قوة...شلونكم يالغاليات؟؟؟ شنو شعورج وشتسوين اذا زفج زوجج جدام اهله؟؟؟ وخصوصا اذا انتي مو مسويه شي..يعني جاي من بره ولا متهاوش مع اي احد وحط الحرة فيج واذا اعتذر بعدها بتسامحينه ولا لأ؟؟؟؟؟:frown: والحلوين بس يردون :angel_smile::angel_smile: فديتكم
يشرفني اكون اول وحده ترد عليج اولا انا مو متزوجه بس بقول احساسي المسامح كريم دام اعتذرلي اكيد بسامحه لانه معصب ومايقصد والوحده تعرف قلب زوجها وتذكر محاسنه والله لا يجيب الزعل تقبلي مروري
مرة بكلمة قالي المهم كان مستعجل وانا ببداية السالفة وعندي خالتي ومرت حماي خزيتة خزة وسكت صديت وجهي لما صعت فوق داخلة مطنقرة يبي يراضيني اي شنو السالفة انفجرت قلتلة لما اكلمك لو ابوك يدق تسمعني لين اخلص وسالفتي مااعيدها يحاول يضحكني ويسولف ماارد لنها بايخة بحقي كل السهرة وانا مادة البوز عشان يتادب وثاني يوم مشيت الموضوع بس لازم تحسسينة كان خالتي حست اني طنقرت ماكملت السالفة وصديت حسيت اهوا بعد انحرج
اكيد شعوري شعور اي انسان ينزف جدام ناس وبعدين عاادي الي زافج زوجج مو احد غريب ولاتحطين في بالج اني ارد الصاع صاعين او تنفسين عليه عشانه زفج هاذا زوجج واكيد يحبج ويعزج ويغليج عاد انتي مو تصيرين حساسه زياده عن اللزوم عاادي يختي هاذا زوجج والله لو شيسوي محد رااح يشرهه عليه او بيقول ويييييييييييي زفهااا او فشلهاا واكيد اذا جاج وراضاج بترضين غصبن عليج احمدي ربج ان زوجج فيه احساس احسن من انه يدقر فيج ومايهتم رضيتي ولا لأأ
عادي يا قلبي هؤنيها ؤتهؤن استقبلي منه بكل هدؤء ؤانتي زؤجته حبيبته اقرب الناس له هدي الؤضع ؤقؤليله من هالكلام المعسؤل بس مؤ بالعميق قدام اهله عاد انتي ؤشطارتج ؛)
وحياتج ارد عليه ماستحي ولا انتخي مو عالبو عند اهله يغلط ويزف انا وحده من الناس ماهمني منو جدامي المهم اخذ حقي بس فديته مايسويهاااااااااااا
انقده على نفسه بأسلوب وازعل وابين ان هالكلمه ما عجبتني وامششششي واذا صعد .......... طوووط طوووط ياااويله ههههههههههه
هههههههههههههههههههههه انا مرة جذي كنت نازلة تحت قاعده مع اهله و كانوا كلهم موجوديين خواته و اخوه و قاعدين ناكل كيك و جذي العصر داش و يصرخ علي و انا اصلا مادري شالسالفه داش يقوولي شفيييج انتي تستعبطيين مو كل شي تضيعييين كل اغراضي قاطتهم انا >>>>>>>>> ام دمعه ... طبعا دمعتي شوي و تطيح ولا أقوولة شفيييك شنو ضااايع منك يقووولي مفتاح الشقه يعني ياااذكي انا نازلة و المفتاح معاي و انت تدري و انت معطيني اياه تصرخ بالله ليش ولا اسكت و أخزة خرة عند الله خبرها ولا عمي فديييته ياخذ حقي زفة واااي لو مو زافه جان طاعنته بالشووكة اللي بيدي بس زين بس صعدت راضاني و وداني سينما بعد >>>> بسرعه ينقص علي لوول
هههههههه الموقف صراحه مو حلو مرررره انا عن نفسي ما احب احد يفشلني عند الناس لا بعد ويفشلني عند اهله. انا وزوجي علاقتنا شبه رسميه قدام اهله عشان مايصير بينا شي بس مره بداية زواجي هاوشني عندهم وانا كنت الغلطانه والموقف لين الحين ما انساه من الفشله تخيلو انا ساكنه بعمارة اهله وفوقي فيه مستاجرين ومن الهطافه حماتي لبست عباتها وطلعت وانا اطامر ومخليه الباب مفتوح وطالعه بسيب العماره الا بجيته هو يمشي قبالي يااااااااااااربي وين أقط وجهي قعدت اطالع فيه وانا اضحك ووجهي قالب ألوان وهو يخززززززززز فيني وقالي الحرمه تحترم نفسها وتوقف ورى الباب مو تطلع من شقتها كذا لو مر احد وين ببتروحين يعني ومن هالكلام انا تفشششلت بس أمه ياعمري دافعت عني وزعلت عليه ليه يهاوشني عندهم بس بعدها فهمته انه حتى لو توصل بينا لشيطان الرجيم وانا اغلط او انت لاتكلمني عند اهلك عندنا غرفه وبيت نتكلم فيه . سوري طولت عليكم بس ذكرتوني بموقفي ولازم اسدحه .
انااا مرة وحدة سوااهاااا اللله ويكيلكم سكتتت بس الحس بنفجر حدي خلاص بس احد يحركني خلااص بصاارخ بس طلعت فوق صاارخت وقلت انت مو من حقك تصاارخ علي قدام اهلك تبي تصارخ صارخ علي بس مو قدام اهلك ومن بعدهاااا ماايسويهاااا فديته
شدعوه عاديه على حسب اذا كان فعلا متنرفز وماعمق الزفه يعني عالخفيف سامحيه اما اذا حاسه انه يعني شوفوا انا ما اعاملها عدل ونفش ريش جدامهم لا يختلف الوضع
انا صارت فيني مره فبيتهم كلمني بعصبيه شوي جان انحرج الكل التفت علي جان اطالعهو وابتسم وانزل راسي واسكت وحده فيني بجيه من الاحراج وبعدين راضاني واعتذر جدامهم ورضيت ولا جنه صار شي عادي
والله فشله بس اطلع علي طول غرفتي وازعل عليه عشان مايكررها مره ثانيه ديري بالج ترى تفقدين احترامج عند الحموله
