شلونكم حبايبي شريت بدله للعيد لونها ذهبي وفيها وردي وبرتقالي لاكن المشكله مكياجي جربت الذهبي والوردي لاكنه طلع باهت قلت بحط شدو اسود لاكن عنوني صغار والبدله بلبسها الصبح يعني لازم مكياج يكون مناسب مو اوفر حيييييييييل ساااااااااااااااعدوني وبليز اللي تعرف تسوي مكياج يناسب الوان بدلتي ترفق لي صور وبعد ابي شنو احسن فونديشن ؟ وعجينة الحواجب منو استخدمتها ؟ تنصحوني فيها ؟ وشنو أحسن ماركه؟ طولت عليكم بس بلييييييييييييييز ساعدوني محتاره
اشرايج هاي حبيبتي حبيت اساعدج ، بما ان مكياجج راح يكون الصبح فالافضل انه يكون خفيف انصحج تختارين مجموعة الشدو من ديور بصراحه الوانهم اتينن وبسرعه تبين يعني من اول لمسه تلقين االون بين وبقوه ، وهذي علبة الشدو تقدرين تحصلينها بأي محل تجميل . أو تقدرين بعد تحطين مكياج وردي خفيف ، المكياج الوردي دايمن حلو على كل انواع البشره اعتقد ، واهم شي طبعا لون الكريم اللي تستخدمينه يكون مناسب لبشرتج ولألوان الشدو اللي بتستعملينها ، وأحسن فاونديشن انا استخدمته كريستيان ديور روووعه اخذيه اهو والبودره مالته عموما مستحضراتهم وايد حلوه . وهذي ايضا علبة شدو بنفسجي بوردي ، انا شخصيا استعملها وايد حلوه الوانها وهذي بعد علبة البلاشر الوانها تصلح حق كل بشره ، وتركب على كل شدو تقريبا شوفي هذي الطريقه وايد مرتبه واحسن شي فيها انها مو متعبه وماتغلط او هذي سموكي بس وردي ، هذي يبيلها شطاره بس فعلا يطلع شكل العين حلو والوردي حتى لو تكثرين منه الصبح مايطلع اوفر ، لانه اساسا لون هادي . وإن شاءالله تستفيدين ويعجبج المكياج :teeth_smile:
اللون البرتقالي راح يطلع حلو معا بدلتج هذا من رايي في عندج شدو لمعه اسمه سبلاش تلقينه عند الهنود والحمره تكون قلوس بين اللحمي والبرتقالي وطبعا لا تنسين البلاشر يبرز الويه وبخصوص عجينة الحواجب انا اشتريها عند الشاه بندر اسمها عجينة بلاستيك حلوه وبعد في عجينة حواجب مكياجي حلوه وبانصحج حبيبتي المكياج حسب بدلتج ولوكج مثلا البدله غجرية كثري الكحل الاسود ويكون مكياجج سموكي وحمرتج تبرز الشفايف واتمنى اني افتدج ..
