بناااات ابي منكم مساااعده عندي اختي منحاااشه امس من بيت زوجها والسبه حمواااتها القشراااات الساعه 1 ونص بالليل وعشان شنو عشان موضوع ان المراه مولازم تشتغل عشان زوجها لايحط عليها قروض وبلاوي لانه اهيا الحاصل فيها جذي كلوها ومابغت الا عمرها لدرجة انه حتى عيالها عقدوووهم من كثر المشاكل وعمتها ام زوجها تستانس اذا بناتها سوو فيها جذي تشجعهم على اتفه الاسباب تقوم عليها حماتها الكببيره وتسبها وتطق عيالها مع انها موووومقصره معاهم وربي حاطتهم على راسها وماعمرها شكت منهم او ضرتهم بشي بس الحين الحين مسكييينه عشر سنين واهي متحملتهم وصابره على ضيمهم بغرفتين ولا وبعد حمام مشترك مع حمواتها الحلوات>>قل الله حلاهن وعلى طوووووووول ايعيبون عليها وعلى وظيفتها وعلى لبسها واهي مشالله ماتلبسس الا الغااالي واهما بنات فقر حسره عليهم الملابس حاسدينها على كل شي حتى اذا طلبت مطعم يسووون لها مشكله اشكبرها لووول وربي معقدين واذا اقعدت معاهم ساكتين مايتكلمون واذا راحت تطبخ لاااازم تستأذن من السلطات العليا عمتها>>عمت عينها حرام وربي كااااسسسره خاطري قولولي شسووووي لها
الله يفرج همها يارب وانشالله تفرج مافي حل غير انها تصبر وتراعي بيتها وعيالها والله يخليج صبريها ولاتزيدين النار حطب المشاكل لها يوم وتخلص
الله يعينها وانا مادي هالحموات ربي راح يعاقبهم بمثل ما يسوون فيها بكرا لي تزوجوااا كما تدين تدان على العموم ليش ماتطلع بشقه مدام اهيا الي تصرف وتشتغل تصدقين نفسي انا اول يوم كنت في بيت حمولتي اذا ابي اتصل من التلفون يشيلون ويشوشون علي وخدامتي وبنتي وزوجي كلنا بشقه وحده فيها غرفه وحده الخدامه تنام بالصاله وتكرمين الحمام هواش زوجي مع الخدامه بعدهاا شاف زوجي انه مستحيل نكمل على جذي طلعنا بشقه والله العظيم حسيت اني اانولدت من جديد الحمدلله الحريه حلوه خليها تحن على ريلها ماترجع الا تطلع بشقه وتفتك منهم الله يغربلهم من حموات
اى والله صج كلام البنات خل تطلع بشقة بروحها والله راح ترتاح من الهم اللى هى فيه لان راح يضل هالشى على طول لوضلت معاهم وانتى حاولى تكلمينها وتهدين بالها والله يكون بعونها انشالله
جزااااااااااكم الله خير حبيباااااااااااااتي اهيا ودها انها تطلع بشقه بس زوجها موراضي يقووول مايقدر يستغني عن امه وابوه خخ واهيا رجعت لبيت حمولتها امس العبييييييطه لان زوجها دق عليها وترجاها انها ترجع معاه وقالها راح ياخذ حقها من هالشريرات ادعووووووووووووولها امانه ان الله ايفرج همها ويثبت حملها>>حرام امس اقعدت تنزززف من الحره والعصبيه مسكينه
الله يفرج همها ويثبت حملها بس غلطانه اظل على موقفي واذا ما يبي يطلع يبنيلها شقه كبيره وتقعد وتسكر بابها عليها واذا شاف اصرارها بيوافق
