سلام عليكم.... هذي اول مشاركة لي بهالقسم....وحااابه اسمع دعواتكم لي لاني هالشهر اخذت الكلوميد والابرة التفجيرية ... ومشيت علي عالكلام اللي قالته الدكتوره.... ادعوا لي خواااتي ان الله يرزقني باخووو او اخت حق بنيتي لانها حدها كاسرة خاطري وودهااا ببيبي بالبيت... واكيييد انا وزوجي ودنا بعد بهالبيبي... لاتنسووني من دعواتكم....
هلا أختي . . . ربي يرزقج عاجلا غير أجل يااارب . . . بالذرية الصالحة المعافاة يارب العالمين . . . اكثري من الاستغفار وربج كريم . . .
الله يرزقج يااااااااااااااااارب باخو او اخت حق بنوتج يارب ويهدي بالج وينولج مرادج بس ودي اقولج شغله وماودي تتضايقين مني حبيبتي اذا هذي اول مره تاخذين فيها الكلوميد موشرط يصير حمل انا خذيتها وسبحان الله ماصار معاي حمل لان الرحم عندي كان مايل شويه فعالجت عند وحده رددتني وسبحان الله حملت بس انشالله انشالله بهالمغرب يارب انج تحملين وتبشرينا ياااااااارب
مرحباااا دربالج الابر فيها ضرر عليج لاتكثرين منها وحده من جماعتنا كلت كلوميد وطقت ابر ومع السنين ارجولها ماقامت تشيلها وماقامت تمشي ووحده من بنات خالتي ماحملت ماخلت طبيب ماراحت له اخر شي راحت حق وحده مرختها طلع رحمها مايل شوي واختي ومرت اخوي وحده صارلها 8 سنوات ووحده 6 سنوات ماحملو مع ان عندهم عيال والله قعدو يقرون سورة البقره كامله كل يوم وبعد شهر اختي حملت ومرت اخوي عقب شهرين اقري قران احسن لج وحطي في بالج ان ربج بيرزقج لان ربج مايرد عبده خصوصا اذا كان مؤمن بأن الرزق بيد الله وخلج من الدكاتره والله الابر لعبت في وحده من جماعتنا وفي عمتي واختي دربالج وموفقه والله يرزقج بالذريه الصالحه والولد المتشافي والمتعافي ياااااارب
ربي لاتذرني فردا وانت خير الوارثين ربي هب لي من لدنك ذريه طيبه انك سميع الدعاء يااارب ارزقنى عوضني خير وجميع المسلمين يااااااااااااااااااااااااارب يارحيم يارحيم يارحيم
اختي الجادل 777 تسلمين ياااحياااتي عالدعوة الطيبة... وبالنسبة للكلوميد انا كنت ماخذته ثلاث دورات عند د. منصور العرف قبل خمس سنوات .. وسبحان الله مااااحملت ... وربج رزقني عقبهاااا بسنه وحملت ببنيتي ... الحين عمر بنيتي ثلاث سنوات وانا اكييييييد حاطة املي بالله سبحانه وتعالي ....وانشالله بداوم علي سورة البقرة... يعطيج العافية اختي عالتنبيه ...
ربي لاتذرني فردا وانت خير الوارثين ربي هب لي من لدنك ذريه طيبه انك سميع الدعاء يااارب ارزقنى عوضني خير وجميع المسلمين يااااااااااااااااااااااااارب يارحيم يارحيم يارحيم اختي الغالية فديته لبا عينه... تسلمين عالدعاااء الطيب وعلي فكرة انا مداوومة علي هالدعاااء... واملي بالله سبحانه وتعالي...
اللهم ارزقها بالذرية الصالحة والله من كل قلبي اتمنا حق كل الي يبون عيال ان ربي يرزقهم بالذرية الصالحة عاجلا غير اجلا يارب العالمين
اختي عمري اللي راااح... فديت قلبج يالغالية...وربي يسلمج يااحياااتي عالدعوة الطيبة... اللهم آميييييييييييين
مراااحب السلام عليكم ورحمة الله وبركاته.... من كل قلبي أدعوا إن الله يستجيب دعواتكن ويرزق كل وحده الذريه الصالحه .... بس حبيت أقولك انا بعد اخذت هالادويه ثلاث شهور وماصار حمل والحين من شهرين مواظبه على قراءة سورة البقره والاستغفار ..ومؤمنه بأن الله وحده قادر على كل شي وبيرزقني ..لان هالسوره جربتها بأشياء وايده والله حقق مرادي مثلا شغلي وزواجي اللي كان ولا على بال حد..وغيرها وأحمد الله وأشكرة .. حريم ياغاليات دعواتكن لامي وابوي المتوفين من قلوبكن ..ودعواتكن لي انا محتاجه أدعيه من قلوب صادقه من بعد أمي الله يرحمها.... تحياتي ..بنت الامارات
اختي بنت الامارات ماقصرتي يالغالية...واسأل ربي عز وجل انه يجبر بخاطرج وخاطري وخاطر كل انسااانه بضيقة او هم.... وربي يرحم امج وابوووج برحمته الواسعة وعسي ربي يغفرلهم ويجمعج معاااهم بالفردوووس الاعلي...وربي يهدي بالج ويعطيج علي قد نيتح... ولا تخافين مادام ربج معااااج...
