تنبيه :موضوعك التجاري لن يظهر إلا بعد موافقة الإدارة

السلام عليكم ورحمة الله وبركاته

نود اعلامكن بأن اي موضوع يكتب في قسم المستعمل لن يظهر إلا بعد موافقة طاقم الإدارة ومشرفات القسم . . .

لذا عند كتابة الموضوع لن يظهر وانتظري لحين موافقتنا . . .

ويرجى عدم مراسلتي بخصوص المواضيع او مراسلة المشرفات

والمدة من 24ساعة الى 48ساعة حتى يتم ظهور الموضوع

قمنا بهذه الخطوة بعد استغلال بعض العضوات لمول المستعمل في عرضها لتاجرتها وانشطتها التجارية

دون الالتزام في قوانين المول التجارية . . .

حيث أن المول التجاري اصبح الآن برسوم واشتراكات سنوية . . .

لذا نأسف على الازعاج ونتمنى تقبل وجهة نظرنا . . .

كذلك من حق العضوة أن تكتب فقط موضوعين في قسم المستعمل خلال شهر واحد

وفي حالة انتهاء مدة العرض والبيع يرجى تبليغنا في ذلك .

كذلك يرجى متابعة الموضوع وردود العضوات والتواصل معهن عبر المنتدى والخاص

وعدم كتابة رقم الموبايل او الهاتف أو الإميل في الموضوع على العام .والله ولي التوفيق . . .​

ابي احط موضوع شلون

هلا أختي . . .

إذا موضوعج في قسم الاعلان او المستعمل او الطلبات التجارية عادي كتبيه ونشوفه . . .

أما بقية اقسام المول فغير مسموح لانه برسوم واشتراكات . . .

صباح الخير ام عبدالله انا عندي بدل وابي ابيعهم شلون الله لا يهينج

هلا اختي اذا البدل مستعملة اعرضيعهم في هالقسم . . .

وان شاء الله اول ما تكتبين الموضوع بنوافق عليه . . .

حبيبتي عندي استفسار

عندي جم بدله مستعمله من جهااز عرسي وابي ابيعهم شلون؟؟ لازم اشتراك؟؟ انا مو تاجره بس بدلاتي بعرضهم

هلا اختي . . .

اكتبي موضوع واعرضي فساتينج

وحياج الله

السلام عليكم انا عندى علب وحابه اعرضهم شلون الطريقه

صباح الخير ام عبدالله انا عندي بدله سهره يديده مو مستعمله وابي ابيعها شلون الله لا يهينج

هلا اختي . . .

هالقسم فقط للمستعمل العروض التجاية لها اقسام اخرى وتستوجب اشتراك سنوي مدفوع القيمة 15دينار كويتي

هلا اختي . . .

صباح الخيرات يارب. .

طيب استثناء دام بدلة وحدة اعرضيها في قسم المستعمل . . .

وموفقة في بيعتها مقدما . . .

ام عبداللة عندي دراريع وبعرضهم قلتولي دفعي اشتراك 15 بالشهر اوكي وين ادفع المبلغ وكل شهر ادفع ولا عادي شهر اي اذا بعرض وشهر لا اذا ماني عارضة بضاعتي ولا لازم كل شهر سواء عرضت او لا ردي ضروري لان عندي عبي ودراريع ومشكورة مع توضيح شلون طريقة الدفع

تكفين ساعدوووووونى كتبت موضوع وماطلع؟؟ليه ابيكم تساعدونى

كنت ادور على موضوع قديم وماحصلته وابى البدله اللى عارضتها وحده ولكن نسيت معرفها فعندى فقط عنوان الموضوع والاعلان حقها الله يفرج همك ساعدونى بس ابى اعرف انباعت البدله او لا؟؟لان نفسى فيها وحفظتها عندى ولما فتحت الرابط مايشتغل تكفووووووووووووووون فرجو على تكفووووووووون


هذااا عنوان موضوعها,,,,,,


بدل سهره 2009 خيال روعه للبيع,,وبسعر يعجبج



تكفوووووووووون ابى الرابط حقها او صاحبته ابى اتواصل معها الله يوفقكم,,

مشكورة اختي ام عبدالله ماقصرتي يجعله في ميزان حسناتج انشالله

صبااح الخير ام عبدالله

كتبت موضوع عن بدل مستعمل

من امسفيليت موضوعى ينزل بعد قبولكم له

وشكرا لكم

هلا خواتي . . .

يوميا نجيك ع القسم اكثر من مرة واي موضوع يتم كتابته اذا مستعمل نوافق عليه يعني لا تحاتون اكتبوا موضوعكم مرة وحدة وانتظروا جمن ساعة . . .

وحياكم الله

ام عبدالله يقلبي انا كتبت عن فساتيني ابي اعرضهم بس مانزل عرضي قولي لي شسوي

هلا اختي هتون . . .

بجيك ع القسم وبشوف موضوعج

ام عبدالله الله لايهينك عرض فساتيني للحين مانزل مع اني كتبت الموضوع مره ثانيه

هلا ام عبدالله ياقلبي نزلت موضوعي عارضه فيه بدلي انا وخواتي بس مو منزل مادري ليش