الله يكون بالعون صبري وتذكري انها امج ولازم تعاملينها باحترام وتاكدى ان الله سبحانه اذا حرم انسان من نعمه يعوضه باحسن منها
آآه والله اني ماخلينا شيء الا وسوينااه معااه بس شوو اقوول غير الله يهدييهاا ويصلحهاا يااربي ومشكووورين واايد ع الرد ويعطيكم العاافييــه ..
حبيبتي امج اتحبج وهذا كله من حرصها لا تفسرينه خطأ الزمن هذا صعب وهي بروحها من غير زوج ولا لو ما تحبج كان خلتج تطلعين وتروحين على كيفج بعدين انتي حاولي اتكونين معاها دايما وما تعارضينها وقولي انشاالله عشان تثق فيج بعدين حاولي اتغيرين اللي ما يعجبج فيها لكن التصادم معها ما ينفع وترى راعي انها افقدت زوجها وحبيبها وأبو اعيالها خليج مكانها مثل ما قالت خالتج حنو عليها وترى الضم والبوس طبع وتقدرون اتغيرونه بس بالصبر وهذا كله أجر لج
المثل يقول اتبع اللي يبكيك ولا تتبع اللي يضحكك لان اللي يبكيك يبكي عليك واللي يضحكك يضحك عليك .. امج كل اللي تسويه من خوفهاا عليكم احنا في مجتمع شرقي فيه البنت ينخاااف عليهاا بشكل مو طبيعي والاولااد مهما سوو يضلون اولاد وشايلين عيبهم .. وهي لو ماتحبكم جان ماخافت عليكم تذكري اذا كنتي مريضه والا تعباانه والا زعلانه من شي شلوون بتكون اكيد بتتضايق عشاانكم وغير هذا ان الام مهماا تفعل حتى لو كانت قاسيه واجبج الاحتراااااااااام ثم الاحتراااااااااام ثم الاحتراااااااااام والطاااعه لهااا .. واكبر غلط سويتيه تلبسين بنطلون وانتي تدرين رافضه هالشي وغلط تلبسين شي هي موراضيه عليه .. تدرين ان امج لو تحملينها على ظهرج وتحججينهااا ماتسوى زفره من زفراتها وهي تولدج وهذا مو كلامي انا هذا حديث صحيح للرسول بس للاسف مو حافظته هذا فيما معنااه .. ربي يهديكم لهاااا ويرزقكم بالازواج الصالحين وماراح تحسون بخوفها الا لما تجربون الامومه ..
هلا أختي . . . تصدقين لو بنتي بعمرج كنت براقبها وبشوف شنو تسوي حتى اللبس ةسةالف الحف والتكشخ . . . وحتى النت بخليها تشبك جدام عيني وما اايد اللي بنتها مراهقة ولاب توب وبغرفتها . . . النت عالم مخيف حبيبتي كل شي متوفر وبين ادينج واهي ادري بالنت وباللي فيه . . . يعني مراقبتي لبنتي من حرصي وخوفي عليها . . . ولما اكشخ او البس او احط مكياج فبنتي مو شغلها ولا من حقها تحاسبني انتي ليش تحطين وتسوين وانا لا!! هالشي ينرفز ويضايق لانج بنتها واهي ادري بمصلحتج منج . . . وسالفة انج تنامين بيت عمج اهي تخاف عليكم لانها مو وياكم لكن عند خالتكم اهي وياكم والله خير الحااافظين . . . حبيبتي هذي امج وقلبي عورني شلون تتكلمين عنها وتتشكين منها !! الله يخليها لكم والله لويصير فيها شي مافي احد بيحن عليكم ولا يرحمكم غير رب العالمين . . . في امهات صعب يظهرون حنانهم امي من هالنوووع لكن كنت اعرف حبها واشعر فيه من حرصها وخوفها على . . . ولما تزوجت عرفت شنو شعورها لاني جربت الظنى واصبحت ام . . . وبتتذكرين كلامي لما تكبرين وتتزوجين ويصير عند ج اطفال بإذن الله . . . ونصيحة لا تذكرين امج بسوء جدام اهل ابوج او اي شخص غريب . . .
