السلام عليكم اليوم رحت سوق وانا افتر ولا اشوف منزلين بدلات بنات روعة بصراحة اعجبوني واسال الي تبيع ولا تقول نزلنا لبس العيد اصدمتني تقول بس باقي دفعه ثانية بعد اسبوعين وخلاص مانزل شي فخم مثل الي تشوفينة راح يصير زحمة وماتلقين شي يعجبج عاد منو ناوية تشتري بالعيد وين المحلات لبس البنات الحلو خلونا نفيد بعض ون نجهز بنوتاتناوانخلصهم قبل رمضان ونتعبد برمضان ونسى السوق راح ابدا بمجمع العثمان فيه بدلات بنات راقيه ومحل بريجنت والاجناح الاخضر واكثرة لبس بنات وراقي ولي عندها محلات تدل عليها ونبي منكم رد بالي يعجبكم
اشلونك اختي انا دايما اشتري ملابس بناتي للعيد قبل مايبدي رمضان باسبوع لان عندي بنات وايد ولله الحمدوبرمضان ما يمديني والله ذكرتيني اختي الله يذكرك بالشهادة
بدلات العيد مافيها خصومات بس مجمع العثمان بحولي اكثر من محل حلو بس بصراحة غالين شوي نبي بعد مجمعات فيها لبس بنات حلو نبي نفتر
اذا تبين شي غريب عندج ام شملان محل الغرشوب يهبل وعندج كيدزستور (مخزن الطفل) وفي بتوسعة الافنيوز محلات تهبل بس غاليه وفي بمجمع ديسكفري محل عجيب بس انسى اسمه بالعيدين اللي طافو خذيت حق بنتي منه اسعاره بالستينات هذا اللي في بالي الحين
ام شملان الغرشوب99830929 ترى بدلاتها من بره اخذي من الحين قبل لاترتفع الاسعار تلقينها بالقوقل شوفي قبل لاتروحين
مشكورة كيكة على ردج قولي امين عسى ربي يحقق مناتج ويعطيج من خير الدنيا والاخرة ياليت اخلص لبس بناتي ورتاح نسوني نفسي بس ودنا نفتر قبل لانشتري وشوف الغريب
انا اكثر شي يعجبني ودايما اشتري حق بناتي من الرايه محل مني مي و حق بجايم العيد وثاني يوم اوكايدي و بنتون حلو وطبعا زارا لازم امره وقاب هم حلو وبنتي الكبيره افصلها والعملي برشكا وو سبوت وستراديفي هذا الي ذكرتهم .....
السلام عليكم ورحمه الله وبركاته الله يذكرج بالشهاده النسبه حق ملابس العيد انا السنه اللي طافت جبت بضاعه من سوريا يا جماعه الخير ما تصدقون اني طحت على مصنع عنده وكاله ماركات ايطاليه ومن البضاعه اللي جبتها ملابس تنباع بلحظه من فضلك ب60 و70 دينار بعتها ب25 وانا ربحانه الحمد الله جوده بالخياطه طبق الاصل وموديلات ولا اروع اللي يشوفها يقول ايطالي والقطن السوري لا يعلى عليه لدرجه انه الحريم خذو رقمي وبدو يطلبون للعيد الثاني ولكن للاسف ما استمريت اذا صار نصيب وسافرت هالسنه بجيب وانزل اعلان بالمنتدى وابشروا بشي راقي وسعره مو غالي
اختي موناليزا الله يسامحج بس شهتينا العيد قرب الي بشترون من الحين واذا على بضاعتج اذا مستوى لحظه من فظلك على ايدج ابي حق بنتي الصغيره ابي رقمج ...
حبايبي ديسكفري منزل بدلات بنات للعيد والعيد قرب اللهم بلغنا رمضان جهزوا شغلكم الحين ونتفرق للعبادة احسن
والله انا شريت لبنتي وخلصت من الجناح الاخضر ثلاث فساتين واحد حق رمضان واثنين حق العيد .. بس بدلة العيد مو عاجبتني شكلي برووح الغرشووب اللي قالت عنهاا خيتوو كييييكه وبشوووف , والله يعين اللي عندهاا اكثر من بنت انا وحده ومطلعه لي قروووووووووون
انا احب ملابس الارجوان للبنات ومااشتري الحين لان بنص رمضان ينزلون بضايع يديده وحلوة الحين كله تنزيلات على القديم ماعليج من كلامهم يبونج تشترين الحين واذا تبين اشتري لثاني يوم لكن اول يوم العيد لازم يكون حلو ويديد
الله يخليهم لكم يارب انا والله لي الحين مافتريت ولا دورت حق بناتي الله يعينا يارب ورانا عرس اخوي ورمضان والعيد والمدارس الله يسهلها
