السلام عليكم و رحمة الله ... حبيباتي تكفون ساعدوني بعد الله سبحانه أبي آآآآآآآآرائكم زوجي تخرج و ياب نسبه حلوه وناويه أسويله حفله بيني و بين أهله بس أشرايكم شنو أسوي ؟؟؟؟؟ إلي سويتلا بصراحه طبعت صورته على الككاو عشان يوزع على حبايبا بس أبي أفكار منكم و لي عافيكم ؟؟؟؟ ربي يرضى عليكم دنيا و آخره و يرزقكم من حيث لاتعلمون
سويله عشا بمناسبة تخرجه كيكه التخرج ماشاء الله محلات الكيك مبدعين بالاشكال فتقدرين تيبينله كيكية وانشاءالله بنات المنتدى يفيدونج اكثر
مثل ماقالت الاخت كيكة تخرج على صورته وبوفيه بسيط ويكون شكله راقي وطبعا جدام الكل اول مايدش نثري عليه ورد ويبيله هديه والاحسن تكون بينكم
انا أقول لو توزعين الكاكاو على الأهل وتاخذين ريلج وتعشين معاه برة وبعد ماتخلصون عشا تروحون الفندق وتكونين مسويتله مفاجأه ومتفقه مع الفندق انهم يملون الغرفة ورد وبالونات وبعد ما تدخلون تقدميله هدية مكتوب عليها مبروك النجاح وانا اعتقد ان خوش فكرة والله يوفقج معاه
لا والله سويلة عشا يبيض الوجة كاكاو وخدمة شاي وقهوة والحلو والفطاير وعزمي الي يعزة قلبج وكشخي وتمكيجي والذبيحة العدلة والمرق ودقي علي اجيكم ههههاي افضل الذبيحة عن البوفية لاصار الجنب والمفطحة والجريش والسلطات والملفوف ياويلي ويلاة حدي جوعانة او اقولج دزيلي غريفة عليها جنب
دراريع عليا شكلج جوعانه صح خخخخخخخخخخخخخخخخخ عالبركه نفس ماقالوا خواتي وبليل عاد ابيتج احتفلي بينج وبينه فاجأيه لبس غير هديه حلوه وشوية رومانسيه
اممممممم انا اقول سوي بوفيه خفيف وحلو وكيكه على صورته هاذا احلى واهم شي وبس يعني لاتزيدين على هالحركات دام ان الحفله بين اهلكم الله يستر عليهم من العين تحصني وحصني زوجج ولاتطيرين فيه زياده عن اللزوم طيري فيه بينج وبينه ^_* وعسا الله يه***م
