تجاربي الشخصيه يارب تنفعكم

السلام عليكم

كيفكم حبيباتي موضوعي عاااااااااادي بس ممكن تستفدين منه وايد ترددت قبل اكتب الموضوع بس قلت يلاااا +يابنت+ جربي حظج

موضوعي بختصار عن اهم الافكار المنزليه الي جربتها بنفسي بالبيت
نبداء اولا بالبيت
1 عزيزتي لو عندك ملابس او فرش كثيره مو عارفه فين تودينها لو بيتك كبير مو محتاج تفكير سوي غرفه خاصه بالملابس الشتويه او الصيفيه والمفروشات كمان وسوي ارفف

لو ماعندك عزيزتي فصلي درج الي هو كبت عندكم و حطيه على هئيه ارفف ورتبي اغراضك جواها



لو بيتك ضيق يمكن تحطينه بالفاصل الي بين غرفتك ودوره المياه اعزكم الله لو فيها غساله ايادي استغني عنها وفصلي الدرج فيها

وهذه صوره











2/ لو عندك ادوات غسيل ومطهرات منزليه محتاسه فيها عندي لك طريقتين

1 /فصلي درج صغير بالحمام ورتبي فيه الاغراض

لو ماعندك الطريقه الاخري 2 / تعرفون المجلى حق المواعين عزيززتي لازم يكون الدرج مالته مايفتح بسهوله لان العيال او اليهال ممكن يفتحونه ويتاذون بعدين تدعن علي لا سمح الله المهم

جيبي ارفف ورتبي فيها اغرضك بذوقك






اذا ثلاجتك الفريز مالتها صغير ومحتاسه مع الحم والدجاج والسمك وا وا واااااااااا

نالك غير طريقتي هذه وهي تجبين ارفف وتضعينها جو الفريز وبذلك يترتب بطريقه جميله ومبتكره

4 لو حابه ريحة المنزل تكون دائما معطره فطريقه انا مجربتها مالك غير اروك معطر الهواء صحيح غالي بس رائع ريحته دائما تشعرك بالنظافه

لو ماعندك اشتري هههههههههههههههه لو ماتقدرين تشترين عزيزتي جيبي غلايه ماء قديمه مو محتاجه لها وضعي فيها من عطرك المفضل وقبل مايجون ضيوفك راح يكون بيتك رائحته ان شاء الله عطره

لو ماعندك هههههههههههههههههههه ليش اضحك مادري بس اكو طريقه ثانيه فكي فلتر المكيف

وحطي فيه عطر وشغليه بالبيت والله رائع وفي ناس يغسلونه الفلتر بكومفرت مال الملابس يحط رائحه نظافه



وراح لو ماعرفين اروك انزل صورته


بالنسبه اعزكن الله لدوراة المياه في طريقه قريتها وجربتها والله من جد رائعه الي هي جبت العملاق الاخضر من السوق وجبت غرشه ماي وبلسكين شققتها قطع صغيره بس مو كثيره وحطيتها بالسيفون لو ماتحبين تجربينها اكو في بالسوق حبيبات خاصه بالسيفون بس مدتها قصيره وتخلص وقيمتها غاليه بس هاذي تدوم فتره طويله وانتم وكيفكم

صوره للعملاق الاخضر




4 لتعطير غرف النوم مالك غير هذه الطريقه لانها الطريقه الفعاله الوحيده بعد عدة تجارب مني

وهي انك تحضرين البخور المناسب ثم حبيبتي ترشين الملابس بالعطر وتفتحين الادراج كلها وتضعين البخور ولا تقفلين الادراج خليها مفتوحه وقفلي باب الغرفه وتركيه ثم افتحي الباب وقفلي الادراج وستظل ان شاء الله الرائحه





تعبت بكره لو شفت في تفاعل مع تجاربي بكمل لكم لو ماكو تفاعل بصيح :sad_smile:


علما اني موظفه ولدي خدم بس مثل عدمهن والله يعينا عليهم ويعنهم علينا :teeth_smil



اكمل معاكم لاني والله ابغي الاجر من الله



تـــــــــــــــــــــــــــــــــــــــــــــــــــــابع الموضوع تحت الله يسعدكم

مشكورررررررره ع الافكار الممتازه

منورره خيتوو

يلاا فينكـم ؟؟

أكيد انفعتنا هالتجارب
و تسلمين و يعطيج العافية
وشكرا

مشكورة وماااقصرتي . . .

سعودية كويتية اماراتية قطرية اي جنسية عربية كلنا خواااات ومافرق بينا ونتفاعل مع المواضيع بغض النظر عن الجنسية

وحياج الله بينا أخت وزميلة عزيزة وبانتظار بقية خبراتج . . .

الله يعطيج العافيه يا قلبي

تـــــــــــــــــــــــــــــــــــــابــــــــــــــــــــــــــــــــــــع

بنسبه لدواليب المطبخ عشان تبقئ فيها رائحة جميله كل ما فتحتي الدرج فعليك مسح الرفوف بماء وخل لتنظيفه ثم

وضع مفرش ووضع الاواني واحذي فازا او صحن ووضع فيها مايلي

هيل مطحون وقرفه ومستكة وصابونه مبشوره برائحة الفاكهه الي تحبينها و قرنفل

بنسبه للادرج جواه كيف ترتبين الحوافظ والقدور والصحون فيها عن طريق الارفف تاخذين رفوف وتفكينها لو المكان ضيق او زي ماهيه لو المساحة كبيره واستمتعي بتنظيم

لو عندك بطاطين كبيره مو لاقيه لها محل الحل عندي اخذي اكياس الضغط لو ماعندك بعد الحل عندي خذي اكياس الزباله وحطي البطانيه جواها وبواسطة المكنسه الكهربائيه اسحبي الهواء وربطيه زين

نجي لتسريحه مالت الغرفه

تجربتي شخصيا
غرفتي ذهبي رحت مكان بيع الاقمشه وخذت منهم دانتيل حدود مترين لونين ذهبي وعنابي وديتهم للخياط بعد ماخذت المقاسات مالت التسريحة والكومدينات وخليته يسويهن مفارش للتسريحه والكومدينات بالون الذهبي اما العنابي فسويتها زي حركة ستاره علي التسريحه طلعت حلوه
بنسبه لفوق التسريحه

شريت صحن زي المراءه وضبطته باقي القماش الذهبي والعنابي على شكل فيونكات علي الصحن ورتبت العطور بشكل حلو جواته

والاكسسورات رتبتها بجو صناديق مخصصه لها

بنسبه لغرفة بناتي


خذت الدروج مالة التسريحه وديتها للنجار وقسمها اقسام لغراضهن الارواج والعطور والاطواق وغيرهااا



وكمان بنسبه لملابسهم الداخليه والبناطيل وغيرها طبعا نفس الفكره فصلتها بدروج وطلعت منظمه


لجمال شعري لاني مسويه فيه هاي لايت تعبت جدا للحصول على شعر رائع وبلاخر النتيجة اني خذت زبادي الي هوه روب عندكم وخليته يقعد بثلاجة شهور عديده ثم اضفت اليه ملعقه ميونيز وبيضه وملعقة عسل رخيص

مشاء الله رائع جربوه ودعولي اذا شعرك جاف ضروري مايونيز لو شعرك دهني مو مهم الميونيز ولا صفار البيضه


لو الموكيت او السجاد اندلق عليه شاي او قهوه او عصير الحل عندي ارجعه احسن من اول اشلون


جيبي بخاخ الزجاج الاصلي وبخي في الموضع ثم انتضري قليل ثم امسحيه وانبهري


لو انحرق موكيتك وابتلشتي فيه عندي الحل جيبي مقص وقصي من الموكيت من مكان مخفي زي تحت الكنب قصي خيط طويل ثم بواسطة الغراء ضبطيه في الموقع المحروق


هذه بعض التجارب اتمنى تعجبكم وانتظروني هناك المزيد

مشكرة وعساك على القوة خووووووش أفكار بصراحة

بصرااحه افكارج تهبل ومشكووووره حيل والله استفدت منهم ومبين عليج راعيه بيت مرتبه اللله يتمم عليج بس ممكن الخلطه حق الشعر با التفاصيل شكررررررررررررررررررررررررا

يعطيج العافيه حياتي صج افكار روعه جاري التطبيق00000

ننتظر جديدك000

الله يعطيج الصحه والعافيه
مشكوره عالتجارب الحلوه

مشكووووووووووره وماقصرتي ع الجااارب ..

العفو يارب يخليكن

مشكوووووووورة على الافادة يعطيج العافية

مشكوره
افكار ممتازه

مشكوره حياتي افكارج وايد روعه ويعطيج الف عافيه

صراحه انتي خطيره

ثانكس ع المعلومات و تسلمين..