السلام عليكم خواتي انا رحت المستشفى يو السبت بالليل وكان نازل معاي ماي خفت يكون ماي الجنين لانة نزل بكثرة ويوم رحت قالوا الرحم مسكرة بس في طلق بسيط يعني يعدي 60 وينزل ونيموني عندهم لة الصبح والساعة 7 الصبح حطوا التخطيط ووصل الطلق لين90 وينزل لية 60 ويرتفع والم لحد الحين يعورني وجات الدكتورة واكشفت علي لانه قالت معاي طلق بس الرحم مسكر وقالت لي امشي وايد ومشيت على البحر وشربت خروع مع مانجو وينزل مني افراز لونة ابيض ومعاه ماي كل مارحت الحمام عزكم الله تكفون انا عندي موعد اليوم الساعه 8 تكفون شنو اسوي اخاف تقولي قيصري
هلا اختي . . . يعني هذا شهرج ؟!! اذا اي اصبري وجيكي على الجنين كل يوم وشوفي الماااي . . . وربي يسر امورج . . .
انا وقت اللي نزل علي ماي كان معاه افراز ابيض وفي لون بني مادري احمر وكان الرحم مبطل الله يسهل عليج ياااارب وان شاء الله تولدين طبيعي
اختي اخذي ملعقة عسل وملعقة زيت زيتون وان شاء الله يفتح الرحم ويجي الطلق طبيعي مجرب وعفيه ادعيلي بالذريه الصالحه لاتنسيني بالدعوه اختج مجد@
هلا أختي . . . شوفي اذا الجنين وضعه طبيعي لا تهتمين بكلامهم اهم شي جيكي عليه كل يوم سونار . . . وان شاء الله يزيد الطلق وتولدين يااارب طبيعي . . . شربي دارسين . . .
الله يسهل عليج وتقومين بالسلامه لا تخافين اختي جذي وولدت طبيعي لا تستعجلين علي المستشفى واكلي اناناس واقرأ قران واكثري من الاستغفار
مشكورين خواتي انا رحت امس الطبيب وقال لي انه في طلق كثر من اليوم الي رحته لهم وسوالي كشف وقال مسكر بس عنق الرحم قرب عن المرة الاولى وسوالي سونار وقال راس الجنين نازل بالحوض حيل يقول باذن الله هل يومين وان شاء الله خير والله بطني بينفجر من كثر ماهو متصلب والله يرزقج يااختي يامجد باذرية الصالحة وانا اقرا كل يوم اذكار تسهيل الولادة واشرب ماي زمزم بس اناناس موموجود بالخظار الي عندنا رحت اكثر من جمعية مالقيت على حظي انا اشرب عصير مانجو وزيت خروع وربكم يسهل ان شاء الله ويرزق كل وحدة تبي وتحس فية يارب
