السلام عليكم حبايبي عندي سؤال وبعرف اذا هالشي طبيعي ولا لأ انا الحين بفترة الاربعين يعني باقيلي اقل من 10 ايام واخلص ان شاء الله من قبل اسبوع تقريباا وقف الحليب وماقام ينزل وماقمت اقدر ارضع طبيعي هل هالشي طبيعي ؟؟؟؟ وشالحل عشان انزل الحليب ؟؟؟
طبيعي انا جذي ينشف حليب صدري بسرعه ضعيفونه وفقر دم فقمت اعطيها حليب قواطي شسوي حاولي تاكلين اشياء تخلي الحليب ينزل سوي سيرج يقوقل وان شالله تعرفين شنو مدر للحليب لاني ماعرفمن ينشف اعطي بناتي قواطي
انا والله كله من 30او 25 يوم من الاربعين ينشف صدري بس يقولون ان الكرفس-والرشاااااااااااااااااد-والجرجير يدرون الحليب وطالعه من الشر انشالله
الله يباركم فيكم حبايبي .. مشكوووورين عالمساعدة وان شاء الله بجرب اسوي اللي قلتو عليه بس مشكلة ثانية ان بنتي ماتشبع لما اعطيها من صدري يعني اضطر هم اعطيها حليب صناعيو تعور قلبي لما تحوشها غازات
في حبوب تاخذينهم من المستشفى علشان تدر الحليب وفي ابر بعد اذا تبين ماجربتهم بس اختي ممرضه سالتها وقالت لي واذا على سالفه الحليب مايكفي من تجربتي حليب الام مايشبع كللللللللللللش تلقين الياهل كله يبي يرضع عادي انا ارضع الياهل ولازم وراها مميه 2 سانتي علشان يشبع مبروك ماياج وتقومين بالسلامه ان شاءالله
اكلي عدل شكلج ما تاكلين تبين تسوبن رجيم حيلج الخضرة تراها در الحليم وتنفسي عدل خلي ضهرج يقوي لا تسوين رجيم الا عقب 4 اشهر اذا والدة طبيعي و 6 اشهر اذا قيصرية ومبرووووووووووووووووووووووووك ماياج
