السلام عليكم اخواني واخواتي الاعضاء اريد نصيحه الى صديقتي وهي ندمانه جدا على مافعلت بزوجها و لديها ولدان كانت نكديه جدا اسوي مشاكل مع زوجها ومطالبها كثيره فوق طاقه الزوج وهو مو مقصر معهاالراتب كله في ايدها بس علشان يرتاح من صراخها وسبها واخواني جم مره يشفونه يجمع معادن في الخمايم من بدايه الشهر علشان البترول سيارته ووصل الحال ان زوجها مايقدر يتكلم معها في بيت كله ساكت صار يخاف منها واول ماكان جدي وايضا يحاول بقدر مستطاع ان يكون بره البيت لانه اذا دخل البيت على طول اتصارخ عليه وتتطلب واذا رد عليها تعصب وتسب امه واهله باالفاظ مستفزه جدا ووسخه لااستطيع كتابته وحتى تقوم بضربة باي شيء وتقوم بحركات صبيانيه في وجهه وهذا الكلام هي من قالت واعترفت لي وكنت اقول ليها ليش اسوين في جدي اتقول لي ماابي كله يقول ماعنده وبعد شكله مو عاجبني كأنه هندي وجاء اليوم الي ماقدر هذا الزوج ان يمسك اعصابه وضربها ولكن اعتذر منها وبعدها بفتره ايضا فقد اعصابه وضربها مره اخره وتكرر هذا الشيء اربع مرات وفي الاخير كان الضرب مبرحا فهي تستفزه باالفاظها واصبح حياتهم الزوجيه تنهار وقد طلبت هي الطلاق وجلست في بيت اهلها واصيب الزوج بحاله ضيق وحزن شديد لايستطيع ان يتكلم معها بكلمه ولا مع احد مما دعاه ان يذهب لي استشاره طبيب نفسي وقد استغلت هي هذا الشيء ورفعت دعوى الطلاق للضرر وادعت عليه بالجنون وان يتعالج في الطب النفسي وادعت بأنه يقوم بضربها بدون سبب هي واطفال وادعت امور غايه في الاشئزاز القصد منها حرمانه من رؤيه ابنائه وقد نجحت هي وامها فعلا بااسلوبهم بأن يحرمونة من ابنائه قرابه سنه وحتى مسكين كان يقعد على عتبة بابهم يصيح يبغي يشوف عيالة واتهمتة في المحاكم انة يتحرش فيهم جنسيا وتقول كان يجي المحكمة ويبكي جدام القاضي يقول ابي اشوفهم وحشوني الى ان جاء اليوم الذي انتقم الله منها ومن امها بطريقة فيها عبرة كما تدين تدان لا اريد ان اكتب ماحدث لهم وذالك نزولا عند طلبها لاانة مسالة اخلاقية سبحانك يارب كما تدين تدان طبق اصل مافعلو بهذا الزوج حدث لهم لاقرب الناس لهم وهي الان ندمانه واما عن الزوج فهو لايريد مراجعتها فقط يريد ان يرى ابنائه ويصرف عليهم ويهتم بهم وهي خايفة من انتقام زوجها وخايفة انه ياخذ العيال منها وبرغم انة طيب وما رضا يرفع عليها دعوى رد اعتبار بعد رفض جميع اعائاتها في المحكمة وطلع براءه بس بعد خايفة خصوصا ان صدر حكم بان ياخذ عيالة جمعة والسبت كل اسبوع واني محتاره وش اقول ليها بس قلت ليها توبي الى الله والله يصلح الاحوال واترك لكم الردود في امان الله
صراحة هذي ظالمة وبصراحة فسقانة حنا نسوي البلاوي علشان يرضون وهي فسقانة لا وشكلة مو عاجبها ....؟؟؟ ليش خذته ... وليش جابت منة عيال هذي بالعربي ظالمة مااقول الا الله لايبلانا كماتدين تدان
صراحه وحده مو صاحيه وفيها نقص ومريضه نفسيااااااااااااااا والله يعوضه باللي احسن منهااا وتصوونه وتعفه وتنسيه الهم اللي عااشه وياهاا .. ونصيحتي له هو انه يرفع دعوى ضدهاا وياخذ عيالهاااا والا هي الحجي معاها ضايع .. سوري خيتؤؤؤ بس جد ترفع الضغط وتقهر تصرفاتهااا ربي يهديهااا ويصلح بالهااا ..
لا حول ولا قوة الا بالله ان الله لبالمرصاد يمهل ولايهمل والله غفور يقبل التوبه ولازم تتوب وتكفر عن ذنبها والله رحيم غفور يقبل التوبه فابواب التوبة مفتوحة وتقدري تقوليلها تتصل عليه تعتذر وتطلب منه انه يسامحها حتى لو ما رجعها لزمته بس عالاقل يسامحها حتى لا يكون الانتقام اكبر والله الهادي
استغفر الله رجاااال مايقول لهاا شي ومخليهاا على كيفهاا ماتوصل الي طق الزوج مهما كان الرجال قوامون على النساء وفعلالا مثل ماقلتي كما تدين تدان شوفي ربج شنو سوى فيهاا اول شي الاستغفار وخليهاااا تتصدق على الاقل وتكفر عن ذنبها باجر تشوفه بعيااالهااا ماعندي كلام الا اقول لها عسى ربي يعوض زوجهااا بانسانه افضل منها لانها المفروض اهيا الي تروح تعالج نفسها بالطب النفسي
الجـ حزن ـوري سولا الواهمة ام محمد احلى العيون اشكركم على الردود واسال الله لها الهداية وهي لاتريد سوى راحة الضمير وزوجها انسان متسامحة بس اتمنا منها خطوة وحدة انها تحسن المعاملة معه ولا تحرمة من عيالة وهو ان شاء الله مسامح
بعض الحريم ماينعطون وجة تصبحينها بطراق وتمسينها بطراق وهذي وحدة منهم استغلت طيبتة الزايدة اذكرج والايام بينا خل يكبرون عيالها وشوفي شلون بيقلبون امهم بالمحاكم كما تدين تدان واذا م بعيالها بحريمهم بيسلط عليها المرا الي ترفسها رفسة الكلب اعزكم الله من الباب ومراح ينفعونها عيالها شنو استفادت بفهم الحريم بنات بيوت مو لاقين معرس هذي رافسة وجاحدة النعمة ودعووووووت المظلوووووووم مستجابة وتبين في الدنيا قبل الاخرة بتشوف النكد بدنيتها الظالمة وحرمت نفسها من ريح الجنة لانها عصت زوجها وطعنتة بشرفة وماضن اسلوبها وحدة تصلي وتصوم كل المحارم سوتها كل شي ينرد الا دعوت المظلوم مستجابة خلاص لاتفكر ترد لان عافها الخاطر الله يهديها وبعد حرمت ابو من عياله ورفعت قضايا ضد المسكين الناس تدور الستر لو انة اردى الرياجيل دوب المسكين الي يدور على رضاها وكل واحد قوي في الي اقوى منة خلها تمشي على هواها وشوفي مصيرها وذكرينا بمصيرها يقول المثل انك لن تستطيع ان تهدي من احببت ولكن الله يهدي من يشاء الله يلين قلبها وتخلي الابو يشوف عيالة اذا ماشافهم بدنيتة وشبع من كلمة يبا متى بشبع منها ويشوفهم ماتسوى دعوة عليها بضهر الغيب تنهي حياتها على معصية اذا انتي طبعج جذي مو كفو الاحترام والرجال والاولاد ليش تربطين مصيرج وتزوجين
اختي دراريع العليا الف شكر على الرد والمشاركة هي تقول انه كان دائما من البداية حياتهم الزوجية كان يطلب منها تتعدل وكل يقول ليها روحي تعدلي اشوي وكلة مو عاجبة لبسها من جدي هي انقهرت عليه وبعد راتبة ضعيف ماكان يعطيها المبلغ الزين وما كان يحب يطلع واجد ويزاور الاهل كان كلة في الشغل يقول علشان يغطي الايجار الشقة والمصاريف من جدي تمردد علية علشان يطلقها بس هو قام يعطيها الراتب كلة علشان ماتسوي مشاكل وهو في الفترة الاخير كان كلة ساكت مايتكلم معها في شيء يعني صمت قاتل ويوم كلمو اهلها قال اخاف اتكلم معاها لانها تسب وتهاوش علشان جدي هي تمردد زيادة علشان تتخلص منه اما عن موضوع الادعائات وحرمانة من عيالة قالت تبغي تتنقم منه لانة ماعيشها في سعادة؟؟
العفو بس صديقتج جاحدة في ناس يعيشون على خبز وماي ماسوو سواتها الله يهديها وماقصر الرجال قالها تعدلي يمكن اهيا مهملة بحياتها ياما نشوف ناس احلى البس عليهم وعند رياجيلهم يفشلون يمكن الرجال يبي يشبع عينة بالحلال يبي يشوف الي برا عندة وتلاقينها لابسة شلحة وقاعدة والله الفلوس مو كل شي ياااامااا ناس بعز وحياتهم نكد وناس فقرانة يحسدون الاغنياء على عيشتهم وشدخل الانتقام بشوفة الابو عيالة هذا حقة غصب عنها يشوفهم بس الله يهديها
ولله مشكلة صج عندها مبرر مقنع يعني شنو قال ليها تعدلي مو من حقة عيل ليش تزوج ومافيها شي اذا كان يشتغل زيادة مو يشتغل علشانهم ولله في ناس ملستاهلون الله يهديها
شوفي اختي قولي لها اول شي تطلب منه يسامحها معشان يرد لها لا عشان الله يغفر لها ماسوت وخلها ترووحله وتقول له حللني انا غلطت بحقك ادري انك كرهتني انا ما استاهلك ابي منك تسامحني وانا ما اجبرك تردني ابي منك السماح عشان الله يغفر لي ذنوبي وبس وتتوب لله والله يهديها تراها ظالمه قولي لها انتي ظالمه وين تروحين من غضب الله
اختي هااي مجرده من الاحاااااااااااااااااااااااااااااااااااااااااااااااااااسيييييييييييييس .. شلوون عااايشه و تستااهل كل اللي صاار لهاا اهي ما تدري انه دعوة المظلووم مستجاابه انا لوو منج بترك صدااقتهاا
الصراحه هذي مو انسانه واي شي يصير لها تستاهل عبالها الدنيا فوضه ربج يمهل ولا يهمل خليها تذوق العذاب الي ذوقته زوجها صدقيني هالانسانه تبي الدنيا تعلمها ولو ما حصل لها جذي جان لقيتيها لحد الحين تمشي وتظلمه والله الي بمكان زوجها يمكن حتى يقول مالي شغل بعيالي بس خل تحمد ربها انه انسان فاهم وعاقل وطيبه مغطي كل شي وصدقيني يجيها يوم عيالها يسوون فيها جذي ويمكن لمه يكبرون يهدونها الله يهديها خل تروح العمره وتغسل ذنوبها ترا شي مو هين اعوذ بالله
حبيبت قابقوسين او ادنى كل بنى ادم خطاء وخير الخطائين التوابين ورفيجتك يحبها الله لانه ابتلاها وحست بغلطتها انا ما اقلك هيه ووووووووو كما تفضلن اخواتى وماقصرو بالردود بس اقلك قوليلها دام عرفتي غلطك ومافعلتي بزوجك المسكين انتي استخيري الله واطلبي السماح من زوجك ابو عيالك وان شاء الله بسامح لانه طبعه التسامح كما عرفت وان تحبي ان يتوسط بينكم برضو حاضرين لانه طبيعتى اساعد واصلح الاشكالات خليها تروح له وتستسمح منه ترى كثير من الزوجات يتمنون ازواجهم على خلق زوجك وحاسدينك عليه لانه الصبر عند الرجل لحد معين وانتى ما قدرتي هاى الشيء وابتليتى وان شاء الله افقتي من الابتلاء بندم وشخصيه اخرى فستغليها وارجعي الي زوجك واولادك هداها الله وشرح صدرها لطريق الخير طمنينى عليه
بصراحه لازم رفيتقتك إتوب الي الله وتصلي ركعتين توبه وتوب توبه نصوحه وتطلب من زوجها يسامحها لإن أصعب شي إنها إتكون ظالمه وإذاتقدر تعمل صدقه جاريه وتستغفر وبتمني إن ربنا يسامحها
