مرحباا بنات انا اول مره اشارك بموضوع بالمنتدى بس هالمره انا محتاره وابي رايكم واذا في احد مرت عليه هالمشكله يساعدني بليييز انا طحت على زوجي وهو متعرف على وحده شات بالنت ومن الحوار انه علاقتهم تعارف بالنت وانا لما شفت اللي شفته انهرت والله ماتوقعتها منه اهو تكاانه ومو مال هالسوالف واعترف بغلطته وحلفلي انه منهي الموضوع من قبل لا اعرفه وبينلي كل شي وهم عطاني الارقام السريه للايميل والتلفون وكل شي عنده بس المشكله فيني الحين مو قااادره انسى السالفه وأفكر ليل نهار بالسالفه واشك بكل تصرفاته مع اني قاعد افتش من وراه بكل شي تخيلو بنات حتى السياره افتشها مولاقيه شي وانا احس اني مومرتاحه شرايكم شنو اسوي انا تعبت من التفكير ؟؟؟؟ مع العلم انه حجزلي انا وياه نسافر بس عشان انسى الموضوع ؟ بس شسوي ؟ ابي رايكم تكفوووون .......:sad_smile:
حبيبتي هونيها تهون ومافيه رجال مايخربط واحمدي ربج انه اعترف بذنبه وعلمج الارقام السريةو هذا دليل على انه شاريج وحزة شيطان على ماقالو ............ ابدي معاه صفحه جديدة وسامحيه واتمنى لج كل التوفيق والراحه
ياكثر هالأشكال ... الخيانه تمشى بعروقهم شى موطبيعى .. الله يعينج صج هالسوالف عوار قلب . بس الغلط والعيب مو منج ولامنه العيب من بنات ابليس إللى يقطون نفسهم قط على رياييل خلق الله اهيه تستانس وتلعب والريال يتسلى واحنا ينهدم بيتنا
الله يعينج حيااتي الرجال غلط وأعترف ويحاول يمشي الامور الحين جا دورج بيني له أنج مسامحته وراضيه وعليج بالدعاء أن الله يبعد الغيره عن قلبج ويهديه ويسخره لج ويبعده عن الحرام اللهم امين
الله يعين انشالله وصاجه اختي هالاشكال بس همها تلعب على الرياجيل وهي تلقينها تكلم مية واحد واحنا يرتفع ضغطنا وبسس مشكورين حبايبي
حبيبتي أنا معاج شىء يتعب النفسيه وصعب وايد ،بس حاولي انج تهدين نفسج وتعطين زوجج فرصه تدرين ليش علشان اعترف بقلطه وقاعد يحاول يصلح الموضوع ،لو انسان ثاني والله جان تجاهلج ولا كأن صاير شىء ولا مسوي شىء وايد راييل جدي بس انتي حاولي انج تمشين الأمور كثر ماتقدرن علشان تكسبينه وتقربينه لج وانمشالله ماكو الا كل خير
حبيبتي الرجال غلط واعترف بغلطته واحمدي ربج خيانه شات يعني لعب بس ولاتطورت العلاقه لازم تنسين الي صار وتحسسين زوجج انج واثقه فيه وجنه شي ماصار والله يسخره لج ولا يشوف غيرج يآآآرب
الحمد لله انه اعترف لو واحد غيره يمكن يطلع عيوب موفيج بس عشان يبرر لكن اعترافه وان عطاج الرقم السري مثل ماتقولين وبين لج كل شي هذا دليل حبه واهتمامه لج ولمشاعرج..كل رجال لازم يعر حاولي تنسين وسأليه في شي ناقصج تبيني اسويه؟او بحوار هادي قولي انا مقصره عليك بشي؟حاولي تعرفين اهو ليش سوا جذي شوفي وين الخلل او الي كان ناقصه يمكن كان(يبي..)>بلحظتها وانتي مثلا ماكنتي موجوده او مالج خلق ..ادري طولت عليج بس انتبهي له بين فتره وفتره ما احرضج على التجسس والشك >بس عشان تطمنين..وحاولي توفرين له كل شي من عاطفه وجنس وكلام حلوو ولبس حلو واغراءات ونعوومه..وانسي كل شي حبيبتي..ان شا الله اكون افدتج ولو اني كثرت بالكلاام بس كله لعيونج ياقلبي..الله يهنييج..وادعيلي
حبيبتي والله الرجال شاريج انا اعرف وحده كل يوم اطيح علي زوجها وهي حراام اصغيرة عمرها 18 وحلوه اكابر عليها كله احملها المسوليه وقولها منج والارقام السريه ماتعرفها وماسح فيها الارض احمدي ربج
الخيانه والف آآآآآآآآآآه من الخيانه انا بعد اربع سنين اكتشفت خيانة زوجى مع انه دين وسامحته وماكو فايده بنات ابليس مو مخلياته وحسبي الله ونعم الوكيل الجأى لله هو العالم بالحال وكثرى من الدعاء والله الشكوى لغير الله مذله والله والدنيا فتن استعيذي بالله منها ولزوجك ومرده لج احتسبيها عند رب العباد نعم المولى ونعم النصير
