومادري شسوي؟؟ تكفون لاتخلوني
شدعوة بنات وين الردود؟؟ واللي ماعندها فكرة يعني ما أستاهل دعوة منج بظهر الغيب ان الله يرزقني يارحييييييييييييييييييييييييييييييييييم ارزقني الذرية الصالحة المعافاة يارحييييييييييييييييييييييييييييييييييم ارزقني الذرية الصالحة المعافاة يارحييييييييييييييييييييييييييييييييييم ارزقني الذرية الصالحة المعافاة
حبيبتي انا نفس حالتج ونفس مده الزواج بالضبط بس انا اصغر منج ورلي ميت على اليهاااااال والله لما يشوف يهال كله يقولي يالله شدي حيلج جنه بيدي بس ما حملت ,,,,, حبيبتي في وحده اسمهااااا ام عاااايد تعالج تأخير حمل وايد ناااس حملووو على ايدهااااااا ويقولون علاجهااا في بركه وانا بس تنزل علي الدوره بروحلها انشالله,,,, اذا تبين رقمها وعنوانهااا راسلي عالخااااص .... واذا بتسوين العمليه اول شي صلي صلاة الأستخاره نصيحه من اخت وترى الدكتووووووووووور شاااااااااااااااطر وااااااايد وحبيبتي انا تحت امرج اي شي تبين انا موجوده يارب ترزقني وترزق اختي ( مايكفيني لقب ) بالضدريه الصالحه بدون علاج بهل شهر يااااااااااارب
الله يرزقج ويرزقنا يارب بالنسبة للعملية انا ماادري احس لاتسرعين فيها ابدأي بالرقية والبقرة وماء زمزم وسوي لج نظام غذائي ابتعدي عن الوجبات السريعة وانا سمعت عن نقع الرجلين بالخردل بس صراحة مااعرف الطريقة وفيه بعض الخلطات لتكيس جربيها اسال الله العظيم انة يفرحج اختي عليك بصلاة ساعة قبل الفجر انا سمعت عن قصة واعجبتني الله ييسر لك
حبيبتي عمليه المنظار جدا عاديه صحيح بنج كامل بس الحمدلله ماتضر بالعكس احسن تسوينها عشان تعرفين انتي شنو فيج بالضبط..؟؟ انا سويتها بالسلام وكلفتني( 450 د. ك ) والحمد لله علي كل حال طلع فيني ضعف حاد بالمبايض وسماكه بجدار الرحم واقالي ماعاد ينفع الا الحقن المجهري يعني سهل علي الامرولاطولها معاي وان شالله يكون علاجج سهل ولاتحتاجين اي ادويه ويرزقج الله سبحانه بالذريه الصالحه المعافاه .................. انه قريب مجيب الدعاء .....................
بعد عمري تسلمين عالرد الله يرزقني ويرزقج ويرزق كل محرومة من الحمل الذرية الصالحة اللي تفرح قلبها والله انا مو ذابحني الا ان خوفي زوجي يمل ولا يتأثر بكلام خالتي الله يهديها
سويتيها عند اي دكتور بالسلام؟ وانشالله صار عندج عيال بعدها؟ يعني العملية مو خطيرة؟ اعذريني على كثر الاسئلة بس اول مرة اسمع بالعملية وخايفة حييييييييييييييييييييييييييييييييييييييييييييييل
مرحباااااا حبيبتي مريت وحبيت ارد عليج انا تزوجت عمري 20 سنه وحملت مرتين بس ماثبت واعالج ومافيه نتيجه وقالي الدكتور سوي عمليه منظااار بس اخرتها واول ماسويتها سبب الاجهاااض الانبوب يفرز ماده سامه ويسببلي اجهاااض وكان في لحميه بالرحم وشالها حبيت اقووولج لا تاخرين العمليه سويها سهاالااااات انشاءالله وربي يرزقني ويرزقج باذن الله بس نصيحتي لج داومي على قارة سوره البقره يوميا والاذكار الصباح والمساء مع الاستغفار ميه مره باليوم اقل شيء مجرررب والله كريم
بنات انا سويت العملية طلع عندي تكيسات عالمبيض الايسر وسووله ليزر وتقول الرحم والقنوات كل شي اوكي الحمدلله
اول ما قريت موضوعج دعيت ربي يرزقج بالذريه الصالحه وثاني شي انا نصيحتي تسوينها دام عندج تكيس يعني الحمدلله شغلتج سهله والتكيس ترا يأخر الحمل وثالثا دم سويتيها حمدلله على سلامتج وربي يرزقج بالذرية الصالحه هالشهر ورابعا قوليلي شلون العمليه سهله ولا صعبه ؟؟ ادري طولت عليج خخخخخخخخخخخ
حبيتج من اسمج مايكفيني لقب ذكرتيني بالشاعر الامير طلال الرشيد الله يرحمه الله يرزقج الذريه الصالحه عاجلا غير اجل يارب العالمين وكل محروم يارب ودام سويتيها الحمد لله عالاقل تعرفين المشكله وي وان شاء الله تحملين من غير علاج انا وياج وادعيلي
عادي العملية سهلة انا اعرف وحدة سوتها وبعدها حملت طبيعي بدون علاج ورزقها الله بولد قمر الله يفرح قلوبكم خواتي بالذرية الصالحة بس ابي اقووووول كلمة خلي ثقتج بالله اكبر من اي شي ثاني يعني اكبر من الدكتور والابر الله وحدة لاشريك لة هو الشافي وعن عمر بن الخطاب عن النبي قال: { لو أنكم تتوكلون على الله حق توكله لرزقكم كما يرزق الطير، تغدو خماصاً - جياعاً - وتروح بطاناً - شباعاً } [رواه أحمد والترمذي].
