بنات تكفون انا من اول حملي الى الان بالشهر الثامن واعاني من افرازات بكثرة وطلعت فطريات عالجت عطوني غسول وتحاميل وكريمات بس ماكو فايدة للحين الافرازات موجودة بنات تكفون من صارلها مثلي شلون تعالجت طمنوني هل رح يأثر على البيبي بالولادة هل هي مضرة ؟؟؟؟؟؟؟
اتوقع لازم تتعالجين عن الفطريات والالتهابات عشان البيبي ينولد طبيعي اتبعي كلام الدكتوره عدل عشان تعالجين اللي فيج واذا الجماع يضر وقفيه . عشان سلامتج ديري بالج.
حبيبتي استمري على العلاج بالاضافة اخذي مسحة بسيطة من الفازلين ومسحي فيها من تحت مع تغيير الملابس الداخلية باستمرار وأمانة ادعي لي
على فكرة لا تحاتين انشالله ما تؤثر على البيبي بس اذا الولادة طبيعى المشكلة لاح يكون الغشاء خفيف ووقت الولادة يتمزع ويكون صعب في خياطته فديري بالج واسفة ماأبي اخرعج بس لازم أصارحج على فكرة استعملتي تحاميل البيتادين ترى هم زينة؟
مشكوره حبيبتي الله يوفقج يارب انا بس ابي اعرف اذا الفطريات تأثر على الجنين بس ليش الغشاء خفيف من شنو ؟
شوفي حبيبتي اول شي لازم تتاكدين انهم فطرايات اذا فطريات علاجهم سهل اول شي ياتروحين دكتور شاطر او تروحين الصيدلية يعطونتج تحميلة وحدة تجي وحدة بالعلبة حق الفطريات ومعاهم هم حبة وحدة للشرب ولازم تنظفين المطقة بشاش مع بيتادين مرة باليوم وبعد 3 ايام يختفون نهائيا وما تشوفين شر الفطريات تكون عندتج حكة تكرمين مع البول تطلع شغلات لونها ابيض
هلا اختي . . . عالجي هالفطريات مو بس انتي بروحج حتى زوجج بعد لان احتمال انتي تتعالجين واهو يردها لج . . . مو زينة هالفطريات لعيون الجنين لما تولدينه . . . تعالجي انتي وزوجج وماتشوفين شر . . .
والله حبيبتي انا مو عارفة يضر ولا لا انا كان عندي نفس المشكل بس ما كنت حامل ولا حتى متزوجة ورحت كدا دكتور بس مو بالكويت كنت برة الكويت واخر واحد وصفلي العلاج لي قلت لتج عليه وهم قال لي انو يمكن العدوى كانت تكرمين من الحمام وكنت كل يوم اروح للعيادة ينظفون بالبتادين لي هو معقم و مطهر والله بعد ما كنت اعاني شهر كلشي راح بيومين بس انا ستمريت بالتنظيفات اسبوع عشان ما يرد انتي هالحين حامل وهم متزوجة يعني يبيلتج علاج غير اهم شي توقفين الجماع عشان ما تنتقل للزوج وهم لازم تعالجين قبل الولادة عشان ما ينتقل لعيون البيبي اما الحين ما اتوقع ياثر على البيبي
