مرحبا .. انا احب الرسم والتلوين علشان جذي بديت ارسم على الدلل وعيبني اني اكتب اسم العايله عليها بالكرستال واللي ساعدني على الكتابه ان خطي حلوووو والحمد لله بوريكم نموذج انا سويته وهاي تعتبر اول دلل ارسم عليها مع فناجيل القهوه واستكانات الشاي اترككم مع الصور واتمنى اعرف ردودكم
ماشاء الله عليج حبيبتي ابدعتي والله.. تستخدمين الوان زجاج صح؟؟ انا مره بغيت اجرب مادري منو قص علي وقالي انتي فنانه هع شريت الالوان ويبت زجاجه ابي ارسم سمكه الله وكيلج احتاست واحتست انا وغرفتي والسجاده لا بعد اقول لامي حطيها فميلس الحريم يشوفون ابداعي هع عوافي يالغلا وبإنتظار ابداعاتج.. بس بسألج انتي تبيعينهم؟
هلا اخت kit-kata اسعدني مرورج الكريم واااااااايد واستانست بكلامج شوفي يا عمري انا استخدم صح الوان الزجاج واحطي بعدين عليه ورنيش علشان ما يطيح وما يتأثر بالماي ... الكل يقول لي من ربيعاتي بيعي اللي بستوينه بس ما ادري والله ... تعرفين انا احب الرسم والتلوين والخط علشان جذي لو بسوي فعلشان انا استمتع بهالشغله مش علشان مردود مادي ... عندنا هني بالامارات في بنات يرسمون على الدلل ويبيعون الدلتين مع الاستكانات والفياجيل والصينيه بما يقارب ٢٥٠٠ درهم اماراتي ... بس ما شفت ولا وحده سوت فكره انها تحطي اسم العايله وتكتبها بالكرستال .. تره بالطبيعه شكلها احلى وخاصه بالاضاءه والكرستال اللي استخدمه اصلي فيعطي بصراحه منظر حلوووو .. اذا تريدين بسوي لج ولا يهمج بس تعالي اخذيهم من الامارات ... ( واخيرا وايد استانست بمشاركتج لموضوعي لانج الوحيده اللي رديتي علي يعلني افداج )
مشااااء لله عليك فعلا رسامه وخطاطه تبارك الرحمن فعلا الفكره الجديده وماشفت زيها موفقه واستثمري موهبتك
بصرااااااااااااحه شغلج وايد حلو ومرتب عليج بالف عااااااافيه بالعكس خلى شغلج حصرى ل هلج بس ههههههههههههه اعجبتنى حصرى هع
هلا والله أخت ( ملاك الشرق ) أسعدني مرورج لموضوعي .. دام عيبتج الفكره حاولي تطبقينها وتجربين لاني انا هالمره اول تجربه لي وإن شاء الله راح تضبط عندج... اختي ( الاء العلي ) شاكره لج مرورج الكريم . أخت ( بنفسج ) ... هههههه صح حتى انا عيبتني ((( حصري ))). أخت ( تولي ) أنا أخذت المحدد الذهبي من المكتبه مع ألوان الزجاج مثل ما قالت أم عبد الله وانا حبيت اللون العنابي والذهبي أحس لونه ملكي .. رسمت الشكل اللي يعيبني ولصقت الكرستال الاصلي طبعا وبالاوهو او super glue بس الشغل مع الsuper glue جدا صعب واذا حطيتيه تحسين انه يأثر على الكرستال وبعدين حطيت عليه ورنيش virtal . شاكره لج مرورج الطيب يا ام عبد الله
ماشاء الله تبارك الرحمن الله يحفظك شغلك حلوووووووو زين تشغلين وقتك وتستانسين ابدعتي ماشاء الله حتى اللون حلو فديتك يعطيك العافيه قلبي
حبيبتي يعطيج العافية وتسلم أدينج ذكرتيني بالذي مضي حلوة بالذي مضي أموت علي الرسم ومن زمان ما سويت هالشغلات الله يوفقج وللأمام دائماً
ام فالح الحلو سعيده بمرورج لموضوعي زين دام ذكرتج باللي مضى عيل نريد نستفيد من خبرتج .. ويزاج الله الف خير
