ساعدوني حبايبي بروح ماليزيا

حبوبات انا بسافر ماليزيا شهر سبعه ان شاالله ابي اعرف كم ميزانية التمشية والمطاعم و التكسي فقط بدون التسوق . لشخصين كبار وثلاثة صغار ومدة السفر اسبوعين يعني كم تقريبا آخذ معاي مبلغ وشكرا

حبيبتي في موضوع في المنتدى موجود اللي تبينه أو شوفي المسافرون العرب

والله حبيبتي من دون تسوق ممكن الف لان ماليزيا مو غاليه
وتقبلي مروري

يعطيكم العافية على الردود

هلا وغلا ........ متى سفرت وعلى اي خطوط بتسافرين وجم اطلعت عليج التذكرة للشخص ؟

هلا واللهkeeka بنسافر ان شالله 10-7-2010 على الخطوط السيريلانكية والتذاكر على 210 للشخص الكبير والصغار اقل بشوي يعني التذاكروالسكن لمدة اسبوعين طلعت علينا ب1500 دينار

وينكم يابنات ليش ماتردون:mskket:

ما شاء الله رخيص طلع عليكم 1500

انا اذكر اني حجزت التذاكر ب 900 والسكن كانت الليلة ب 50 كويتي في فندق البرنس يجنن بس انا خذت شقة ..

لا يطوفج احجزي بجزيرة بننغ تجنن انا الجبل جنتنغ ما حجزت فيه لا رحت له مرتين بتاكسي من الصبح ليما الليل واو رهيب لا تنسين لازم جاكيت .

الأكل عندهم دوري دايم المطاعم الهندية نفس اأكلنا عشان الصغار

روحي سوق سوقو يهبل ورخيص

لا تسكنين بتايمز سكوير كله صراصير
تايمز سكوير تهبل العابهم للأطفال

وموفقين

مشكورة اختي توت عنكبوت بس ماقلتيلي كم تكلفني

حق اسبوعين حبيبتي اعتقد كافي 1000 يعني مطاعم وكافيهات وخرابيط مني مناك وزيدهم 500 اذا فيها تسوق
انا رحت ماليزيا 3 مرات وكنا (2 كبار و4 صغار) والسفرة بكبرها تطلع 4000
2800 تذاكر وفنادق والباجي التسوق والمطاعم والتنقلات.. وعموما هالسالفة تفرق من شخص لشخص حسب صرفه وتسوقه واذا يبي يشتري صوايغ ولا ... وراح تستانسون فيها وايد لأنها عائلية وحيل آمنة وقوليلي الأماكن اللي بتروحينها عشان افيدج اكثر
وسامحيني عالإطالة حبي

مشكورة حبيبتي عبير 1977 على المساعدة وبالنسبة للمناطق اللي بنزورها << كوالالمبور - لنكاوي - بياننج - جنتنق - افاموزا >> وبالنسبة لجنتنق ولنكاوي مو حاجزين فيها يعني بس يوم ونرجع وابي تقوليلي يحتاج آخذ معاي اكل للطوارئ حق عيالي ترا اول مره اخذهم معاي وماأدري شنو اسويلهم وقوليلي على المطاعم الحلوة هناك والاسواق الرخيصة

حبيبتي بقولج على افا موزا موحلوه وحاره ومافي مطاعم احنا حجزنا بالمنطقه هذي وتحسفنا مافيها الا حديقة حيوان بس وسكنا احنا بفله حلوه فيها حمام سباحه وسلامتج

لاله الا الله محمد رسول الله

مشكورة اختي ام غالية

حبيبتي الله يه***م مسبقا بالسفرة وصدقيني ماراح تندمين لمل تروحين ماليزيا انا رحت لها الصيف اللي فات مع بناتي صغار بس استمتعنا حيييييييل وناسة وشغل عدل والتمشية فيها ماتكلف وايد بس بالضبط مااعرف لان زوجي هو اللي يدفع لكن اشوفه مستانس لانها ماتكلف

اللة معاكم يارب وتروووحون وتردون بالسلامة - ماليزيا الاكل واااااااااااايد رخيص بس المطاعم العربية شوي غالية لايوفك مطعم الطربوش ومطعم ناااااااز وقزريها شوي بمطاعم الوجبات السريعة ترا وايد رخيص وانصحك تروحين محمع لوت تن lot 10 عجيييييييييييييب وروحي مجمع بافليون وعيالي يسمونه مجمع ابو ثووووووووووووور كل ماركات عالمية وسوق سوجو لا يطوفك كل شئ فية ملابس جمعية عطوووورات مطاعم رخيص وفية ملابس ماركة وحلو بعد للهدايا اللللللللللللللللللللللللللللللللة معاااااااااااااااكة اتمنى لكم رحلة سعيدة

مشكورين خواتي على المساعدة وماقصرتوا

يابنات بقى اسبوع على السفر تكفون ردوا علي وقولولي بعد عن تكلفة الحجز الداخلي من المطار الى بيننج

مصرف حق سوق ومواصلات وسوق 1000 كافي وحطي احتياط زياده 200 دينار بس ماليزيا مو غاليه
اذا بس سياحه ومطاعم من غير سوق كافي 600
انا مع زوجي وعيالي اثنين سوق واكل ومواصلات كلفنا بحدود 1000 والتذاكر مع الفنادق 1200 تقريبا او 1300بس سفرتنا كانت صيف 2007
بس الحجز الداخلي مادري انا مارحت جزر بس كوالالمبور وافاموسا وجينتيج وصن واي لاقون
بس الداخلي سمعت انه التذاكر ب40 او 50 دينار هالمحاري اتاكد واقول لج
بس مطاعمهم مو غاليه حتى المطاعم العربيه اسعارها زينه مو مثل المطاعم العربيه باوربا صلخ يعني انتي وزوجج وعيالج بالمطاعم العربيه من 20 لي 30 دينار في المره الوحده عكس اوربا انتي وزوجج وعيالج من 80 لي 100 دينار في المره الوحده حق المطاعم العربيه
وعناك ماليزيا ماكدونالدز وكنتاكي والوجبات السريعه رخيصه
لا يطوفج مطعم ناندوز في مجمع برج التوام روووووووعه مو مثل الي عندنا بالافنيوز كلش مو حلو
ومطعم الطربوش وخيمه الصحراء في شارع العرب

مشكورة اختي مزيونة اكويت ويعطيج العافية