السلام عليكم يا خواتي الغاليات موضوعي على لسان اعز صديقاتي حبيت اتشاركوني فيه يمكن يكون مر فيه كثير ولاكن وحده حيرانه وتبي تعرف هل هي بحبها لشخص تشوفه كل يوم وهو اخلاق ومحترم كثير وسمعته طيب بين الناس وما كانت تدري انه متزوج وهو بنفس الوقت يبيهاا وهي متدري( يعني كل واحد مايعرف مشاعر الثاني) اتمنى انقكم فهمتوني!! سنة مر على هذا الحال سبب انه ما صارحها انه يبيهاا انه خاف ماتقبل فيه لانه متزوج وان اهلهاا ما يقبلونه لانه مو من نفس القبيله؟؟؟؟ وصارحته بطريقه غير مباشره (لانها كانت تحس انه مهتم فيها بس كانت تكذب نفسها) خبرته ان جاها واحد وخطبها بس ماردت على الموضوع (يعني تبي رايه ) هني اكتشفت انه كان يحبها ويبيها من سنه؟؟؟ وسبحان الله كانت صدمه لها وهو بعد ماكان متوقع انها تحبه ؟؟ (صدقوني كانت تكلمني وهي تبكي ما ادري من الفرحه ولا من الصدمه) وقال انا شاريك بس عطيني وقت اكلم الاهل وانه عنده زوجه لازم تدري بالموضوع وانه كان دائما يلمح حق زوجته من سنة انه يتزوج .. وطلب منها الاستخاره اذا كتب الله نصيب خير واذا لا هذا نصيب من الله... خواتي .... ابي رايكم في هذا الموضوع الي حير اعز صديقاتي وهي تحبه وانصدمت انه كان يفكر فيهاا بس ما تقدم ولا صارحهاا بمشاعره ناحيتها بسبب انه خايف انه ترده بسبب انه متزوج؟؟؟ خواتي اتمنى ردكم بموضوعي
مساء الخير طبعا انا بقولج رايي وصديقتج لها حرية الاختيار اولا الحب شي حلو واحساس جميل الكل حسه ومر فيه لانه بختصار احنا بشر وبوضع صديقتج اذا كانت توها في بداية عمرها يعني جدامها اشخاص افضل لاتبني سعادتها بتعاسة الغير طبعا اكيد بتفرح انه يحبها ويبيها وتبي تتزوج لكن بعدها بتحس بالغيره والمشاكل انه بيروح لمرته الاولي واحنا حريم واكيدددددد الغيره بتذبحها الف بالميه جذب لو قال راح يعدل طبعا الحين الرجال صار يدور على راحته واغلبهم متقلبين انا من رايي ترفض هالزواج احسن لها افضل تتزوج واحد لها بروحها وتبدي حياتها بفرح بدون تعب الغير تخيلي لو انتي متزوجه ودخل عليج زوجج بزوجه ثانيه قهر وانا طبعا مااخالف الشرع اعوذ بالله لكن لتعدد الزوجات شروط واكيددددد بيقول لها انا مومرتاح معها ولا مهتمه فيني او اهلى اختاروها لي وانتي الي اختارها قلبي يعني اعذارهم صارت معروفه اشتري راحتج افضل والله لاتزوج احسن من انها تصير زوجه ثانيه:sad_smile::sad_smile:
بارك الله فيكم خواتي على مروركم وردكم انا ما اتدخل في اختيارهاا بس هي ما هي صغيره ولاهو صغير انا عطيتها رايي والزواج قسمة ونصيب ولازم تتقبل كل شي اذا صار الزواج او مصار وان شاء الله يرزقها الله رجال يصونهاا ويعرف قدرها سوى هو او غيره وجزاكم الله كل خير
امر رفيجتج عجيب تدري انه متزوج وتمادت في مشاعرها !! الحب ما يولد فجأة يبيله خطوات وهي سمحت لنفسها بالاستمرارية لغاية ما حبته !! الافضل تستخير . . .
