السلاااااااااااااااااام عليكم .. اشرايكم يا بنات باللي تفتش في تلفون زوجها ؟ انا و الله اعرف اكثر من وحده تفتش في تلفون زوجها , صراحه هالشي ما يعجني كللللللللش حتى لو كانت شاكه فيه ما تفتش في تلفونه .. صح كلامي و لا لأ ؟؟
صح حبيبتي اكبر غلط ان الحرمه تفتش باغراض زوجها بغيابه .. وانا بعد وايد اسمع حريم يفتشون بفون ريلهم ..طيب ليش!!! ليش اتييب عوار الراس لنفسها!! انا من رايي الحرمه ماتفتش عسب تحافظ على زوجها وبيتها .. ومن كم من يوم سمعت فتوى بهالشي على قناه دبي الشيخ يقول غلط الحرمه تفتش بفونه طيب شكته وشافت انه يخونها شو بتسوي يعني ...طبيعي اغلب البنات عقلهم صغير ويطلبون الطلاق وعبالهم هذا افضل حل لتأديب الرجل .. والريال مايهمه شي بالنهايه الحرمه هي الي تتعب نفسيا والريال يلاقي الف حرمه غيرها .. فيه حريم يايخشون هالسر ومايخبرون احد ويصبرون او انهم يطلبون الطلاق .. فالحرمه العاقله الرزينه تبتعد عن هالتصرف القبيح والشك والغيره الي ادمر حياه كثير من الاسر.. الله يهدي جميع المسلمين ويوفق جميع المتزوجين ويبعد عنهم طريق الشك والغيره
[/color][/color]حبيبتي وانت الصاجه انا ماايد هذا الشي مهما يكون ثقه بينهم وتفاهم هذي المفروض تشك في عمرها وبهذي الطريقه تتعب نفسيتها من المراقبه
والله هالشي ماوراه الا الدوخه وحرقة الاعصااااااااااااااااااااااب .. لان الرجااال ذكــــــــــــــــــــــــــــــــــــي يعني اذا بيخوون ماراح يخووون بتلفوونه اللي عندج كلش كلش بيشتري له خط ويحطه بدرج سياارته والا اي مكااان ثاني .. فليش الدوووخه وعوار الرااااس ادعي له بالهدااايه وان ربي يحفظه لي ولعيااااله هذاا افضل حل والله افضل من المراااقبه ودوخة الرااااس وعن تجربه .. صج لازم تكوون الغيره موجووده بس بحدود المعقووووول اذا حسيت بشي شفت شي اهني تشتغل قروون الاستشعااار ههههههههه انا افتش بتلفوونه على الصاااعده والنازله والله مالهاا لزمه .. يسلموووو حبوووبه ع الموضووع الحلووو ..
صدقتي والله>>>>اللي تنبش بتتعب حتى لو تلقى اللي مايجوز لها بتدخل بداومة مشاكل والله دام الرجال معها زين ومو مقصر >>>>ماله داعي تفضخ عينها بأصبعها
كنت افتش قبل وكل ماافتش انصدم وجكني مره وقام حط رقم سري وافااا عليكم عرفت الرقم السري وهم افتش الحين كيفه ماعاد افتش او اطل بتلفونه بس اللي يقهرني هالبلوتوثات اللي تندز له جنهم مو شايفين خير بس افاا عليكم مااعااد عادهااا
الي تفتش ماتحصل غير عوار الراس وتعب القلب والله عن تجربه يوم كنا نفتش ونتعب من الي نشوفه ماحصلنا غير المشاكل اما الحين كبرت راسي وبالطقاق ذنبه على جنبه والحمدلله من تركت التفتيش ارتحت نصيحه للكل لا تنبشون تشوفون شي مايرضيكم وزين انه من وراي ولا قدامي
أنا مره سويتها واكتشفت اشياء معيشتني بجحيم من الشك والغيرة ع الرغم ان التليفون موب له لأخوه بس يستخدمه فترات وأول مرة بحياته يزعل مني بها الطريقه وماتم يكلمني اكثر من اسبوع لكن آثار هالحركه اثرت فيني سلبا اكثر منه اهوه حتى صرت اشك بتصرفاته كلامه كل شي ماعاد مثل اول وحيل تعبانه من شكي
مآأحب افتش بتلفوونه وهو نفس الشي عمره مافتش بتلفوني بس مرات بشوف شنوو الشغلات الجديده عنده وهو نفس الشي والحمدالله عمري ماجكيت شغله موزينه عنده الله لايغير عليناا
وااااااااااااااااي ذكرتين قبل اربع سنين صارت فيني حاله موووووووووووووطبيعيه على طول افتش بس الله لا يوريكم شصار فيني هلكت وتعبت حيييييييييل الحين والله مالي شغل فيه لو يحطه بجنطتي مااااااااااااااااااااااالي شغل فيه ونصييييحه لا تفتشوووون لانكم راح تلقون فخلكم على فالكم احسلكم واهو والله ماااااااااااااااااله شغل بتلفوني خير شر ختى لو ييني مسج الفجر مايسألني منو الثقه والله حلوه حلوه
والله صح كلامكم بنات لكن لي دخل الشيطان والعياذ بالله منه عفس كل شي فوق تحت عيل إشلون مويقولون اعظم شيطان إللي يفرق بين الزوج وزوجته ودايما احط باللي عن تجربه شخصيه اكيد إذا نبشت راح القى شي إكدرني فاليش ايب المغثه حق عمري إذا في شي ربي ماراح إخليني غافله
اذا هي بتفتيشها بتوقفه عند حده غلطانه تجيب الهم لنفسها وهو ماشي على اللي يبغى يعني اذا شافت تلفونه ما فيه شي خلاص انه ماشي صح ابدا انا مافتش ولااهتم اعيش حياتي وواوكل امري لله
بما اني مو متزوجه .... بس عواار راااس افتش بتلفوونه ... واذا لقيت شي مو زين ... او لا سمح الله يغازل او شي مو رااد علي ... يطقني بالطووفه ولا استفيد شي .. بس استفيد حرق الاعصاااب ... وشكرررررا
