هلا خواتي بدخل الموضوع على طول انا صار لي 4 شهور مربية ببنوتي الله يحفظها وبعد مل خلصت نفاس ريلي قال بسافر مع ربعي بروح بانكوك رفضت الموضوع واحتجيت بس ماقدرت عليه وفي النهاية سافر من دون رضاي وقلت في خاطري مب مشكله خلية يسافر ويستانس المهم كمل 10 ايام ورجع وبعد ما مر شهر رجع وسافر بروحه استوت وايد مشاكل من بينا عسب السفرة الثانية عسب ياخذني معاه لكنه قال تعالي على حسابج وقلت له اوكي غير راية وقال بروح مع نسيبي ومول ماكنت راضية لكنه عاندني وسافر وهو يعرف اني زعلانه وشايله بخاطري عليه لكن مااهتم لمشاعري سوا اللي براسه وراح وتم يدق عليا ويقول لي انا ملان لانه كان بروحه قلت له انت بغيت تروح وانت اللي بعدت قربي المهم غير الحجز ورجع قبل الموعد وبعد يومين اخذ لاب توبي معاه ولما رجع البيت رقد المهم انا خذت اللاب توب وجيكت على المراسلات لقيت ان وحده مطرشة له ايميل وتقول له انت وحشتني وانا وايد متضايجة لانك رحت عني وخليتني واحبك ومن هاكلام وتقولة انا اخاف عليك من البنات اللي تعرفهم الا زوجتك ماخاف عليك منها لانها الرقم 1 في حياتك على طول رحت له لغرفة وواجهته ... وجه اتغير وخاف وما اتكلم ولاقال شي ومسج الايميل وثاني يوم رحت الدوام وهو يدق عليا وانا ما ارد علية وبعدين رديت علية وقال لي وينج وشو تسوين قلت له مالك دخل فيا انت بطريج وانا بطريج والحبيب ولا على باله وسويت له سالفه وقال لي تعالي البيت نتفاهم المهم رحت البيت وما اتكلم قال لي انت الحين معصبة انا بنتظرج تهدين وبعدين بقولج وليومج هذا ما قال لي شي وكل مااساله يقول لي مافي شي واحس انه جذاب احس ما اقدر اثق فيه وعلى طول صرت اشك فيه احاول معاه ان يعترف بس مايتكلم كيف اخلي يتكلم ويقول مب عارفة ابي مساعدتكم خواتي وايد افكر بالطلاق بس اتراجع عسب خاطر العيال الله يخليكم انصحوني وشورو عليا
والله مشكلتج صعبه وايد لو انا منج ازعل و اروح بيت ابوي عشان يعرف ان لي اهل ماني متوقفه عليه ويحس بغلطته بس لما يشوفج طول القوت جدامه ولا سويتي شي ولا اخذتي موقف منه بتساهل الشي وبيقول عادي ولا راح يهتم والله يسهل امورج يارب
لاتتهورين حبيبتي ولا تستعجلين تفاهمي معاه واشرطي عليه انه مافي سفرات ولا خرابيط واذا وعدج ان هذي آخر مره شتسوين بعد ردي عشان عيالج واهم شي يكون شاريك ويبيج ويحبج
الله يصلح بينكم يا رب ولا زم تتتجاهلينه وقفينه عند حده اشلون انج تتجاهلينه و تعتبرينه مو موجود اب حياتج وعيشي اب بيتج حق عيالج واهتمي اب شكلج وعيشي حياتج
الله يصبرج ويعينج عليه والبنات الحين ما يخافون الله ولا تهدينه لأنج راح تسهلين عليه يروح للثانيه تمسكي فيه وكل يوم حني عليه يعلم شنو صار هناك إذا صار اللي بالج تفاهمي معاه ليش يسوي جذي والله يكون بعونج ...
لاتفكرين بالطلاق ادعي ربج يصلحه ويهيده لج ان شالله معروفين اغلب شباب الامارات ابانكوك وبتاياااا مرده لج شتسوين بعد استغفري ربج وادعي انه الله يرضا عليج لان اذا رضا عليج بترتاحين
حبيبت قلبي دانه ترى احنا بشر لاتنسى هاى النقطه ودائما قلوبنا ضعيفه انا ما اقلج ريلك ماغلط بالعكس انتى بينتى له غلطه وهاى الي خلاة ياثر فيه خليج زيدى الدلال اشوى وخلج شم يوم يم اهلج زيارة ولاتقولي لحدى من هلج وهله وحاولي انج ماتعطيه مجال للكلام ليمه يعرف قيمتج وغلاتج بس لاتزيدى العيار كما يقولون لانه مهما كان زوجك وابو عيالج وللاسف حنا بوكت الشباب بالديوانييات يتفاخرون كل واحد شم بنت يعرف ويحكى مع كم بنت يعنى لاتواخذينه بس خليه يتحمل غلطه اشوى حتى لو رجعتى له خليه يتلوع بيج اكثر واكثر ولاتعطينه فرصه قولي له الله انطاك دانه وانت ادور على **اله والناس للاسف يغرها الخارج لاالداخل وعسى ربي يفرجها عليج وريح بالج بس لاتنسى كل شيء الا الانفصال قلبي وطمئنينى عليج باخبار طيبه
حبيبتي الله يعينج ويوفقج ويكتب لج اللي فيه خير لج,,, لازم تزعلين عليه وتوقفينه عند حده ,, واذا بتمين تشكين فيه راح تتعبين ويااه حيل.. وااجهيه وقولي له أنا صرت أخاف منك أخاف تجيب لي الأمراض أخاف أعيش مع انسان يرتكب الكبائر ,, من هالكلام الكبير عطيه عشان يعرف شكثر انتي متضايقة وخايفةوبعدين من ردة فعله تقدرين تحددين موقفج.. الله يهدي سركم ويحل أمركم ويهديج للطريق الصحيح.
حبيبتي 99% من ازواجنا خونه ياقلبي قعدي عند عيالج وحاولي تحلين المسأله بينكم او تدخلين احد كبير من العايله بدون مشاكل وطلاق
والله ياحبيبتي الله يعينج صراحة الخيانة مشاكلها واااايد وماتخلص وبصراحة لازم توقفينه عند حده وماتسكتين عن حقج لوشيصير اشوفه سااافر ولارد عليج ويدري انج زعلانة ليش انتي تسكتين عنه لازم توقفينه عند حدة عشان يعرف يحترمج ويقدرج ثاني مرة ولايفكر يخونج ويابنات موكل شي يصير لنا نقول مشكله وتعدي او مادري شسوي لازم تكون لج كلمة عشان يعرف شلون يحترمج ويقدرح ومايفكر يشوف غيرج والله يهديه لج يارب
الطلاق مو الحل بس لازم تعلمينه درس عشان مايكرر خطأه تهدين زوجج عشان وحده خايسه هذى احتمال نزوه . المهم ماتفكرين بالطلاق فكري شلون تسحبينه صوبج ولاتزنيين عليه بالسالفه يمكن تندم عليها ماتدرين بس قوليله مايسافر مره ثانيه بروحه الا اذا انتى معاه
الله يكون بعونج وادعيله بالهديه..واقعدي معاه وحاولي تحلين المشكله بهدوء وقولي له ليش سويت جذي شنو اللي قاصرك؟؟ وانتبهي لاتفكرين بالطلاق ..لانه موحل اعيالج بيضيعون. وان شاءالله تنحل المشكله..
حبيبتي انتي عارفه طبع زوجج أكثر من الكل،يعني تعرفين ادا قلبه عليج وعلى عياله وتهمه مصلحتهم وادا في خير فيكم ولكم قيمه عنده،ادا انتي عارفه هالشيء تكونونين حلي جزء من المشكله ،أما بالنسبه لموضوع الطلاق استبعدي هالشىء لأن عندج عيال بس لا تتنازلين عن كرامتج كمره أبدا وتجاهليه تجاهل تام ولا تسألينه ولا تفتحين الموضوع له ،لأنه قالج راح نتفاهم وتجاهل الموضوع لأن ماعنده شىء يبرره ولا بيعترف بقلطه وقعدي ببيت أهلج فتره علشان يعرف ان الموضوع ماراح يعدي بسهوله وادا تجاهلتي الموضوع راح يتمادى ويكرره كدا مره ويصير أمر عادي عنده عطيه درس (خليه يخاف حتى من ظله) وادا وصلتي بيت أهلج لاتبينين الموضوع لهم قولي سوء تفاهم بس وهميه انج قلتيلهم (الله يفرح همج وتحل أمورج) طمنيني عليج حبيبتي واتمنى ان ردي لج يفيدج ويخدمج
حبيبتي تعوذي من ابليس وانا صارلى نفس سالفتج وواجهتة وقلب السالفه على عقب قلت بطاااق اعطيه طاااف ومرده لى انا خليه وارفعى نفسج عنه ويحس بغلطته صدقينى ولا تكبرين السالفه لهلج ترا انتى تنسين واهم ما ينسوووون نصيييحه من اخت
